Sak. 14:2 - Yus Papí: Shuarja̱i̱ Yus Yamaram Chicham Najanamu

² Warí, nu tsawantin ashí nuṉkanmaya̱n Jerusaréṉja̱i̱ mánikiarat tusan irurartatjai. Túram nu péprun nupetkar ni je̱e̱n utsantuawar ashí kasarar ni nuwe̱ncha yajauch awajtúsartatui. Túrawar nui̱ pujuinia núnaka jímiapetek akankar chíkich nuṉkanam yarumainiak tura chikichnaka nui̱ṉ ujukartatui.

Sak. 14:2 Iomraidhean Croise

Isa. 4:3

Tura Jerusaréṉnum juákaru ainia nuka kame Seúnnum ikiukmia tunaarincha áiniawai tunartatui. Kame Jerusaréṉnum pujuinia nu ashí ni naari̱ papinium anujkamu áiniawai.

Isa. 5:26

Tura yajaya̱ aentsun Yus ikiatkattawai. Yajaya̱ áiniayataṉ pimpichartatui tura iwiarnakaru ásar kaya ukamua tímiatmartatui. Nuyá̱ úunt ya̱wa̱ yukartak itiura núnis atantkichmin ajasártatui. Kame nui̱ káunkar nayants téter ajana tímiatmartatui. Núnisaṉ nuṉká iimsamsha kúntuts tura tsáapnincha kiritin ajastatui tusa Isayas etserkamiayi.

Isa. 65:18

Antsu Wi najankattajna nuja̱i̱ nekaska iniaṉnatsuk ti shiir enentáimsarum warastarum. Warí Jerusaréṉnaka warastinian tura nui̱ matsatainianka ti shiir enentáimsar pujusárat tusan najanattajai.

Jrm. 21:4

‘Israera Yusri̱ Uunt Yus jú̱nis tawai “Mesetnum mánitiai takakrumna nunak atumniak Wi ipijmiamtikiatajrume. Papirúnianmaya̱ úunt akupniuja̱i̱ mániarmena núnaka Kartíu aentsnasha tanishnum a̱a̱ áreṉka matsatrumna nui̱ Wi jú̱ pepru ajapéri̱n irurtatjai.

Jrm. 34:1

Napukutunusúr Papirúnianmaya̱ úunt akupin ashí ni suntari̱ji̱a̱i̱ tura ashí nuṉka Napukutunusúran umirin armia nuja̱i̱ tura nu arantcha ashí niisháa niisháa mátsatkamunmaya̱ aents Jerusaréṉkan núnisaṉ pepru ayatka téntak matsamármia nu mánit wéarmiayi. Nuya̱ṉka Uunt Yusa chichame̱ Jirimíasan tarimiayi.

Ukan. 1:10

Tura nemassha Ame Je̱e̱min ashí shíirmach írunna nuna kasamak yaruakarai. Tura Winia Shiir Awajtai̱ Je̱a̱rui̱ waya̱charti Ame tímiam nui̱ uunt mátsatkamunmaya̱ ainia wáinian Jerusaréṉsha wainkiayi.

Isk. 5:8

Tuma asamtai Uunt Yus ashí aentsu Uuntri̱ ju̱na tawai ‘Wisha núnisnak Jerusaréṉká ámin kajerkattajme tura chíkich nuṉkanmaya̱ aents iimiainiamunmaṉ asutiáttajme.

Juir 3:2

ashí uunt nuṉka mátsatkamu iruran Jusapáta nuṉké̱ pakarí̱n yaruakan wi shuar wáitkiasarmanum tura Winia Israer shuarun tsakiṉmakar nuyá̱ nuṉkarun akintrutkar sunaisaru ásarmatai nincha sumamtikiawartatjai.

Juir 3:9

Tura ashí uunt nuṉka mátsatka kakaram aents ainia nu mesetan iwiarnatkar iruntrarti tama antuukati.

Ams. 7:17

Túrasha Jiuwá jú̱nis tawai ‘Ame nuwemka péprunam tsanirmatai̱ nuwa̱ ajastatui tura uchirmeka núnisaṉ nawantrumsha puya̱ja̱i̱ mantamnawartatui. Tura nuṉkemniaka nakurúsar awakmakarua nu nakarár jurutrámkiartatui. Núnismek ámeka Yusan nékachu matsatainia nuna nuṉke̱n jakattame. Tura Israer shuarka chíkich nuṉkanam yajá junakiartatui’ tawai Yus” Amus tímiayi.

Sak. 12:2

“Wi Jerusaréṉnaka nijiamanch umarar nampetai piniṉkia nútikiattajai. Túramtai ashí nuṉka ayaam matsatainia nusha nampekua núnis nékakcha ajasártatui. Tura Jerusaréṉkan árenak Jutancha núnisaṉ áreṉkartatui.

Sak. 12:3

Tura ukunmaṉka Wi Jerusaréṉkan ashí nuṉkanmaya̱ shuar ayaam matsatainia núnanun kaya kijinia nútikiattajai. Túramtai ashí nuṉkanmaya̱ aents nú kaya takuitiai tusar wakeruiniakka nekemakartatui. Nuyá̱ ashí nuṉkanmaya̱ aents ainia nusha Jerusaréṉkan kajerkartatui.”

Sak. 12:9

Núnisaṉ nu tsawantin chíkich nuṉkanmaya̱ aents Jerusaréṉnumia̱n kajerainia núnaka Wi ashí amukártatjai.

Mat. 22:7

Túramtai úunt akupin ti kajek ni suntari̱ mash mátarum túrarum ni je̱e̱ mash ekemáktarum tusa akupkarmai.

Mar. 13:14

Nuyá̱ Jesus chichaak “Shuar ju̱na áujeana nu nekaati. Yúsnan etserin ni naari̱ Taniar, ti yajauch tuke emesin ana nunaTan. 9:27; 11:31; 12:11 yaunchu aar etserkamiayi. Nuka pujushtainiam pujan wáinkiurmesha ashí Jutanam pujarmena nu nainnium pisartarum.

Mar. 13:19

Nu tsawantinkia tí waitsatin átatui. Yama naṉkamtaik Yus nuṉkan najanama nui̱sha, yamaisha ukunmasha timianú wáitsatin peṉké atsuttawai.

Ruk. 2:1

Wats Juaṉ akiiniamia nú uwitin úunt akupin Akustu ashí nuṉkanam aentsun nekapmararti tu chichakmiayi.