Sak. 10:6 - Yus Papí: Shuarja̱i̱ Yus Yamaram Chicham Najanamu

^6-11 Waitnentainiakun Jutanka kakaram awajsaran Jusé shuari̱nkia aṉkant awajsartatjai. Tura náakam ajasárua núnisar Eprainniumia̱ṉka Uunt Yusai̱ warasartatui. Tura ní uchirí̱sha núnaka wáinkiar núnisar warasartatui. Tuíntsuk matsatainia nui̱sha Wíniaka enentáimturiartatui. Áitkiasnak tui̱ matsatainia nuya̱ntka ji̱i̱raran Karaatnum tura Ríwianunam ikiankartatjai. Túrasha ashí aents matsamsatin nuṉka jeashtatui. Núnisaṉ Asiria waantu enentáimtumatairi̱ncha emestukartatjai antsu Ejiptu akuptai̱ naṉkiri̱nkia emeṉkátkattajai.

Sak. 10:6 Iomraidhean Croise

YKan. 89:21

Niṉkia tuke yá̱i̱tiajai. Túran winia kakarmarja̱i̱ ikiaká̱i̱tiajai.

Isa. 11:12

Tura Uunt Yus tarachi̱n chíkich nuṉkanam matsatainia nuna takuriartatui. Nuna tura Israer shuar chíkich nuṉkanam yaruakma ainia nuna ikiankartatui. Núnisaṉ Jutanmaya̱ arakaani̱ tura nuṉkaani̱ núnisaṉ etsa̱ jintiainmaani̱ nuyá̱ etsa̱ akatainmaani̱ tsakiṉmaka ainia nunasha ashí awakearar irurartatui.

Isa. 14:1

Uunt Yuska ti nekas Jakupan waitnentrattawai tura Israernaka ataksha awaiṉki̱ achik ní nuṉke̱ni̱ṉ matsasártatui. Tura chíkich aentssha nui̱ káunkar niji̱a̱i̱ tsaniṉkiar Jakupa shuari̱ ajasártatui.

Isa. 41:10

Sapijmiakaip. Warí Wi ámiji̱a̱i̱ pujajai. Ashamkaip. Warí Wikia ame Yúsrumetjai. Tuma asan tuke yáiṉtatjame núnisnak Winia kakarmarja̱i̱ ikiaká̱rtatjame. Tura winia náka túrutair untsuuruja̱i̱ péṉker apujsattajme’ tímiayi.

Isa. 54:4

Ashamkaip warí, natsa̱a̱rchattame. Tura ¿warí urukatjak? tiip. Katsekramkachartatui. Kame natsa asam natsamataiṉkia kajinmátkittiame tura waje̱mar natsamataisha peṉké enentáimtuschattame.

Isa. 54:8

Kame ti kajekan yapirun waitruka̱i̱ṉ tusan ishichik u̱rkamajme. Túrasha amukashtin waitnenkartutairja̱i̱ weantúktatjame tawai Uunt Yus ámin Uwemtikramniua nu.

Jrm. 23:6

Tura Ni akuptiatna nu tsawantinkia Jutanmaya̱ shuarka uwemprartatui. Núnisaṉ Israersha aṉkant sapijmiatsuk matsamsartatui. Túramu ásar ‘Uunt Yus ii nekasa nuja̱i̱ métek túrutai̱’ tu anaikiartatui.”

Jrm. 3:18

Nu tsawantinkia Jutanmaya̱sha Israernumia̱ja̱i̱ métek wekasartatui. Túmainiak arakaani̱ matsatainia nuka ni aparí̱ nuṉkan nérentin ajasármia nú nuṉkanam tsaníakuk káunkartatui.

Jrm. 30:18

Uunt Yus chichaak “Nekaata achira yaruakma ainia nuna Jakupa shuari̱n ikiankartatjai ní shuari̱nkia waitnentrartatjai. Pépruka emeskarma ainia nui̱ṉ ataksha je̱a̱mkartatui tura úunt akupniu je̱e̱sha je̱a̱mkamu amia nui̱ṉ ataksha je̱a̱mnaktatui.

Jrm. 30:20

Ni uchirí̱sha yaunchu uruku armia núnis ataksha péṉker ártatui núnisaṉ ashí Israer shuar wi íimmianum tuke pujusártatui. Antsu nin wáitkiainia núnaka asutiáwartatjai.

Jrm. 31:1

Uunt Yus chichaak “Nu tsawantinkia ashí Israer weanmaya̱ shuar ainia nuna Yusri̱ átatjai. Tura nisha Winia péprur ártatui.”

Jrm. 31:20

Antsu nui̱kia ¿Eprainkia Winia aneamur tura ti shiir enentáimtamu uchirchakait? Warí kajerkan nin áujmatkunka nuna núkap enentáimtiniaitjiai. Tuma asan nin enentáimtakui̱ṉkia enentái̱r pútir awajtiniaiti. Tura Eprainnaka nekas waitnentrattajai” tawai Uunt Yus.

Jrm. 31:31

Tura tsawant jeamtai Israer shuarja̱i̱ tura ashí Jutá shuarja̱i̱ yamaram chichaman Wi najanattajai.

Isk. 36:37

Tura Ashí Uuntri̱ Uunt Yus chichaak “Israer shuar e̱a̱tkarat tusan tsaṉkatkartatjai. Túmainiakui̱ṉkia murik pampainiak urukainia núnisnak imianú untsurí awajsartatjai.

Isk. 37:16

“Maa, aentsu uchiri̱yá, numi achikiam ju̱ka Jutanuiti tura Israer shuara uchirí̱ Jutaja̱i̱ pujuinia núnaiti tusam nú numinmaṉka aartá. Núnismek chíkich numisha achikiam ju̱ka Eprainkia wái̱ri̱niuiti Jusenu tura ashí Israer shuar Eprainji̱a̱i̱ pujuinia núnaiti tusam chíkich numinmaṉka aartá.

Isk. 39:25

Tuma asamtai Uunt Yus chichaak “Yamaikia Jakup shuar achirar yaruakma ainia nuna awakearartatjai. Tura ashí Israer shuarnaka waitnentrartatjai. Nuna túran Winia tunaarincha naarua nuna ti akasmatakun iniaktusartatjai.

Use. 1:11

Nuya̱ṉka Israer shuar Jutá shuarja̱i̱ iruntrar chikichik úuntri̱niak anaikiartatui. Túrawar ashí nuṉkanmaya̱ iruntrartatui. Warí Jisriira tsawantri̱ṉkia ti uunt átatui.

Use. 1:7

Antsu Jutanmaya̱ shuarnaka waitnentraran tíshimkiuja̱i̱nchu ántsaṉ puya̱ja̱i̱nchu tura kawaiji̱a̱i̱nchu nu arantcha mesetchaja̱i̱ antsu Ni Uunt Yusri̱ kakarmari̱ji̱a̱i̱ uwemtikrartatjai” tímiayi.

Use. 14:9

¿Ya nékait? Nuka ju̱na péṉker antuktatui. Tura ¿ya esetar enentáimniuit? Nuka ju̱na nekaattawai. Warí Uunt Yusa jinti̱nkia nákaiti tura péṉker enentáinniuka nuja̱i̱ wekasartatui tura ántichu ainia nuka nui̱ṉ tukumkar iniarartatui.

Use. 2:23

Nu tsawantiṉkia Israer shuaran araatniua áitkiasnak Jisriirnum apujsartatjai. Túran Ru-rujaman waitnentrattajai tura Ru-amincha chicharkun ‘Wí shuaraitrume’ tiártatjai tura nisha chichartuiniak ‘Ámeka ii Yúsri̱nme’ turutiartatui” tawai Uunt Yus.

Apt. 1:18

Jakupa shuari̱ nuyá̱ Jusé shuari̱sha kapá̱a̱ átatui. Nuyá̱ Esaú shuarka aesnak amunuk kai̱ awajnas warinkish juákchattui tura ekemanak mashⁱ amunkattui” warí Jiuwá núnis tíchakait.

Mik. 4:6

Uunt Yus chichaak “Nu tsawant átatna nuiṉkia murik shutuap ainia nunasha tura nakitraran yajauch awajsarmaj nunasha ikiankaran irurartatjai.

Mik. 5:3

Túrasha nuwa̱ takustinia nu tsawantri̱ jeamam núnisaṉ chíkich nuṉkanam Israer shuar matsatainia ní shuarja̱i̱ iruntratai tusar waketkiar kaunmam Uunt Yuska ní shuarnaka ajapa iniaisartatui.

Mik. 5:8

Túramtai Jakupa shuari̱ úunt ya̱wa̱ kampunniunmaya̱ yajasma kajen ainia nuna ajapéri̱n nupetmaku wajana tura úunt ya̱wa̱ uchirí̱ murik matsatmanum ajapén pujuras péempruk esái júak chikichkiṉkisha iniaṉkakchattana núnisaṉ nisha ishichik juákaruitiat untsurí nuṉkanmaya̱ aentsu ajapéri̱n nupetmakaru wajasártatui.

Mik. 7:16

Tura uunt nuṉka mátsatka ainia nusha ni kakarmari̱ji̱a̱i̱ṉkia naṉkaamas Yus túramun wáinkiar páchim enentáimprar natsa̱a̱rar chichakchamnia empekua núnis ajasártatui.

Sak. 1:16

Tuma asamtai Uunt Yus chichaak ‘Yamaikia Jerusaréṉkan waitnentran ataksha enentáimturarjai. Tura nui̱ Winia Je̱a̱rka je̱a̱mnaktatui tura Jerusaréṉsha ataksha je̱a̱mnaktatui’ tawai Ashí Akupin Uunt Yus.

Sak. 10:12

Kame Wi Jutan Uunt Yusa kakarmari̱ji̱a̱i̱ kakaram awajeakui Winia naarja̱i̱ wekasartatui” tawai Uunt Yus.

Sak. 13:9

Núnaka aya kuítiak ajasat tusar tura aya kúrik juákat tusar jinium áesainia núnisnak wisha jinium áesan nekapsattajai. Nuiṉkia winia náarun pachisar untsurainiakui wisha anturkaran ‘Átumka wí shuaraitrume’ tiártatjai. Tutai ni chichartuiniak ‘Uunt Yuska ii Yúsri̱nti turutiartatui’” tímiayi Uunt Yus.

Sak. 8:11

Túrasha yamaikia jú̱ aents ishichik juákarainia jú̱naka yaunchu túrawarmaj nútiksanka túrashtatjai’ tawai Ashí Akupin Uunt Yus.