Sak. 2:6 - Yus Papí: Shuarja̱i̱ Yus Yamaram Chicham Najanamu

⁶ “Wi ashí nuṉkanam tsakiṉmakma pujatirmesha pai antuktarum” tawai Uunt Yus. “Túrarum arakaani̱ matsatutirmesha jíintratarum” Uunt Yus tawai.

Sak. 2:6 Iomraidhean Croise

Naṉ. 19:17

Tura pepru ikiukí̱ jíinkiarmatai Yusa suntari̱ chicharainiak “Jáka̱i̱j tákurmeka pisartarum. Kame uwemprataj tusa wakerakrumka apajá̱sa íimtsuk paka ju̱i̱ṉkia wajasa ayamtsuk tsékeṉkrum naint wakatarum” tiármiayi.

YKan. 44:2

Tura aents ántar yusan tikishmátin armia nuka wáitkiasam amukáram ii uuntri̱ ni nuṉke̱n matsasármiame.

Isa. 55:1

“Kame ashí kitiamatirmeka entsá winittiarum tura kuit takakchakrumsha winirum sumakrum yurumáitiarum. Nuyá̱ wíniusha tura muntsusha peṉké ántrarmek kuítchaja̱i̱ sumaktarum.

Jrm. 1:14

Tutai Uunt Yus chichartak “Ju̱ nuṉkanam pujuinia núnaka araki̱a̱ ti itiurchatja̱i̱ ashí aentsun wáitkiasartatui.

Jrm. 3:18

Nu tsawantinkia Jutanmaya̱sha Israernumia̱ja̱i̱ métek wekasartatui. Túmainiak arakaani̱ matsatainia nuka ni aparí̱ nuṉkan nérentin ajasármia nú nuṉkanam tsaníakuk káunkartatui.

Jrm. 31:10

Maa, ashí nuṉkanmaya̱ shuartiram Uunt Yusa chichame̱ antukrum nayantsanam ayamach yajá matsatáinia nusha ju̱ nékamtikiatarum. ‘Uunt Yus Israer shuaran yajá tsakiṉmakarmia nuna ataksha irurartatui. Tura murikiu wáinin ni murikrí̱n irur wainia tímiatrus wáinkiartatui.’

Jrm. 31:38

Wats nekaatarum Uunt Yus ju̱nasha tawai. Tsawant jeattana nuiṉkia Ananér kumpinnium juárkimiuk Tsukin waiti tutaiya̱ tímianai Uunt Yusna pepru je̱a̱mnaktatui.

Jrm. 31:8

Wats nekaata, nuṉká arakaani̱ matsatutirmincha ikiankattajrume tura nuṉka náṉkatramunam matsatrum nuya̱ncha irurtatjarme. Nuiṉkia kusurúsha, shutuapsha tura nuwa̱ ajamtincha nuyá̱ takusárusha páchitra ártatui. Kame ti untsurí ju̱i̱ṉkia káunkartatui.

Jrm. 50:8

Nu asamtai Papirúnianmaya̱ Kartíu aentsu nuṉke̱ya̱ṉka jiinkirum pisartarum. Tura murik untsurí ashiniainiamunam áishmaṉkri̱nkia eem wena áinkiatarum.

Jrm. 51:45

Tura Uunt Yus asan ti kajerkaran asutiáwartatjana nui̱ jáka̱i̱rum Wi shuartirmeka nuya̱ṉka jiinkirum uwempratarum.

Jrm. 51:50

Tura átum mesetnumia̱ pisarmarum nútirmeka sétutsuk tuke wetarum. Nui̱ pujakrumsha Yussha tuke enentáimtustarum tura Jerusaréṉsha kajinmátkirap.

Jrm. 51:6

Tuma asamtai yamaikia Papirúnianmaya̱ṉka pisartarum. Tura atumsha Uunt Yus ni tunaari̱n asutiáwartatna nui̱ jáka̱i̱rum ni túrawarmania nuja̱i̱ métek yapajmiátkattana nú tsawant jeayi.

Isk. 5:10

Tuma asamtai apasha uchirí̱n yuáwartatui tura uchisha aparí̱n yuáwartatui. Tura nekasa nuja̱i̱ métek túrakun iwiaaku juákarua nunasha tsakiṉmakartatjai.’

Isk. 5:12

Tuma asamtai atumíya̱ menaintiú akankámua nuyá̱ chikichík akankámuk suṉkurja̱i̱ tura tsukaja̱i̱sha jákartatui. Tura chíkich akankámu ártatna nuka ni nemasri̱ téntakar matsamtiartatna nui̱ṉ máwartatui. Nuyá̱ amúamu akankámu ainia núnaka Wikia yajá tsakiṉmakaran Winia puya̱run ukuinkian apapékartatjai.

Ams. 9:9

“Tura Israer shuarnaka chíkich chíkich nuṉkanam pujuinia núnaka chikichkiksha meṉkaka̱i̱ṉ tusan trikiu chikichkisha nuṉká akaketsuk tsatsamátniua ímiatrus tsatsámnátⁱ tusan akupkartatjai.

Sak. 1:16

Tuma asamtai Uunt Yus chichaak ‘Yamaikia Jerusaréṉkan waitnentran ataksha enentáimturarjai. Tura nui̱ Winia Je̱a̱rka je̱a̱mnaktatui tura Jerusaréṉsha ataksha je̱a̱mnaktatui’ tawai Ashí Akupin Uunt Yus.

Sak. 2:7

“Maa Seúnnumia̱tirmeka Papirúnianam pujakrumsha Papirúnianmaya̱ṉka jíintrarum pisartarum.

Mat. 24:31

Yusa suntari̱n kachu kakaram umpuartarumIsa. 27:12-13; Sak. 9:14-17; 1 Kur. 15:52; 1 Tis. 4:16; Apu. 11:15tinia akupkámtai nu suntar ashí nuṉkanmaya̱ ashí Yus shuaran, Yus achikma ásarmatai irurartatui.Isa. 11:12

Mar. 13:27

Nui̱ nayaimpinmaya̱ suntarun akupkáttajai Wí shuaran ashí nuṉkanmaya̱n irurarat tusan. Arakaani̱ya̱, nuṉkaani̱ya̱, ashí nuṉka náṉkatkamunmaya̱n Wí shuaran irurartatui.

Muis. 28:64

Túrutma Uunt Yusak yajá nuṉkanam pepru irunainia tímianai tsakiṉmak akuptámprattarme. Túram nui̱ pujusrum atumsha tura atumí úuntri̱sha wáinkiacharma numiji̱a̱i̱ tura kayaja̱i̱ najankamu yus tikishmátrattarme.

Apu. 18:4

Nuyá̱ nayaimpinmaya̱ ti kakantar chichaman antukmajai. “Wí shuaraitrumna nuka nú peprunmaya̱ jíinkitiarum. Túrachkurmeka ni tunaarí̱ jumamkirum ni wáitsatniuri̱ncha pachinkiattarme.

Rut 4:1

Puassha pepru wá̱i̱ti̱a̱i̱ri̱n we pujumiayi. Tumai̱ Rútan nekas ámin waitmakminkia pujawai timia nu shuar naṉkaama wainiak untsuk itiá apujsamiayi.