Sak. 10:3 - Yus Papí: Shuarja̱i̱ Yus Yamaram Chicham Najanamu

^3-5 “Murikiu wáinniun kajerkarjai tura nin asutiáwartatjai. Ashí Akupin Uunt Yus ni murikrí̱ Jutan íistatui. Tura kaya eem apujtuatniusha núnisaṉ nuap je̱a̱ ajintruatniusha áitkiasan mánitiai̱ tíshimkiusha nuyá̱ ashí úunt akupniusha Jutanmaya̱ ártatui. Suntar kakarma núnisar tura Uunt Yus niji̱a̱i̱ pujá asamtai ni nemasri̱ncha emesrartatui.

Sak. 10:3 Iomraidhean Croise

Jiin. 4:31

Nuna iisar ashí Israernumia̱ shuar “nekasaiti, Yus Israer shuartin íirmainiaitji núnisaṉ ii wáitiamuncha nekaawiti” tusar Yusan enentáimtuiniak tikishmátrar shiir awajsarmiayi.

Neka. 21:31

Suntarsha mesetnum mánaiktaj tusa ni kawairi̱n íwiareawai túrasha aya Yusak ni nemasri̱n awakatniun tsaṉkatkattawai.

Anen. 1:9

Parauṉka káruri̱n japin kawái shíirmach irunainia nuní̱ iyajme winia amikrua.

Isa. 10:12

Túrasha Seun nainnium tura Jerusaréṉnumsha Uunt Yuska ni takatrí̱n amuk Asirianmaya̱ akupin naṉkamantu tura kakaram enentáimtuma asamtai asutiáttawai. Warí winia kakarmarja̱i̱ṉ tura ti enentáimin asan winia nekatairja̱i̱ṉ ashí nuṉkanam nupetmaran tesaknasha emeṉkáran kuítrincha ashí atantraran aents kakaram itiurawa nútiksanak aents nui̱ matsamin áinianka ashí amukárja̱i̱. Nu nuṉkanmaya̱ kuítian pasuṉnumia̱ júkitniua núnis winia uwejur wáinkiachaik tura nujint utsaṉman írumna núnisnak ashí nuṉkancha wiki irurcharjak. Túrasha yaaksha turutchayi tiniu asamtai niincha nútiksaṉ asutiáttawai.

Jrm. 10:21

Warí murikiu wainniusha netse ajasár Úunt Yusnasha e̱a̱kcharuiti. Túmainiak péṉker wáinkiacharma ásar murikrí̱sha ashí tsakiṉmakaruiti.

Jrm. 11:22

“Ashí Akupin Uunt Yus jú̱nis tíniuiti Wi núnaka asutiáwartatjai. Nátsaka mesetnum jákartatui tura ni uchirí̱sha ni nawantri̱sha tsukái kajinkiartatui.

Jrm. 25:12

Túrasha sataintia uwí jeamtai Papirúnianmaya̱ úunt akupniun tura nuna nuṉke̱ncha áitkiasnak Kartíu aentsu nuṉke̱ncha ní yajauch túrutairi̱ni̱ṉ ashí asutiáwartatjai Wi. Túran ashí emeskaran amú amuusan peṉké atsá tuke awajsartatjai.

Jrm. 25:34

Murik wáiniutiram úttiarum túrarum untsumkatarum. Waurka núnisrum nuṉká ju̱yu̱ri̱n iniantárum murikiu peṉkeri̱ mantamnatin tsawant jeartámmiatai piniṉ shíirmach nuṉká iniar tsai̱ tsai̱niá ajá núniktatrume.

Jrm. 50:6

Kame wáinin yajauchinmaani̱ jintintiámu ásar murikiu wáinin péṉker wáinkiachma jíintrar kampunniunam náintiaani̱ náṉkamas wéar meṉkarar ni wenuimiuri̱n waya̱tniun kajinmatkiarua núnis Wi shuarka áiniawai.

Isk. 34:11

Tura nekas Uunt Yus Ashí Aentsu Uuntri̱ chichaak “Ju̱ya̱ṉka Winia murikrunka e̱a̱karan Wiki waitmaktatjai.

Isk. 34:12

Kame murikiu péṉker wáinin ni murikrí̱n yuraṉkim utsantramunam nuyá̱ kashi ajasmánumsha tsakiṉmakarun ti enentáimtana núnisan Wisha winia murikrun ti enentáimtustatjai. Túran ashí nuṉkanam awakmamak tsakiṉmakarmia nuya̱ntka aṉkant awajsartatjai.

Isk. 34:2

“Aentsu uchiri̱yá, Israer shuar murikiun wáinin ainia nu chicharainiakum ‘Uunt Yus chichaak “Murikiu wáinin niiṉki wáinmamainiana nuka aneararti. Warí, murikiu wáinniuka murikiun wáinkiachartinkiait” túramprume’ tusam murikiu wáinin ujakárta” tawai.

Tan. 11:32

Núnisaṉ chícham najanamun nakitiáinia núnaka ti shiir chicharás tunaanum aju̱a̱rartatui. Túrasha ni wakeramu umirka̱i̱j tusar aents ni Yusri̱ wakeramun umirainiak kakaram ajasár nu arant takasártatui.

Sup. 1:8

“Kame maar súsatin Jiuwá iwiarturma nú tsawantinkia peṉkeri̱ ainia nunasha tura úunt akupniu uchirí̱ áiniana nunasha ashí aents chíkich nuṉkanmaya̱ aentsua núnisar entsainia nunasha asutiáwartatjai.

Sup. 2:7

Kame Jutanmaya̱ iwiaaku juákaru nu nuṉkanmaṉka murikri̱n wainiartatui tura kí̱akuinkia Askarún shuar matsamin armia nu je̱a̱nam kániartatui. Warí, achira yaruakma matsatainia nuya̱ṉka Jiuwá ni Yusri̱ ata̱i̱niartatui.

Sak. 11:17

Murikiu wáinin yajauch aents murikiun utsaṉ ikiua nuka anearti. Puya̱k ni kunturi̱ tura untsuurí̱ ji̱n ijiuti. Tura kunturi̱sha kaartí. Núnisaṉ ni untsuurí̱ ji̱sha kusurti” turutmiai.

Ruk. 1:68

“Israer shuarti ii Yusri̱ naari̱ shiir awajsatniuitji. Ii Yusri̱sha tarutmaitji. Tura uwemtikrampraitji.

1 Pit. 2:12

Yus shuarchanum péṉker wekasatarum. Túrakrumni̱ṉkia nisha yamái “Yus shuar yajauch túruiniawai” ántar tuíniayataṉ ukunmaṉka Yusja̱i̱ iṉkiunaiktin tsawant jeamtai péṉker wekarmena nuna enentáimturmasar nú shuarsha Yusan shiir awajsártatui.

Rut 1:6

Chíkich tsawantin Nuimisha Muápnum pujus Uunt Yus ni shuari̱n waitnentraiti. Tuma ásar yurumkan taramkarai táman antuk “waketkitjiai” tímiayi.