Sak. 13:1 - Yus Papí: Shuarja̱i̱ Yus Yamaram Chicham Najanamu

¹ Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Sak. 13:1 Iomraidhean Croise

YKan. 51:2

Winia yajauch túrutair japirturam tunaarusha mash asaktúrata.

YKan. 51:7

Uruchji̱a̱i̱ japirtinia núnis tunaar japirturta. Túrutawakmin enentái̱rui̱ṉkia michaja̱i̱ naṉkaamas puju ajastatjai.

Isa. 12:3

Warasrum uwemtikkiartin púkuninmaya̱ entsa jusattarme.

Isa. 4:4

Tura Uunt Yus sumamtiktai̱ tura asutkiartutai̱ wakanja̱i̱ asutiá Seuna nawantri̱ mui̱jmiai̱ntri̱n tura Jerusaréṉnum numpa upuramun japirartatui.

Jrm. 17:13

Uunt Yusru, Israer shuar péṉker átinia nákamuri̱ntme. Tuma asakmin ashí shuar Ámin iniaitiámas kanainia nuka natsa̱a̱rartatui. Warí Úunt Yusai̱ya̱ iwiaaku entsa nuyá̱ kanakiaru ásar ni náari̱ṉkia nuṉká ju̱yu̱ri̱n aarma ártatui.

Jrm. 2:13

Warí Winia shuaruka jimiará yajauchin túrawaruiti. Wikia iwiaaku entsa saar púkunitjiana Jṉ. 4:10 núnaka iniaitiusar niṉki entsa pajamtai chiṉkiara asa entsasha pajamchan najatmakaruiti” tawai Uunt Yus.

Jrm. 29:26

‘Yúsnan pujurin Juyata Uunt Yus ji̱i̱ki̱ ámin Yúsnan pujurin awajtámsaiti. Tura Uunt Yusa Je̱e̱n ashí áishmaṉ waurka ainia nu Yúsnan étserkui ame wáinkiarta tusa apujtamsaiti. Nu aents kuntujnum jiru wearmája̱i̱ jiṉkiawaram sepunam eṉkeawartiniaitme.

Jrm. 33:8

Winin yajauch enentáimprar tunaan túrawarmia núnaka japirartatjai. Túran ashí yajauch enentáiji̱a̱i̱ Wi timian peṉké nakitrarmia nunasha núnisnak tsaṉkurartatjai.

Isk. 36:25

Tura péṉker entsaja̱i̱ ukatran ashí yajauchia nuyá̱ atumí tunaari̱ncha tsaṉkurattajai. Nuyá̱ najankamu yus enentáimtutai̱nmaya̱sha aṉkant awajsattajrume.

Isk. 36:29

Kame atumí tunaarí̱ya̱ ashí aṉkant awajsattajrume. Túran atumí tríkiuri̱ncha núkap awajtústatjarme tura atakka átum tsukamátniuṉka akuptúkchattajrume.

Isk. 47:1

Nuiṉkia Yusa Uunt Je̱e̱ wá̱i̱ti̱a̱i̱ri̱n awaṉtukmiai. Nui̱ Yusa Uunt Je̱e̱ á̱a̱ri̱ṉkia etsa̱ tatainmaani̱ aa asamtai Yusa Uunt Je̱e̱n waya̱kur wá̱i̱ti̱a̱i̱ri̱ wakenmari̱ya̱ entsa jiini̱ etsa̱ tatainmaani̱ akaimiai. Kame Yusa Uunt Je̱e̱ nuṉkaani̱ yantam jíiniuk éntsaka Yus áestutai̱ nuṉkaani̱ yantamén naṉkaamamai.

Sak. 12:3

Tura ukunmaṉka Wi Jerusaréṉkan ashí nuṉkanmaya̱ shuar ayaam matsatainia núnanun kaya kijinia nútikiattajai. Túramtai ashí nuṉkanmaya̱ aents nú kaya takuitiai tusar wakeruiniakka nekemakartatui. Nuyá̱ ashí nuṉkanmaya̱ aents ainia nusha Jerusaréṉkan kajerkartatui.”

Juaṉ 1:29

Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 5:4

Kame Yusa suntarí̱sha entsá miarmamtikiataj tusa ni tátaj taku táuyayi. Nuya̱ṉka emka jaa entsá wayá̱ ni jáamuri̱ya̱ tsuámamiayi.

1 Kur. 6:11

Atumíya̱sha chíkich chíkich nuna túrin armai. Tura yamaikia ii Uuntri̱ Jesusa kakarmari̱ji̱a̱i̱sha tura ii Yusri̱ Wakaní̱ kakarmari̱ji̱a̱i̱ atumí enentái̱ shiir ajasuíti, atumsha Yusna ajasurme tura tuke péṉker ajasurme.

1 Pit. 1:19

Antsu Kristu numpe̱ ti shiira nuja̱i̱ uwemtikramuitrume. Nu nékarme. Yaunchu shuar tunáa túrakui Yus chichaak “Murik yajauchichu tunamárcha máarum Yus sútai̱niam ikiustarum. Nuna numpe̱n wainkian atumí tunaari̱n tsaṉkurattajai” tíniuyayi. Núnisaṉ Kristu iin jarutramka asa ii tunaarí̱nia̱ uwemtikrampraitji.

1 Jṉ. 1:7

Yuska tuke tsáapninium pujuwiti. Iisha núnisrik tuke tsáapninium pujakrikia nuamtak nawamnaikiar pujuiniaji. Túrakrin Yus ni Uchirí̱ Jesukrístu numpe̱ja̱i̱ ashí ii yajauch túramuri̱n japirtamji.

1 Jṉ. 5:6

Jesukrístu jú̱ nuṉkanam taa entsaja̱i̱ imiantkui Yus nayaimpinmaya̱ chichaak “Ju̱ka winia aneamu Uchiruiti” tímiayi. Tura nuyá̱ Jesus jakamtai ni numpé̱ puármiayi. Entsaja̱i̱ imianin ni takatrí̱n naṉkamamiayi túrasha iin jarutramak ni takatrí̱n ju̱ nuṉkanam amukmiayi. Chikichkinkikia túrutsuk mái̱ metek tura asamtai Yusa Uchirí̱ya nu paant nekanamniaiti. Yusa Wakaní̱sha tuke nekas tiniua nu métek tawai.