Sak. 11:8 - Yus Papí: Shuarja̱i̱ Yus Yamaram Chicham Najanamu

⁸ Tura chikichkí nantunmaṉ menaintiú murikiu wáinniun ji̱i̱rarmajai. Tura nuna túrawaran tí kuntuts nekapramjai núnisaṉ nisha nakitrurarmiayi.

Sak. 11:8 Iomraidhean Croise

1 Akup. 11:25

Tura Saramúṉ pujumia nui̱ṉkia tuke Resunka Israera nemasri̱niuyayi. Atat yajauch túramia nuja̱i̱ métek Resun Israer shuaran muí̱jiak ti itiurchat awajiármiayi. Tura Siria nuṉkanam akupniuyayi.

YKan. 106:40

Tuma asamtai Uunt Yus ni shuari̱n Níniuya nuna ti kajerak muí̱jkiamiayi.

YKan. 5:5

Núnisaṉ naṉkamantu enentáimtuma ainia nuka Amiiṉkia jeashtin áiniawai. Warí ashí yajauchi túrin ainia nuka peṉké mui̱jiainiame.

YKan. 78:9

Eprain shuarka mesetan iwiarnatrar naṉkiji̱a̱i̱ tíshimkiuja̱i̱ wénayat mániatin jeamtai pisarar waketrarmiayi.

Isa. 49:7

Tura Uunt Yus, Israera uuntri̱ uwemtikkiartinia nu tura ame Tunaarincha Yúsrum imiancha tura nakitrámua nu núnisaṉ chikichan takarniúri̱ya nu chichaak jú̱nis tawai “Uunt akupin ainia nusha ámin waitmakar wajakiar Uunt Yus péṉker túrin asamtai tura Israera Yusri̱ peṉké tunaarincha ámin anaikiamka asamtai tikishmáttramprar tsuntsumprútmawartatui” tímiayi.

Jrm. 12:8

Winia nuka kampunniunmaya̱ úunt ya̱wa̱ núnin ajatrúsuiti. Winia kajertuk kakantar chichaku asamtai Wisha nútiksanak muí̱jkiaitjiai.

Jrm. 6:30

Ju̱ka ‘kuit jiru ajapamu’ tu anaikiarai. Warí Uunt Yus niṉkia ajapawaruiti” Uunt Yus tíniuiti.

Use. 4:6

Wi shuarka nekatai̱n nékachu ásar emesramuiti. Warí átumka nekatai̱ nakitramarme. Tuma asakrumin Yusna takarniuitrumna nuya̱ntka jí̱i̱ktiatjarme. Warí atumí Yusri̱ akupkámu chichamsha kajinmátki̱n asakrumin Wisha núnisnak atumí uchirí̱ncha kajinmátkiartatjai.

Riw. 26:11

Kame Wi pujustinian atumíin ikiustatjai tura Winia enentái̱rsha muí̱jramkashtatrume.

Riw. 26:30

Túran najankamu yus átum enentáimtutai̱ naint írunna tura átum kuṉkuin áestutai̱ írunna nunasha emestuktatjarme. Tura atumí aya̱shí̱ kajinkiáru irumpramunam atumí yusri̱ kajinkiáru áiniana nunasha atumí aya̱shí̱ji̱a̱i̱ apatkan irumprattajai. Túran Wikia peṉké muí̱jkiattajrume.

Riw. 26:44

Maa núnaka túmawariataṉ ni nemasri̱ nuṉke̱e̱n matsatáiniakuisha Wi niji̱a̱i̱ chícham najanamu ántar juáka̱i̱ṉ tusan Wikia nakittianash nakitrachartatjai tura muí̱jtianash muí̱jkiaran amú amuka awajsachartatjai. Warí Wikia Úunt Yusaitjiai ni Yusri̱.

Ruk. 12:50

Imiantinia núnisaṉ itiurchat ukatrúktatui. Nusha wárik amuukat tusan ti wakerajai.

Ruk. 19:14

Tura ni nuṉke̱ni̱a̱ shuarka nakitiarmai. Túmainiak ‘nú aishmaṉ ii uuntri̱ ajasá̱i̱ṉ tusar nakitiaji’ nu titiá tusar áishmaṉkan akatrar akuptúkarmai.

Juaṉ 15:18

Ju̱ nuṉkanmaya̱ shuar Winia emka nakitrurar atumniasha nakitramarme.

Juaṉ 7:7

Ju̱ nuṉkanmaya̱ aents atumniaka kajertamatsrume. Antsu ni tunaari̱n etsertamu ásar Wíniaka kajertuiniawai.

Muis. 32:19

Ni uchirí̱ tura nawantri̱sha Nin nakitraram Uunt Yus nuna wainiak ti kajerkarmiayi.

Isr. 10:38

Péṉkera túrinkia Yusan nekas péṉker enentáimta asa iwiaaku pujustatui. Tura iniaiyakuiṉkia nin wararsashtatjai.” Awa. 2:3-4