Sak. 13:7 - Yus Papí: Shuarja̱i̱ Yus Yamaram Chicham Najanamu

⁷ Maj, puyá̱a̱, Winia murikiu wáinin tura áishmaṉ Winia a̱i̱rua nu ijiuarta” tawai Ashí Akupin Uunt Yus. “Tura murikiu wáinniun mantuattajai túram murik pisarartatui. Antsu uchichincha nekapsan amukchartatjai.”

Sak. 13:7 Iomraidhean Croise

YKan. 2:2

Warí ashí nuṉkanmaya̱ úunt akupniusha tura peṉkeri̱sha wajarar Úunt Yusnasha Ni Anaikiamuri̱ncha iruntrar kajerkar chicharainiak Tur. 4:26

Isa. 27:1

Nu tsawantinkia Uunt Yus uunt ainia nú nuṉkaya̱n kakarmaja̱i̱ akupin ainia nunasha puyá̱ esarmaja̱i̱ tura péṉker atsakamuja̱i̱ kakaram asutiáwartatui.

Isa. 40:11

Kame murikiu wáinin ni murikrí̱n wáiniuk kakaram akuptáiri̱ji̱a̱i̱ uchichíri̱nkia irurartatui. Murikchinkia miniakas jurukiartatui. Tura amuntsainia núnaka waitnentas yaruakartatui.

Isa. 9:6

Warí nu Úchikia iin akiintiurmaitji, chikichik Uchin suramsaitji. Nisha ti kakaram akupin átatui. Ni náari̱ṉkia “Aentsja̱i̱ Naṉkaamas Chicharkartin”, “Kakaram Yus”, “Tuke Pujú Apa”, “Aṉkant Pujustinnia Uuntri̱” tu anaikiamu átatui.

Jrm. 47:6

Maa Uunt Yusa puya̱ri̱yá̱ ¿Amesha urutáik muchitmarmesha iniaisattam? Ame eṉkemtairmin waketkim eṉkemám tee ajasam eṉkemsam ayamprata.

Isk. 37:24

Nuiṉkia Winia takartin Tawitiak úunt akupin tura niṉki ashí wáinin átatui. Nuyá̱ Wi akupkámu umiktin chichamnasha uminiak péṉker túrawartatui.

Mik. 5:2

Tura ame Épratanmaya̱ Piriṉkia, Jutá weanmaya̱ imiá uchich ámini̱ṉ, aminí̱ya̱ Israer shuarnum akupin jiintiurkittiawai. Niṉkia ti yáunchuya̱iti. Kame náṉkachu asa tuke pujuwiti. Isa. 11:1; Mat. 2:6

Mik. 5:4

Uunt Yusa kakarmari̱ji̱a̱i̱ núnisaṉ Ni Yusri̱ Uunt Yusa naari̱ ti naṉkamantua nuja̱i̱ ni shuari̱ wainiainiam imiatkincha matsamsartatui. Warí Nisha nuṉka náṉkatrana ímianai naṉkamantu awajsamu átatui.

Sak. 11:11

Tura nu tsawantin chícham najanamu amia nuka nui̱ṉ amukámiayi. Nu túramun murikiun sunain armia nusha wáitkiaru ásar “Nekas Uunt Yusa chichame̱ya̱inti” tiármiayi.

Sak. 11:4

Uunt Yus winia Yusur chichartak “Yusai̱ mátniun júkiartin ainia nu murik péṉker wáinkiarta.

Sak. 11:7

Tura mátai̱niam júkiartin ainia nuna murikiu sumau sumakar waitrukta tusa apujsarman murikiun wáinkiarmajai. Túran jimiará wai̱n achikmajai. Emka wai̱kia “waitnenkartin” anaikiamjai tura chikichnaka “jiṉkiatai” anaikiamjai. Túran murikiun wainkiamjai. Jṉ. 10:1-18

Mat. 1:23

“Nuwa̱ natsa ajapruktatui tura áishmaṉchin takustatui. Nuna náari̱sha Emanuér anainiaktatui.” Tu áarmaiti. Emanuérsha nu chichamnum “Yus iiji̱a̱i̱ pujuwiti” tawai.Isa. 7:14

Mat. 10:42

Uchincha Wí shuar asamtai entsa michan shikirak susaṉka imiá nekas nusha akinkiáttawai” tímiayi Jesus.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Mat. 18:10

“Uchi ainia nu nakitrairap. Yusa suntari̱ nin wáinkiatniua nu winia Aparuí̱ tíjiu̱ch pujuiniawai.

Mat. 18:14

Núnisaṉ atumí Aparí̱ nayaimpiniam pujana nu, nu uchi chikichkisha meṉkakacharti tawai” tímiayi.

Mat. 26:31

Nui̱ Jesus chichaak “Ju̱ kashi átum Winia ashí natsantrurtatrume. Kame Yus Papinium áarmaiti ‘Murikiu wáinniun mantuattajai túram murik pisarartatui.’ Sak. 13:7

Mat. 26:56

Antsu yamaikia yaunchu Yúsnan etserin áararmia nu uminkiati tusarum jú̱tikrarme.” Tú timiayi Jesus. Nuyá̱ ni unuiniamuri̱ Jesusan Níniak ikiuiniak pisararmiayi.

Mar. 14:27

Nuiṉkia Jesus nin chicharuk “Ju̱ kashi átum natsantrurtatrume. ‘Murikiu wáinniun máattajai túramtai murik tsakiṉmakartatui’ tu áarchamukait.Sak. 13:7

Mar. 14:50

Nuiṉkia ashí ni unuiniamuri̱ Níniak ikiuiniak pisararmiayi.

Ruk. 12:32

Winia murikrutiram ashamkairap. Untsuríchuitrume. Túrasha atumí Aparí̱ ni akuptáiri̱i̱n pachitmaktasa ti wakerutmarme.

Ruk. 17:2

Ju̱ shuar uchich ainia nuna yajauchiniam túrumtikna nuna Yus imiá asutiáttawai. Tuma asamtai nuna túratsa̱i̱ṉ uunt kayaja̱i̱ kuntujnum jiṉkiá nayantsanam aju̱ṉkam maak ainti.

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 10:30

Wikia winia Aparja̱i̱ aya chikichkitji” tímiayi Jesus.

Juaṉ 10:38

Tura nekas túrakuiṉkia enentáimtursatarum. Tura Winia nakitrakrumsha nuikia wi túramu enentáimtustarum. Núja̱i̱ṉkia winia Apar Winin pujamu ashí nekaattarme. Núnisnak Wisha Niin pujajai. Iisha chikichkitji.”

Juaṉ 14:1

“Kúntuts pujusairap. Yus enentáimtustarum, Winiasha enentáimtursatarum.

Juaṉ 14:23

Jesus chichaak “Winia anentuka tájana nuna enentáimtawai. Winia Aparsha nu shuaran aneattawai. Tura Wisha winia Aparuí̱ nu shuarja̱i̱ tsaniṉkia pujustatji.

Juaṉ 16:15

Ashí winia Apar takakna nusha Wíniaiti. Nu asamtai ‘ashí Wínian ujatmáktatui’ tajai.

Juaṉ 16:32

Tí warik átumka ashamkarum tsakiṉmakattarme tura Winiak ikiurkittiarme. Antsu winia Apar pujakui Wiki pujatsjai.

Juaṉ 5:23

Tuma asamtai ashí shuar Yus Apan shiir awajainia áintsaṉ ni Uchirí̱ncha métek shiir awajsatin áiniawai. Yus Apa ni Uchirí̱n akupka asamtai Uchirí̱n shiir awajeatsna nuka Yus Apancha shiir awajeatsui” tímiayi.

Juaṉ 8:58

Tutai Jesussha chichaak “Ti nekasan tájarme, Aprajámka pujatsa̱i̱ṉ Wikia Wíkitjiai” tímiayi Jesus.

Tur. 2:23

Tura Jesus surunkamia nuna Yus yaunchu túmatsa̱i̱ṉ paant nekaamiayi. Túrasha Yus enentáimmia nuja̱i̱ métek túrawarmiayi. Tura atumek emetarum Jesus jukimiarme. Nú arant krúsnum mátarum tunáa shuar tímiarme.

Rum. 8:32

Ni Uchirí̱ncha suritramkachmiaji antsu ashí iin jarutramkarat tusa akuptúrmakmiaji. Tura asa ni Uchirí̱ji̱a̱i̱ ashí ti shiira nuna suramsashtatjik.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Kar. 3:13

Tura Kristu yamaikia uwemtikrampramji. Akupkámun umirkachu yumiṉkramuiti tana nuka iin túramtsuji. Antsu Kristu iin yaintmaktin krúsnum jaka yumiṉkramu ajasmiayi. Kame áarmaiti “Shuar jakati tusa numiniam nenasma yumiṉkramuiti.” Muis. 21:22-23

Jir. 2:6

Nisha Yúsaitiat ju̱ nuṉkanam winiak tuke Yusja̱i̱ métek átinian emettsuk

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

1 Pit. 5:4

Nuiṉkia murikiu wainniu Uuntri̱ taa wantiniak iwiarmamtai tawasap tí shiirmachia núninian suramsattawai. Aents súana nu shíirmach wari mamurtiniaiti. Tura úuntrum ámin suramsattana nuka peṉké mamurchattawai.

1 Jṉ. 2:2

Jesukrístu ii tunaari̱n asakártaj tusa jarutramkamiaji. Túrasha aya íiniunkechu antsu ashí shuara tunaari̱n asakártaj tusa jarukmiayi.

Apu. 1:11

Tura chichaak “Witjiai Émkanka tura Náṉkatkancha Wíkitjiai. Yáunchusha tuke pujuyajai. Núnisnak yamaisha tuke pujajai. Tuma asamtai wáinmena ju̱, papinium áaram Ásianam siati péprunam Yus shuar írunna nui̱ akuptúkarta. Jú̱ peprunam akupkarta, Ipisiusha, Ismirnasha, Pírkamusha, Tiatirasha, Sártissha, Piratírpiasha tura Rautiséasha” turutmiai.

Apu. 1:17

Nuna wainkian jakaa áintsanak nawe̱e̱n iniaarmajai. Túrasha ni untsuuri̱ uwejé̱n awantrus turutmiayi “Ashamkaip. Witjiai ashí juármari̱ tura amúamuri̱sha.

Apu. 1:8

Witjiai Émkanka tura Náṉkatkancha Wíkitjiai tawai ii Uuntri Yus. Kame yáunchusha tuke pujuyajai tura yamaisha tuke pujajai núnisaṉ Ashí Tujintkiachu ukunam winittiana nusha Wíkitjiai.

Apu. 13:8

Túramtai ashí aents tuke iwiaaku átinia nu papinium ni naari̱ yámankamtaikniumia̱ anujkamu atsúarma nuka nu Yajasman tikishmátrarmai. Nu papincha Murik jaka nantakmia nu takakui.

Apu. 2:23

Ni uchirí̱ncha mantuattajai. Nuja̱i̱ ashí Yus shuar Wi nekas shuara enentái̱n nékaitjia nuna nekaawartatui. Atumniasha chikichik chikichik takasmaja̱i̱ métek akiktatjarme.

Apu. 21:6

Ataksha chichartak “Yamaikia mash uminkiayi. Witjiai ashí juármari̱ tura amúamuri̱sha. Kame A rétranmaya̱ Y rétranam ashí retra áintsaṉketjai. Ashí kitiama núnaka tuke iwiaaku pujutai̱ entsan peṉké kuítchaja̱i̱ áartatjai.