Sak. 2:5 - Yus Papí: Shuarja̱i̱ Yus Yamaram Chicham Najanamu

⁵ Tuma asamtai péprun ji keaja̱i̱ téntakma núnisan wenuke̱nka Wiki átatjai. Tura nui̱ ajapén pujakun ni winchari̱ya̱ núnisaṉ páantin átatjai’ tawai Uunt Yus titiá” turutmiai.

Sak. 2:5 Iomraidhean Croise

YKan. 125:2

Jerusaréṉ pépruka naint téntakma ajapén pujana núnis Uunt Yus Niniu ainia núnaka yamaiya̱ ju̱yá̱ tuke téntak pujuráiniawai.

YKan. 3:3

Túrasha Ámeka Uunt Yusá tantara núnisam téntakam winia ejatkáme. Tura Ámeka winia tsáapnintruitme tuma asam wíniaka ikiakátme.

YKan. 46:5

Yus nui̱ pujak ikiaká̱rtatui. Tsawant náṉkamkuisha tuke yáiṉtatui.

YKan. 48:12

Tura Seunka werirum wekatúsrum téntaktarum túrarum kumpin je̱e̱sha nekapmartarum.

YKan. 48:3

Úunt akupniu pujutai̱ je̱a̱nmaṉka ejamtai̱ asa Yuska nekaamuiti.

YKan. 85:9

Ii nuṉke̱n Ni winchari̱ pujusat tusa ti nekas arantuk ashampramainia nuna uwempratniuri̱nkia ishichik ajasái.

Isa. 12:6

Wats Seúnnum matsatrumna nútiram atumíin Tunaarincha Yus naṉkamantua nu pujá asamtai warakrum kakaram kantampruátarum” títiatrume.

Isa. 4:5

Nuiṉkia ashí Seun nainnium tura iruntai̱nmasha Uunt Yus tsawai̱kia yuraṉmin tura káshikia ji kean ikiustatui. Warí ashí nui̱ Ni kakarmari̱ tarach ayapá̱rar nukukma núnis átatui.

Jrm. 31:39

Tura nekapmatai̱ yaraṉka Kaarep náinniumaani̱ nákak wétatui nuya̱ṉka Jerusaréṉnum Kúa írutkamua nuní̱ ipijiáktatui.

Isk. 38:14

Aentsu uchiri̱yá, maa yamaikia Yus Kúkan túratta nu ujakum Uunt Yus Ashí Aentsu Uuntri̱ chichartamuk ‘Nu tsawantai̱ Israer shuar Winia ainia nu itit awajsachma aṉkant ti shiir matsamsartatna nuka ¿ámeka nekashtatmek?’ túramui.

Isk. 47:3

Tura nui̱ áishmaṉ etsa̱ tatainmaani̱ nekapkan takaku jiinkimiai tura kiniantu mitru nekapmamtai entsá wanusrua a̱i̱ṉ amumtikrua ikiantukmiai.

Sak. 1:16

Tuma asamtai Uunt Yus chichaak ‘Yamaikia Jerusaréṉkan waitnentran ataksha enentáimturarjai. Tura nui̱ Winia Je̱a̱rka je̱a̱mnaktatui tura Jerusaréṉsha ataksha je̱a̱mnaktatui’ tawai Ashí Akupin Uunt Yus.

Sak. 2:10

Maa Seúnnumia̱ aentstirmeka ti shiir warasrum kantamátarum. Kame ju̱sha nekaatarum, Wikia yamaikia atumji̱a̱i̱ matsamsattajai” tawai Uunt Yus.

Sak. 2:11

“Kame nu túrunamtai uunt nuṉka mátsatkamu untsurí Uunt Yusai̱ pachinkiartatui. Túrunawar Wi shuar ajasártatui. Nuya̱ṉka Wisha atumji̱a̱i̱ matsamsattajai. Nu túrunamtai antsu nuiṉkia Ashí Akupin Uunt Yus atumíin akuptúkua nu nekaattarme” tawai Uunt Yus.

Sak. 9:14

Uunt Yus aents matsatainia nui̱ wantinkiattawai. Ni naṉkirí̱sha pema núnis jíitsumir átatui. Uunt Yus kachun umpuak nuṉkaani̱ uunt nasenam wétatui. Nuyá̱ ni ejamtairi̱nkia Ashí Akupin Uunt Yus átatui. Ni Yusri̱ Uunt Yus murikiu wáinin nútikias ni shuari̱n ayamprúktatui. Niṉkia Yusa nuṉke̱n pujusár péṉker iwiarmamka ímianis wínchar ajartatui tura imiá peṉker shíirmach ártatui. Tura tríkiuncha nuyá̱ wíniuncha tí nukap ni takaku asamtai ni uchirí̱sha tura nawantri̱sha shíirmach tsakakártatui.

Sak. 9:8

Winia je̱a̱rui̱ ayamach pujusan jintia iin awajsamua núnisan aents jíinkiara̱i̱ṉ tura waya̱wara̱i̱ṉ tusan íistatjai. Túramtai Wi wáitkiakratniuka atakka Winia ainia nuna wayá̱ wáitkiachartatui. Warí, yamaikia Wikia niin péṉker wáinniuitjiai.

Ruk. 2:32

Israer shuarcha ainia nu tsáapninium wekasarat tusa akuptúkmaiti ju̱ Uchi. Isa. 9:2; 42:6; 49:6 Tura Israer shuar Áminiuram ájinia nuna ashí aents shiir enentáimtikrarti tusam ju̱ Uchi akuptúkmaitji. Nuna wainkian shiir enentáimsan jákatniuitjiai” tímiayi.

Apu. 21:23

Nú peprunmasha tsawái̱ nantusha kashí nantusha atsumchamai. Antsu Yusa winchari̱ tsáapin awajmiai. Núnisaṉ Muriksha tsáapin awajmiai.