Sak. 12:1 - Yus Papí: Shuarja̱i̱ Yus Yamaram Chicham Najanamu

¹ Jú̱i̱ti Uunt Yusa chichame̱ Israer shuarnum ukunam átatna nu ujakma. Uunt Yuska nayaimpin ayapá̱r iwiarka tura nuṉká tépakmari̱n najana núnisaṉ aentsun iwiaaku awajsámin wakaní̱n eṉketra núiti.

Sak. 12:1 Iomraidhean Croise

Naṉ. 1:8

Tura yakiini̱ áṉkanniuk juakmia nuna Yus “nayaim” anaikiamiayi. Nui̱ kashi tsawai̱ji̱a̱i̱ jimiará tsawant ajasmiayi.

Naṉ. 2:7

Nuyá̱ Uunt Yus nuṉká ju̱yu̱ri̱n naner áishmaṉkan najanamiayi. Tura ni nuji̱i̱n umpuí iwiaaku mayái̱ eṉketram iwiaaku ajasmiayi.

YKan. 104:2

Ame nérentin asam tsáapnintrumji̱a̱i̱ pushí áentsratniua áitkiaitme. Tura nayaimpikia tarach ayapá̱rma nútiksam ikiusuitme.

YKan. 134:3

¡Nayaimpincha tura nuṉkancha Jiuwá najana asa Seúnnumia̱n péṉker yumiṉkian akuptúrmakti!

Isa. 40:12

¿Yaki nayantsancha ni uwejé̱ja̱i̱ weṉkuk nekapmait tura yaki nayaimpi esantí̱ncha ni uwejé̱ja̱i̱ nekapmait. Tura yaki náintniasha tura kampunniuncha kijin nekapmatai̱ji̱a̱i̱ nekapma núnisaṉ yaki nuṉka nekapmatai̱ji̱a̱i̱sha nekapmawit?

Isa. 40:22

Uunt Yuska nuṉká tenteá nui̱ pujawai. Tura nuṉká pujuiniana núnaka manchia núnin íiniawai. Niṉkia nayaimpinkia tarachji̱a̱i̱ métek tura nuap je̱a̱ núnis ayapá̱ruiti.

Isa. 42:5

Kame nayaimpin najana ayapá̱ru asa nuṉkancha najana neremtikna núnisaṉ ju̱ nuṉkanam matsatainian mayatkatniun tura iwiaakmancha súana nu Uunt Yus chichaak jú̱nis tawai.

Isa. 44:24

Ame nukú waké̱ ínitia̱ṉ najatma nu Uunt Yus ámin aṉkant awajtámsa jú̱nis túramui “Wi Uunt Yus ashí nájanjai. Aya nayaimpiniak ayapá̱jai nuṉkancha Wiki ayapá̱jai.

Jrm. 10:12

Kame nuṉkanka Ni kakarmari̱ji̱a̱i̱ Yus najanamai. Antsu ashí nuṉkanka Ni nekatairi̱ji̱a̱i̱ najanak nayaimpinkia Ni nékamuriji̱a̱i̱ iwiaṉkarmai.

Jrm. 30:10

Tura ámeka winia takartin Jakupá ashamkaip tura Israerá mayaim ishinkiaip tawai Uunt Yus. Nekaata áme shuarumin chíkich nuṉkanam achira yaruakman uwemtikniunka Witjiai. Jakupka aṉkant pujustaj tusa waketkittiawai tura niṉkia shiir enentáimias yáakesh itit awajsachma pujustatui.

Jrm. 30:16

Tura ámin yamái yuramainia nuka yuamu ártatui tura ame nemasrum ainia nuka ashí mash achira yaruakma ártatui. Atumín atantramainia nunasha núnisaṉ nincha atantrartatui. Ántsaṉ atumín kasartamainia nunasha nútiksaṉ kasararat tusan iniaisartatjai.

Jrm. 38:16

Nu tutai akupin Setekías Jirimíasan ú̱saṉ chicharuk “Iwiaaku Uunt Yus ii wakaní̱n amasua nuna náari̱nji̱a̱i̱ nekasan tájame máshtatjame núnisaṉ aents mantamatai turamainia nui̱sha tsaṉkamkashtatjame” tímiayi.

Jrm. 50:34

Túrasha ámin Uwemtikramniuka tí kakarmaiti. Tura ni náari̱ṉkia Ashí Akupin Úunt Yusaiti. Kame wáitiainia ásarmatai nekas chichampruktatui. Nuna tura nuṉkanka ayamtikiar Jerusaréṉnum matsatainianka páchim enentáimtikrartatui.”

Jrm. 51:15

Tura Uunt Yus ni kakarmari̱ji̱a̱i̱ nuṉkan najanamiayi. Núnisaṉ ni nekatairi̱ji̱a̱i̱ nuṉká irunainia nuna tura enentáimtairi̱ji̱a̱i̱ nayaimpiniam irunainia nunasha najankamiayi.

Ukan. 2:14

Atumí Yúsnan etserniuri̱sha nekascha nuna tura wáurtaincha wáinkiaruiti. Tura átum achintrar junaktinian nékainiayat atumí tunaarí̱n nekaartamacharmai. Antsu ujatmákmin áyat wait chichaman imiamtikramprattsa ujatmákarmai.

Isk. 18:4

Warí ashí aents apasha tura uchisha winia áiniawai tura tunaan tura nuka jakattawai.

Juir 3:19

Tura Ejiptu nuṉkaka ashí emeskamu átatui núnisaṉ Etumka aya kampuntin atsú juáktatui. Nuka ni nuṉke̱n pujuinian Jutá shuaran peṉké ántar máwar numpé̱ uputúraru ásar túrunawartatui.

Juir 3:21

Numpa upuramu yapajmiátkachmaitkiuisha Wi núnaka yapajmiátkartatjai. ¡Uunt Yuska Seúnnum tuke pujuwiti!” tíniuiti Uunt Yus.

Sak. 9:1

Kame Atraka nuṉkan tura Tamasku péprun kajerkar Uunt Yus chichakma ju̱i̱ti. Núnisaṉ Amatcha Tírusha nuyá̱ Setuncha ti neka áiniayataṉ nuja̱i̱ métek emesnakartatui. Tíruka wénuimi pujus kuitji̱a̱i̱ tura kuriji̱a̱i̱ ti kuítriniaiti. Túrasha Uunt Yus Tírunka takamtsuk ekemáktatui. Kame Askarúncha Káasasha tura Ikruncha ju̱na ashí iisar ashamkartatui. Túrunamtai Káasanmaṉka úunt akupniuka atsuttawai tura Askarún pépruka mashiaru juáktatui.

Mks. 1:1

Uunt Yus Israer shuaran ju̱ chicham ujakárta tusa Marakíasan akatrámiayi.

Wek. 16:22

Takui̱ tikishmarar tsuntsumá chichainiak “Maa Yusá ashí aentsu iwiaakmari̱ nérentin Yusá chikichik aentsuk tunáa túramtaik ¿ashí aents suir ka̱e̱ kaje̱ntuktatam?” Muisais Araunja̱i̱ tiármiayi.

Isr. 12:9

Nu arantcha ii aparí̱ uchich árini̱ṉ chichartamkurin umirniuyaji. Nu arant nuikia nekas ii Aparí̱ nayaimpiniam pujana nu shiir umirkar tuke shiir pujustin wakerishtatjik.