Sak. 12:6 - Yus Papí: Shuarja̱i̱ Yus Yamaram Chicham Najanamu

⁶ Nu tsawantin Jutá uuntri̱ ainia núnaka chíṉkim jinium pataram keana tura shirikip shana nuke̱n ekemana tímianu awajsartatjai. Tura nisha untsuurnumaani̱ nuyá̱ menanmaani̱ núnisaṉ ashí aents nui̱ téntakar pujuinia nunasha áeskartatui. Túramtai Jerusaréṉnumia̱sha ataksha nui̱ṉ pujusártatui.

Sak. 12:6 Iomraidhean Croise

Isa. 54:3

Warí ame untsuurumsha tura menaarmesha takuittiame. Túrawakmin ame tiraṉkim ukunam akiiniawartatna nu, untsurí nuṉkan akinkiartatui tura uunt pepru ainia nuna aents atsuinia nui̱ matsamkartatui.

Jrm. 30:18

Uunt Yus chichaak “Nekaata achira yaruakma ainia nuna Jakupa shuari̱n ikiankartatjai ní shuari̱nkia waitnentrartatjai. Pépruka emeskarma ainia nui̱ṉ ataksha je̱a̱mkartatui tura úunt akupniu je̱e̱sha je̱a̱mkamu amia nui̱ṉ ataksha je̱a̱mnaktatui.

Apt. 1:18

Jakupa shuari̱ nuyá̱ Jusé shuari̱sha kapá̱a̱ átatui. Nuyá̱ Esaú shuarka aesnak amunuk kai̱ awajnas warinkish juákchattui tura ekemanak mashⁱ amunkattui” warí Jiuwá núnis tíchakait.

Sak. 1:16

Tuma asamtai Uunt Yus chichaak ‘Yamaikia Jerusaréṉkan waitnentran ataksha enentáimturarjai. Tura nui̱ Winia Je̱a̱rka je̱a̱mnaktatui tura Jerusaréṉsha ataksha je̱a̱mnaktatui’ tawai Ashí Akupin Uunt Yus.

Sak. 11:1

Maa Riwianú, wáitiram urainiarta tura ame sétrurminkia ji áesak amukarti.

Sak. 12:5

Tura Jutá uuntri̱ ainia nu ni enentáimsaṉ chichainiak ‘Jerusaréṉnum pujuinia nuka ni Yusri̱ nayaimpinmaya̱ suntara Úunt Yusri̱ji̱a̱i̱ kakaram ajainiawai’ tiártatui.

Sak. 2:12

“Kame Uunt Yuska ni sunastinia tímiatrus nuṉkanam akantúkma nu Jutanka apujsattawai. Tura Jerusaréṉnaka niniu atí tusa ataksha achiktatui.

Sak. 2:4

Tura chicharuk “Tsékeṉkim au natsach chicharkum ‘aentsush tura waakasha ti untsurí ásarmatai Jerusaréṉnumka wenuke̱ atsamunam matsamsartatui.

2 Kur. 6:7

nekas chicham ana nu étsereaji tura Yusa kakarmari̱sha nú paant iniakmaji. Tura ni nemasri̱n nupettuka̱i̱ṉ tusa suntar ni tantari̱n júana núnisrik iisha ii nemasri̱ íwianch nupettamka̱i̱j tusar ii Yusri̱ tuke umirkar wekaaji.

Apu. 20:9

Tura ashí nuṉkan enetak Yus shuar matsamtai̱ncha tura Yus ti aneamu pépruncha mash éṉkekarmai. Túramtai Yus nayaimpinmaya̱ jinia akuptuk mash áesawarmai.