Sak. 11:9 - Yus Papí: Shuarja̱i̱ Yus Yamaram Chicham Najanamu

⁹ Tura murikiun chicharainiakun “Yamaikia nu arant atumín wáinniuka áchattajai. ¡Jákrumsha jakatarum! ¡Tura meṉkakrumsha meṉkakatarum! ¡Nuyá̱ juákartatna nuka aṉkant aṉkant nuamtak yunaiyawarti!”

Sak. 11:9 Iomraidhean Croise

Jrm. 19:9

Tura ní uchirí̱ namaṉké̱nak núnisnak ní nawantri̱ namaṉké̱ncha ayurawartatjai. Nuka ni nemasri̱ tura ni iwiaakmari̱n e̱a̱tainia nu áreṉkam matsamás wáitiainiak jakamnia enentáimsar nuamtak yunaiyawartatui” tajai.’

Jrm. 23:33

“Tura jú̱ pepruksha tura Yúsnan etserniuksha núja̱i̱nchuka Yúsnan pujurniuksha anintrutmak ‘¿Jú̱ túrunattawai Uunt Yus tana nusha tuit?’ takui̱sha chicharkum ‘Jú̱ túrunattawai’ tana nuka átumetrume tuma asamtai atumniaka ajapa iniaisattajrume” tawai Uunt Yus.

Jrm. 23:39

atumniaka peṉké kajinmátkin tura péprun amasmajrumna nunasha ajapan iniaisattajrume.

Jrm. 43:11

Ejiptunmaya̱ aentsnasha asutiáwartui. Mantamnaaka mantamnawartatui tura achikiá júamunka achik junakiartatui núnisaṉ puya̱ja̱i̱ mantamnatniuka puya̱ja̱i̱ mantamnawartatui.

Isk. 5:10

Tuma asamtai apasha uchirí̱n yuáwartatui tura uchisha aparí̱n yuáwartatui. Tura nekasa nuja̱i̱ métek túrakun iwiaaku juákarua nunasha tsakiṉmakartatjai.’

Use. 4:6

Wi shuarka nekatai̱n nékachu ásar emesramuiti. Warí átumka nekatai̱ nakitramarme. Tuma asakrumin Yusna takarniuitrumna nuya̱ntka jí̱i̱ktiatjarme. Warí atumí Yusri̱ akupkámu chichamsha kajinmátki̱n asakrumin Wisha núnisnak atumí uchirí̱ncha kajinmátkiartatjai.

Sak. 13:8

Uunt Yus tawai “Ashí nuṉkanam jú̱nis naṉkaamastatui. Aents irurma menaintiú nakakmanumia̱ jimiará tesamua nu amukar meṉkakartatui. Tura nakakma ampirma nu iwiaaku juáktatui.

Mat. 21:19

Ikiu ukat ukat jintiá yantam wajan wainiak akaktajtsa werimiayi. Túrasha werí aya núkenak wainkiamiayi. Tura numin chicharuk “Atakka peṉké nerekchattame” tutai nu chichamaik jakamiayi.

Mat. 21:43

Tuma asamtai tájarme Yusna írunna nu wáinkiatarum tusa suramsamuitiat atumíya̱ junas chíkich aents sunastatui. Nisha awaṉtukiartatui.

Juaṉ 12:35

Nuiṉkia Jesus chichaak “Wi tsáapninia áintsaṉketjai. Tsáapnisha atumíin aya ishichik tsawantin tsáapniartatui. Tsáapin ana ju̱i̱k wekasatarum kirit ajatsa̱i̱ṉ. Kame kiritniunam wekaana nusha nékatsui itiuranimpia wea.

Juaṉ 8:21

Jesus ataksha chichaak “Wikia wéajai. Atumsha e̱a̱tkáttarme tura wi wéamunam wéchamniaitkiuram atumí tunaari̱ji̱a̱i̱ṉ jakattarme” tiármiayi.

Juaṉ 8:24

Tuma asamtai tájarme atumí yajauch túramuri̱ji̱a̱i̱ jakattarme. Nekas Wi tájana nuitjiai. Tura nu enentáimtachkurmeka atumí tunaari̱ji̱a̱i̱ jakattarme” tímiayi.

Apu. 22:11

Nu jeatsa̱i̱ṉkia yajauch shuarka tuke yajauch túruki̱ wetí. Núnisaṉ mui̱jmiainian túraka tuke túruki̱ wetí. Antsu péṉkeran túraka péṉkeran túruki̱ wetí. Núnisaṉ esetar enentáimniusha tuke esetar Yusja̱i̱ wekasati” turutmiai.