Sak. 12:4 - Yus Papí: Shuarja̱i̱ Yus Yamaram Chicham Najanamu

⁴ Uunt Yus tawai “Nu tsawantinkia ni kawairi̱ncha sápij awajtúsartatjai tura nui̱ eketkainia nuka waurka ajasártatui. Nuyá̱ ashí nuṉkanmaya̱ kawái ainia núnaka ji̱n ukusturartatjai. Antsu Jutá shuari̱nkia péṉker wainkiattajai.

Sak. 12:4 Iomraidhean Croise

1 Akup. 8:29

Ju̱ Je̱a̱ ‘Winia náarun apujsattajai’ tiniu asakmin ju̱ Je̱a̱nam iimsan tsawai̱sha káshisha Ámin takartámin seatmana nu anturkata.

2 Akup. 6:14

Tuíniakui nui̱ṉkia úunt akupin aentsun kawaiji̱a̱i̱ tura núkap suntaran kárunam akuprarmiayi. Nuyá̱ kashi jeariar uunt péprun téntakarmiayi.

2 Akup. 6:18

Nuyá̱ Sírianmaya̱ suntar winitiáiniam Iriséu Uunt Yusan seak “Ju̱ aents ji̱ ukusturarta” tímiayi. Takui̱ Iriséu seamia tímiatrusaṉ ji̱sha kusurú juákarmiayi.

Neem. 1:6

Kame wi nuyá̱ wí shuarsha Amiin yajauch túraitji. Ame takartámin tsawai̱sha tura káshisha seatmana nu anturkata. Warí Israer shuaran Ame takartámin ainia nuna wi niin seatajme. Tura Israer shuarti Amiin yajauch túrawaruitiajⁱ wi ujajmena nui̱ waitneasam tsaṉkurkarturta.

Jrm. 24:6

Kame péṉker árat tusan péṉker wáinkiartatjai túran jú̱ nuṉkanmaṉ ataksha awakearan ikiankartatjai. Tura péṉker matsasárnaka emeskachartatjai. Árakchaitkiuisha arakárnaka atakka uwerchartatjai.

Isk. 38:4

Tuma asan Wikia jaṉke̱nam tseṉkenja̱i̱ awaṉtuktinia áitkiasan ayantran suntari̱ntiuk kawairi̱ntiuk tura kawainium ekemtan unuimiátra ainia nunasha ashí iwiarmampramurtiuk ti untsurí aents tantarnasha tura ayamprumatai̱ncha núnisaṉ puya̱ncha ashí takarainian ji̱i̱raran yaruakartatjai.

Isk. 39:20

Winia ekentsa yurumtairui̱ṉkia kawái tura kawainium ekemta unuimiátra ainia nuna namaṉke̱sha tura aents kakaram núnisaṉ ashí aents mesetan unuimiátka ainia nuna namaṉke̱sha yu yu nakitkittiarme” tawai Uunt Yus Ashí Aentsu Uuntri̱ tiartá’ tímiayi.

Tan. 9:18

Winia Yusru, émamkesam antukta. Tura ii nuṉké̱ emeskar jú̱nik awajsarma ainia nusha núnisam ame náaram shiir awajtai̱ péprusha íisarta. Warí, ii péṉker túramu enentáimtusar seatsji antsu Ame naṉkaamas waitnenkartin asakmin seaji.

Sak. 12:11

Nu tsawantin Mikitiu pakari̱n Jatatrimiúnnum útiarmia núnisaṉ Jerusaréṉnumsha ti úttiartatui.

Sak. 12:3

Tura ukunmaṉka Wi Jerusaréṉkan ashí nuṉkanmaya̱ shuar ayaam matsatainia núnanun kaya kijinia nútikiattajai. Túramtai ashí nuṉkanmaya̱ aents nú kaya takuitiai tusar wakeruiniakka nekemakartatui. Nuyá̱ ashí nuṉkanmaya̱ aents ainia nusha Jerusaréṉkan kajerkartatui.”

Sak. 12:5

Tura Jutá uuntri̱ ainia nu ni enentáimsaṉ chichainiak ‘Jerusaréṉnum pujuinia nuka ni Yusri̱ nayaimpinmaya̱ suntara Úunt Yusri̱ji̱a̱i̱ kakaram ajainiawai’ tiártatui.

Sak. 12:6

Nu tsawantin Jutá uuntri̱ ainia núnaka chíṉkim jinium pataram keana tura shirikip shana nuke̱n ekemana tímianu awajsartatjai. Tura nisha untsuurnumaani̱ nuyá̱ menanmaani̱ núnisaṉ ashí aents nui̱ téntakar pujuinia nunasha áeskartatui. Túramtai Jerusaréṉnumia̱sha ataksha nui̱ṉ pujusártatui.

Sak. 14:15

Núnisaṉ ashí taṉku matsamkamunam írunna núnaka kawaincha kamiyuncha umpurunash nú suṉkurak iniantrattawai.

Sak. 9:8

Winia je̱a̱rui̱ ayamach pujusan jintia iin awajsamua núnisan aents jíinkiara̱i̱ṉ tura waya̱wara̱i̱ṉ tusan íistatjai. Túramtai Wi wáitkiakratniuka atakka Winia ainia nuna wayá̱ wáitkiachartatui. Warí, yamaikia Wikia niin péṉker wáinniuitjiai.

Tur. 17:30

Aents Yusan nékainiachuk túrawarmia nuna Yuska yáunchuka pachischamiayi. Túrasha yamaikia Yus ashí aentsun chicharuk ‘Tunaarum iniaisarum nekas enentáiji̱a̱i̱ enentáimtumasrum iwiarnartarum’ túramji.

Muis. 28:28

Núnisaṉ Uunt Yus waurka awajtámsakrumin tura ji̱min ukustamprakrumin nuyá̱ pujuschamnia enentáimtikramprakrumni̱sha wáitsattarme.