Sak. 11:16 - Yus Papí: Shuarja̱i̱ Yus Yamaram Chicham Najanamu

¹⁶ Warí, murik pisarmataisha páchichun núnisaṉ meṉkakamtaisha e̱a̱chun tura jápanum iniáa jáakuisha tsuáchun nuyá̱ pimpikniuncha ayurchan antsu aya péṉkeri̱ ainia nuna nawe̱n kupir namaṉke̱n yua nuna Wi ju̱ nuṉkanam murikiun wáinniun chikichkiniak apujsattajai.

Sak. 11:16 Iomraidhean Croise

Naṉ. 31:38

Warí wi amiin pujusan painti uwí takakmaschamkaj tura nui̱ murikkisha tura chípiuksha peṉké ashimkicharmai tura uchichinkesha yuruachmajme.

Naṉ. 33:13

Tutai Jakup aya̱k “Ayu yatsuru, eestá. Uchir kuírach ainia ju̱na tura muriknasha tura waaka petsaku ainia ju̱nasha péṉker iirmasartiniaitjiai. Warí wárik yarummaka muriksha pimpikiar jarutkachartatuak.

Isa. 40:11

Kame murikiu wáinin ni murikrí̱n wáiniuk kakaram akuptáiri̱ji̱a̱i̱ uchichíri̱nkia irurartatui. Murikchinkia miniakas jurukiartatui. Tura amuntsainia núnaka waitnentas yaruakartatui.

Jrm. 23:2

Tuma asamtai Uunt Yus Israera Yusri̱ ní murikrí̱n wáinniun chicharuk “Winia murikiur péṉker wáintsuk awakkarum tsakiṉmakrum ipiskáitrurme. Nu túrakrum yajauch túraitrume tura átum nu tura asakrumin Wi íksanak atumín wáitsatniuja̱i̱ asutiáttajrume.

Jrm. 23:22

Uunt Yus iruntrar chichamunam Winia chichamprun antukaruitkiuiṉkia winia shuarun winia chichamprun antumtikiara̱a̱yi. Nuyá̱ yajauch jintianmaya̱sha tura yajauch túrutainmaya̱sha awakeara̱a̱jai.

Isk. 34:10

Uunt Yus chichaak ‘Yamaikia murikiu wáinniun peṉké kajerkarjai túran Winia murikiur túramunmasha níniak makurartatjai. Núnisaṉ Winia murikrunka yamaikia wáinkiachartatui túramu asa murikiu yuíniak imia niṉki wáinmamkachartatui. Tura Winia murikrun yuinia ásarmatai ataṉkiártatjai tura atankímkia atakka peṉké yúachartatui’ Yus túramprume” tímiayi Isekiár.

Isk. 34:16

Murik meṉkaka tura waaku ainia nunasha e̱a̱karan ni ai̱ matsatainia nui̱ awaiṉki̱ itiartatjai. Tura kupiniaku ainia nunasha penuarartatjai núnisnak jáiniancha ikiaká̱rartatjai. Nuyá̱ unuerma tura kakaram ainia núnaka amukártatjai” tawai Uunt Yus.

Isk. 34:21

Warí, átumka ashí murik pimpiráru ainia nu páemiji̱a̱i̱ tura yakaimiji̱a̱i̱sha shitiarum núnisaṉ kachurmiji̱a̱i̱sha ijiurum ji̱i̱ra yajá akuprámu tsakiṉmakaruiti.

Tan. 11:36

Tura úunt akupniuka ní wakeramun túrattawai. Núnisaṉ naṉkamantu enentáimtumak ju̱ nuṉkanmaya̱ yus áiniana núja̱i̱sha naṉkaamas uunta tímianu nekaprattawai. Túmak iwiaaku Yusan tíchamnia nunasha náṉkamas chicharkattawai. Túrasha Yusa kajetáiri̱ uminkiatin jeamam ní wakeramunka ashí umiktatui. Warí ni túrunatniua nuka ashí uminkiattawai.

Juaṉ 10:1

Jesus chichaak “Wi tájana nu ti nekasaiti. Shuar murikiun takakna nu ni murikrí̱n wenuimiunam kashi ikiuawai. Tura murik wenuimiunam pujuiniakui yajauch shuar murikiun kasamkatniun wakerakka wáitiniam waya̱chmin asa tanishnum waruk yajá waya̱wainti.