Sak. 12:8 - Yus Papí: Shuarja̱i̱ Yus Yamaram Chicham Najanamu

⁸ Nu tsawantinkia Uunt Yus Jerusaréṉnum matsatainia nuna ayamprúkartatui. Nui̱ kakarmachu ainia nusha Tawitji̱a̱i̱ métek ajasártatui. Tura Tawitia shuari̱ṉkia Yusa ánis, kame Yusa suntari̱ eem wea núnis áiniawai.

Sak. 12:8 Iomraidhean Croise

YKan. 8:5

Kame aentstinkia nayaimpinmaya̱ suntarja̱i̱ṉkia imianchach najankaruitme. Túrayatmek winchari̱ tura arantútairi̱ susamam nuja̱i̱ páantin awajsaitme.

YKan. 82:6

Wikia tímiajai atumsha yúsaitrume. Núnisrumek Ashí Naṉkamantu uchirí̱ntrume. Jṉ. 10:34

Jiin. 14:19

Nuya̱ṉka Yusa suntarí̱sha Israer shuar matsamkamunam eem wemia nuka uku juak pataatiarmiayi. Tura yuraṉmisha iruna eem wemia nusha núnisaṉ uku juákmiayi.

Jiin. 33:2

Tura Winia nayaimpinmaya̱ suntarun átum wéamunam eem akuptúkan Kanaannumia̱ aents, Amur aents, Jet aents, tura Píris aents, Jep aents nuyá̱ Jípius aents matsatainia núnaka ji̱i̱rartatjai.

Isa. 49:7

Tura Uunt Yus, Israera uuntri̱ uwemtikkiartinia nu tura ame Tunaarincha Yúsrum imiancha tura nakitrámua nu núnisaṉ chikichan takarniúri̱ya nu chichaak jú̱nis tawai “Uunt akupin ainia nusha ámin waitmakar wajakiar Uunt Yus péṉker túrin asamtai tura Israera Yusri̱ peṉké tunaarincha ámin anaikiamka asamtai tikishmáttramprar tsuntsumprútmawartatui” tímiayi.

Isa. 53:3

Aents nakitiáiniak ji̱i̱ki̱ awemarmai. Aents asa najaimiatniuncha tura wáitsatniuncha nékauyi. Shiir awajtsuk nakitiakur ii yapi̱sha u̱rji.

Jrm. 27:10

Niṉkia wáitian etserainiawai atumí nuṉke̱ya̱ akantámkitiaj tusa tura Wi atumín ji̱i̱ra ajapam amuukarat tusar turamainiawai.

Use. 1:7

Antsu Jutanmaya̱ shuarnaka waitnentraran tíshimkiuja̱i̱nchu ántsaṉ puya̱ja̱i̱nchu tura kawaiji̱a̱i̱nchu nu arantcha mesetchaja̱i̱ antsu Ni Uunt Yusri̱ kakarmari̱ji̱a̱i̱ uwemtikrartatjai” tímiayi.

Use. 12:3

Ni nukurí̱nia̱ akiintsuk ni yachí̱ saṉkani̱n achimkiámiayi. Tura uunt ajassha Yusja̱i̱ mánaikmiayi.

Use. 3:5

Tura Israer shuarka ataksha ni Uunt Yusri̱ enentáimturar ni akupniúri̱ Tawitiai̱ waketkiartatui. Tura amúamu tsawantinkia Uunt Yusan ashamainiak kuraṉkar waitnenkartutairi̱n seawar Nin weantúkartatui.

Juir 3:10

Kame átum pukuí arakmatairi̱ṉ puyá̱ najankatarum núnisaṉ átum trikiu juurmatairi̱ṉ naṉki najankatarum tura kakarmachua nusha ‘Wisha kakarmaitjiai’ tití.

Riw. 26:8

Kame atumíiya̱nka sénkuchikitiataṉ sian aentsun apapékartatui tura siánkaitkiuṉka tias mir aentsun apapékartatui. Túrakrum atumí nemasri̱ṉkia atumí puya̱ri̱ji̱a̱i̱ kajeṉtatrume.

Mik. 5:8

Túramtai Jakupa shuari̱ úunt ya̱wa̱ kampunniunmaya̱ yajasma kajen ainia nuna ajapéri̱n nupetmaku wajana tura úunt ya̱wa̱ uchirí̱ murik matsatmanum ajapén pujuras péempruk esái júak chikichkiṉkisha iniaṉkakchattana núnisaṉ nisha ishichik juákaruitiat untsurí nuṉkanmaya̱ aentsu ajapéri̱n nupetmakaru wajasártatui.

Mik. 7:16

Tura uunt nuṉka mátsatka ainia nusha ni kakarmari̱ji̱a̱i̱ṉkia naṉkaamas Yus túramun wáinkiar páchim enentáimprar natsa̱a̱rar chichakchamnia empekua núnis ajasártatui.

Mik. 7:8

Maa, winia nemasru íirsam warasaip. Warí, iniaruitkiunash nantakchattajak. Kame Uunt Yusai̱ yajauchin tura asan wi túramunam sumamtikruumam tura nekasa nuja̱i̱ métek turutmam Ni kajetáiri̱ncha katsuntrattajai. Winia nemasrusha núnaka wáinkiartatui tura ame Yusrumsha ¿tui̱ pujá? turutiarma nusha natsa̱a̱rartatui. Tsawant jeamtai ame péprurmi wenuke̱sha najanaktatui tura ame nuṉkem tesamua nusha Ejiptunmaya̱ juárkin entsa tímianai iwiaṉkántrattawai.

Sak. 2:5

Tuma asamtai péprun ji keaja̱i̱ téntakma núnisan wenuke̱nka Wiki átatjai. Tura nui̱ ajapén pujakun ni winchari̱ya̱ núnisaṉ páantin átatjai’ tawai Uunt Yus titiá” turutmiai.

Sak. 9:14

Uunt Yus aents matsatainia nui̱ wantinkiattawai. Ni naṉkirí̱sha pema núnis jíitsumir átatui. Uunt Yus kachun umpuak nuṉkaani̱ uunt nasenam wétatui. Nuyá̱ ni ejamtairi̱nkia Ashí Akupin Uunt Yus átatui. Ni Yusri̱ Uunt Yus murikiu wáinin nútikias ni shuari̱n ayamprúktatui. Niṉkia Yusa nuṉke̱n pujusár péṉker iwiarmamka ímianis wínchar ajartatui tura imiá peṉker shíirmach ártatui. Tura tríkiuncha nuyá̱ wíniuncha tí nukap ni takaku asamtai ni uchirí̱sha tura nawantri̱sha shíirmach tsakakártatui.

Sak. 9:8

Winia je̱a̱rui̱ ayamach pujusan jintia iin awajsamua núnisan aents jíinkiara̱i̱ṉ tura waya̱wara̱i̱ṉ tusan íistatjai. Túramtai Wi wáitkiakratniuka atakka Winia ainia nuna wayá̱ wáitkiachartatui. Warí, yamaikia Wikia niin péṉker wáinniuitjiai.

Mks. 3:1

“Pai yamaikia nekaata. Winia jintiarun iwiarat tusan Winia chichampru etserniun akupeajai. Tura Ni Je̱e̱n Uuntka átum e̱a̱rmena nuka aya aneachma tarutrámtatrume. Átum wakeramu aentsja̱i̱ chícham najanamu Yusa suntari̱ winiawai” tawai Ashí Akupin Uunt Yus.

Mat. 1:23

“Nuwa̱ natsa ajapruktatui tura áishmaṉchin takustatui. Nuna náari̱sha Emanuér anainiaktatui.” Tu áarmaiti. Emanuérsha nu chichamnum “Yus iiji̱a̱i̱ pujuwiti” tawai.Isa. 7:14

Rum. 9:5

Ni we̱a̱trí̱n Yusan tí peṉker enentáimtin irunmiayi. Krístusha aents ajas nú shuarnum akiiniamiayi. Krístuka Uunt Yus asa tura ashí akupin asa Niṉki tuke shiir awajnásti. Núnisaṉ atí.

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

Isr. 11:34

Uunt jiniasha ikiajniákarmiayi, puya̱ja̱i̱ mantamnatniuncha uwemprarmiayi. Kakarmachusha kakaram ajasár mesetnumsha ni nemasri̱ncha nupetkarmiayi.

Jus. 23:10

Ni tiniu asa atumí Uunt Yusri̱ mánitramuk yamaikia atumíya̱ṉka chikichkitiat mir aentsun nupetkamniaiti.

Apu. 22:13

Witjiai. Yámankamtaikniumia̱ amúanmasha tuke pujuwitjiai. Wisha A rétranmaya̱ Y rétranam ashí retra áintsaṉketjai” tawai.

Apu. 22:16

“Wi, Jesus, ashí Yus shuaran ujakárat tusan winia suntarun akupkajai. Wikia Tawit Weaitjiai. Túrasha Tawitia úuntri̱ntjiai. Wikia tí tsaapin yaa Yáṉkuamia áintsaṉketjai” tawai.