Sak. 12:5 - Yus Papí: Shuarja̱i̱ Yus Yamaram Chicham Najanamu

⁵ Tura Jutá uuntri̱ ainia nu ni enentáimsaṉ chichainiak ‘Jerusaréṉnum pujuinia nuka ni Yusri̱ nayaimpinmaya̱ suntara Úunt Yusri̱ji̱a̱i̱ kakaram ajainiawai’ tiártatui.

Sak. 12:5 Iomraidhean Croise

YKan. 144:1

¡Jiuwá winia uunt muchiṉkrua núnis asa shiir awajsamu atí! Mesetnum mániktinian winia uwejrun waumkas tura winia tsara uwejruncha juujut awajturui.

YKan. 18:32

Kakarman surana nuka Yúsaiti. Tura winia wekaamurnasha tí peṉker naka awajturui.

YKan. 18:39

Yusru Ame kaka̱rtin mesetnum surame. Winia nemasrusha wini̱ni̱ taket tikishmaki̱ ajarmai.

YKan. 46:1

Iin ayamprutmak ikiakátmajnia nuka Yúsaiti. Itiurchat pujakrincha wárik yáintmaji.

Isa. 1:10

Sutumanmaya̱ akupniútirmesha Uunt Yusa chichame̱ antuktarum. Núnisrumek Kumuranmaya̱ aentstirmesha ii Yusri̱ akupkámu chicham anturkatarum.

Isa. 28:5

Tura nu tsawantinkia Ni shuari̱ juákaru ainia nuna páantin tawaspáa núnis tura tí peṉker iwiarmamka áinis Ashí Akupin Uunt Yusa nu ajastatui.

Isa. 28:6

Núnisaṉ sumamtikin ainia nuna nekatairi̱ṉkia tura pepru wá̱i̱ti̱a̱i̱ri̱n ni nemasri̱ waya̱a̱wara̱i̱ṉ tusar ayampruinia nuna kakarmari̱sha Yusak átatui.

Isa. 29:10

Warí Uunt Yus atumí nekatairi̱n kanarua áitkiartamaitrume. Tura atumí Yúsnan etserniuri̱n ji̱ncha epetka nútikiaiti tura nekamin ainia nunasha nekamtai̱ri̱n emenkátkaiti.

Isa. 45:24

Kame Winia pachitias chichainiak “Aya Uunt Yusai̱ni̱ṉ nekasa nusha tura ti kakarmasha awai” turutiartatui. Tura ashí shuar Niji̱a̱i̱ kajernaikia nuka Ni pujamunam jeawar natsa̱a̱rartatui.

Jrm. 30:21

Ni akupniúri̱ṉkia ni aentsri̱ matsatainia nuyá̱ úunt akupin anaikiamu átatui tura ni aentsri̱ya̱ asa nin péṉker akupkartatui. Wi nin weaktatjai túram ni Winin taruttiatui. Warí, yamaikia ¿yaki ashamtsuk Winí̱ weankatniun tarutit?” tawai Uunt Yus.

Jrm. 33:26

nuiṉkia Wikia Jakupa tiraṉki̱ncha tura Winia takartin Tawitia tiraṉki̱ncha nakitrartatjai. Tura Tawitia uchirí̱nkia Aprajáma uchirí̱n, Isaknasha núnisan Jakupnasha, nin úunt akupin ajasarti tusan apujsashtatjai. Antsu nekas Wikia nin péṉkernum apujsattajai túran waitnentrartatjai’ tawai” tímiayi.

Juir 3:16

Kame Uunt Yussha Seúnnum pujus úunt ya̱wa̱ núnis júrur ajattawai. Tura ni chichame̱sha Jerusaréṉnumia̱ṉ antuittiawai. Túmakui̱ nayaimpisha nuṉkasha muchitrattawai. Núnisaṉ Uunt Yuska ni shuari̱ Israer shuar ejamkar kakatainti.

Sak. 10:12

Kame Wi Jutan Uunt Yusa kakarmari̱ji̱a̱i̱ kakaram awajeakui Winia naarja̱i̱ wekasartatui” tawai Uunt Yus.

Sak. 10:6

Waitnentainiakun Jutanka kakaram awajsaran Jusé shuari̱nkia aṉkant awajsartatjai. Tura náakam ajasárua núnisar Eprainniumia̱ṉka Uunt Yusai̱ warasartatui. Tura ní uchirí̱sha núnaka wáinkiar núnisar warasartatui. Tuíntsuk matsatainia nui̱sha Wíniaka enentáimturiartatui. Áitkiasnak tui̱ matsatainia nuya̱ntka ji̱i̱raran Karaatnum tura Ríwianunam ikiankartatjai. Túrasha ashí aents matsamsatin nuṉka jeashtatui. Núnisaṉ Asiria waantu enentáimtumatairi̱ncha emestukartatjai antsu Ejiptu akuptai̱ naṉkiri̱nkia emeṉkátkattajai.

Sak. 12:4

Uunt Yus tawai “Nu tsawantinkia ni kawairi̱ncha sápij awajtúsartatjai tura nui̱ eketkainia nuka waurka ajasártatui. Nuyá̱ ashí nuṉkanmaya̱ kawái ainia núnaka ji̱n ukusturartatjai. Antsu Jutá shuari̱nkia péṉker wainkiattajai.

Sak. 12:6

Nu tsawantin Jutá uuntri̱ ainia núnaka chíṉkim jinium pataram keana tura shirikip shana nuke̱n ekemana tímianu awajsartatjai. Tura nisha untsuurnumaani̱ nuyá̱ menanmaani̱ núnisaṉ ashí aents nui̱ téntakar pujuinia nunasha áeskartatui. Túramtai Jerusaréṉnumia̱sha ataksha nui̱ṉ pujusártatui.

Sak. 14:14

Núnisaṉ Jutanmaya̱sha aents Jerusaréṉnum mániattawai. Nuna tura ashí nuṉkanmaya̱ ayaam pujuinia nuna kuítri̱n tura kurincha nuyá̱ entsatáincha tí nukap irurartatui.