Sak. 1:6 - Yus Papí: Shuarja̱i̱ Yus Yamaram Chicham Najanamu

⁶ Túrasha Winia chichamprun tura akupkámurun Wíniana nuna etserniurja̱i̱ jintíamajna núnaka ¿atumí we̱a̱trí̱ṉkia antukcharmakia? Tuma ásar ataksha enentáimprar chichainiak ‘Ashí Akupin Uunt Yus ii túramuja̱i̱ tura wekasamuja̱i̱ métek asutiámji’” tiármiayi.

Sak. 1:6 Iomraidhean Croise

Juup 6:29

Yamaikia ántrarum chicharmena nuka itiatkarum antsu nekas tawai turuttiarum.

Isa. 44:26

Winia takarniu chichame̱nka umikian ni ‘Ju̱ka túrunattawai’ takui̱ ‘Nekas uminkiati’ tajai Yus asan. Warí, Yúsnan etserin ‘Ju̱ka naṉkamnattawai’ takui̱ Wisha ‘Túrunati’ tajai. Nuyá̱ Wikia Jerusaréṉkan áujmakun untsurí aentsja̱i̱ piaku ajastatui tura Jutá pépruri̱nkia áujmatkun pépruka atak je̱a̱mma ártatui. Jutanam emeskamu ainia nuna atak je̱a̱mkattajai.

Isa. 55:1

“Kame ashí kitiamatirmeka entsá winittiarum tura kuit takakchakrumsha winirum sumakrum yurumáitiarum. Nuyá̱ wíniusha tura muntsusha peṉké ántrarmek kuítchaja̱i̱ sumaktarum.

Isa. 55:11

Núnisaṉ Wina chichamur wenuruí̱ya̱ jíiniuka Wi wakeraj nuna umintskeka Winí̱ waketkiṉkia atakka táchattawai. Antsu Wi chichakma nuka ashí uminkiattawai.

Jrm. 23:20

Uunt Yusa suíri̱nkia túrutskeka tura Ni enentái̱ wakeramun umitskeka tsaṉkurchattawai. Tura tsawant amúamunmaṉka ti paant nekaatarme.

Jrm. 26:15

Túrasha ju̱ péṉker nekaatarum. Winia mántakrumka atumíin tura ju̱ péprunmasha núnisaṉ aents ju̱i̱ matsatainia nui̱sha umitmákcha numpé peṉké antra ukartatrume. Warí wi étserma atumsha ¿atumí kuishiji̱a̱i̱ṉ antukcharmek? Núnaka tu etserkata tusa Uunt Yus nekas akuptúkuiti” Jirimías tímiayi.

Jrm. 28:17

Kame nú uwitini̱ṉ tura nantu siati ámanum Ananías jakamiayi.

Jrm. 32:24

Wats iistá, wénuk yumputaiji̱a̱i̱ yumpuṉki̱ waya̱war akintrutmaktai tusar ii pépruri̱n tíjiu̱ch ajasárai. Tura Papirúnianmaya̱ aentsja̱i̱ mániawarat tusa íktusmaiti. Núnisaṉ puya̱ja̱i̱ mantamnatniun tura tsukaja̱i̱sha nuyá̱ ijiaja̱i̱sha wáitsartatui. Ame chichakmiamna nuka ímiatrusaṉ jeariarai. Wats, ámeka iyaame.

Jrm. 36:28

“Papí pénuimiu achikta tura nú chichamak papinium emka áarmam nuna Jutanmaya̱ úunt akupin Juasim áesamia nuja̱i̱ métek ashí aartá.

Jrm. 39:16

“Wetá túram Itiupíanmaya̱ Ewitmirík chichasta ‘tura Ashí Akupin Uunt Yus Israera Yusri̱ jú̱nis túramui titiá. “Nekaata Winia chichamprun umíajai ju̱ pepru yajauchiji̱a̱i̱ tura nu tsawantini̱ṉ ame pujamunam uminkiattawai.

Jrm. 4:4

Uunt Yusai̱ tsupirnaktarum. Aentsu aya̱shi̱ tsupirnaktinia ántsarum Jutanmaya̱ shuartirmesha tura Jerusaréṉnum matsatutirmesha atumí enentái̱n tsupirnaktarum. Túrachkurmiṉkia átum yajauch túramunam Winia kajetair jiya núnin jiinkí̱ atumín ekemátmakairum. Túrunamtaikia yaaksha nuna ikiajniáktinkia atsuinti” tíniuiti. Rum. 2:28-29

Jrm. 44:2

“Ashí Akupin Uunt Yus Israera Yusri̱ chichaak ‘Jerusaréṉnum tura Jutanam pepru írunna nui̱ ashí yajauchin itiariarmajna nuka atumsha wáinkiaitrume. Nekaata, yamaiya̱ ju̱i̱sha tuke emeskamu ásarmatai nu nuṉkanmaṉka aentsush matsatainiatsui.

Jrm. 44:28

Kame puya̱ja̱i̱ mácharma pisaráru wárumchik juákarua nuka Ejiptunmaya̱ Jutanam waketrar kaunkartatui. Antsu nui̱ṉkia Jutanmaya̱ shuar juákuru Ejiptunam matsamsatai tusar waya̱warua nuka Winia chichampruash núja̱i̱ṉchuka ni chichame̱ya̱sh uminkiat nuna nekaawartatui.

Jrm. 44:29

Kame ju̱ja̱i̱ paant átatui’ tawai Uunt Yus ‘Ju̱ nuṉkanmaṉ asutiátajrume nuja̱i̱ Wi atumín tájarmena nuka nekas uminkiattana nuka paant nekaattarme.’

Jrm. 44:6

Túmakrumin Wi suir kaje̱ntkamusha naṉkatukai túran Jutanam pepru írunna nuna tura Jerusaréṉnum paasa jintia írunna nunasha kajerkaran kéerkaitjiai. Tuma ásar emesnakar yamái ana núnisar aya jú̱nik juákaruiti.

Jrm. 5:14

Tuma asamtai Ashí Akupin Uunt Yus chichaak “Tu chichaku asakmin yamaikia ju̱yá̱ núnisaṉ Winia chichamprun ame wene̱mín ikiuajai. Ju̱ aents nakashua ánin átatui tura ji ju̱ aentsun amuktatui” tawai.

Ukan. 1:18

Jiuwaka nákak túriniaiti túmanak wikia Ni chichame̱n umiktinian nakitmiajai. Antsu yamaikia ashí aentstiram antuktarum. Ti najaimiakun wáitiajna nu íirsakua. Wini̱ya̱n nuwa̱ch áishmaṉja̱i̱ tsaniṉcha ainia nuna tura áishmaṉ natsach áinia nunasha achirar yarurtukaruiti.

Ukan. 2:17

Jiuwá ieiaramun takaku núnaka túrayi. Yaunchu timia núnaka yamaikia ni chichame̱nka umikiai. Tura tsaṉkurtsuk ashí emeskayi tura nemasmi̱ncha amiin enentáimtikrar waramtiksarai. Tura ame nemasmeka naṉkamantu enentáimtikrarai.

Ukan. 3:42

Iikia umiktin nakitrar kajekmaji túrar Ame chichaakmasha tímiatrusrikkia umikchamji tuma asaakrin Ámeka iinkia tsaṉkurachmame.

Isk. 37:11

Nuyá̱ Uunt Yus chichartak “Maa, aentsu uchiri̱yá, ju̱ ukunchkia ashí Israer shuara núnis áiniawai. Nisha chichainiak ‘Ii ukunchí̱ṉkia káakarai. Tuma asar iikia peṉké antrar ajasáruitji. Warí, ashí emeskachmakaitiajⁱ’ tuíniawai” turutmiai.

Tan. 4:28

Kame akupin Napukutunusúr mesekrampramuka níni̱ṉ tímiatrusaṉ uminkiamiayi.

Ams. 9:10

Túrasha wi shuar yajauch túrin ainia nu chichainiak ‘Iini̱ṉkia itiurchatka atsuttawai’ tuinia nusha puya̱ja̱i̱ mantamnawartatui.

Sak. 1:7

Uunt akupin Taríu akupin ajas jimiará uwí pujamunam nántuka aunse Sepat nantu tsawantka paintikuátrutin Pirikíasa uchirí̱ Yúsnan etserin Sakaríasan Uunt Yus jú̱nis tímiayi. Sakaríaska Itiua tiraṉki̱nti.

Mks. 3:18

Nuiṉkia átum péṉkeran túrin tura yajauchin túrincha núnisaṉ Yúsnan takarin tura Yúsnan takarcha ainia nuja̱i̱ akaneamu atakka paant nekaattarme.

Wek. 23:19

Uunt Yuska áentschaiti wáitritin núja̱i̱nchuka aentsu uchirí̱nchuiti mái̱ áwake ajatniuka. ¿Ju̱na umiktatjai táyat umikchattuak tura chichaksha túrashtatuak?

Wek. 32:23

Túrasha átum tárumna núnisrum túrachkurmeka Uunt Yusai̱ tunáa túrattarme tura ju̱sha nekaatarum atumí tunaari̱ṉ jeartámattarme.

Mat. 24:35

Nuṉkasha nayaimpisha amuukartatui antsu winia chichamur amuukashtatui.

Muis. 28:15

Tura atumí Uunt Yusri̱ akupkámu chichaman wi yamái atumín ujajrumna ju̱ antukrum umíachkurminkia ju̱ yajauch yumiṉ amaintiámkattarme.

Muis. 28:2

Atumí Uunt Yusri̱ chichame̱ umireakrumka ashí ju̱ péṉker pujutnum yumiṉkramprattarme.

Muis. 28:20

Tura átum tunáa túrakrum Yus iniaisa asakrumin Uunt Yus yajauch yumiṉkian tura páchim enentáimtikratniun nuyá̱ sapijmiakar kuraṉtinian akuptúrmaktatrume. Nuní̱ túrutma tí warik amutmaktatrume.

Muis. 28:45

Warí Uunt Yus atumí Yusri̱ chichame̱ umiktai tusarum péṉker anturkachu asarum ni akupkámu chichamsha umirkachuitrume. Tuma asakrumin ju̱ yajauch yumiṉkia átum kajinkia amuumam apapétmaktatrume.

1 Tis. 5:4

Túrasha, yatsuru, átumka ujakmaitrume. Nu tsawant atumsha aneara pujarmin jeattawai. Atumsha aneara pujá asakrumin kasá áintsaṉ tarutrámashtatui.