Sak. 1:4 - Yus Papí: Shuarja̱i̱ Yus Yamaram Chicham Najanamu

⁴ Atumí we̱a̱trí̱ya̱ núnin áirap. Yaunchu Winia chichamprun etserin armia nu atumí we̱a̱tri̱n etserkar Ashí Akupin Uunt Yus jú̱nis tawai. ‘Atumí yajauch enentáimtairi̱ tura yajauch túrutairmesha iniaisatarum’ tuíniamaitiatan nékachu ajasár peṉké anturtukcharmiayi.

Sak. 1:4 Iomraidhean Croise

Ists. 9:7

Ii uuntri̱ matsamin armia ímiania̱ṉ juárkirik ti uunt tunaaja̱i̱ matsatji. Tuma asar ii yajauchiri̱ji̱a̱i̱ imiá iiksha ii akupniúri̱sha ii Yusri̱n pujurniusha chíkich nuṉkanmaya̱ úunt akupniu uwejé̱e̱n íktusar iniaisámuitji. Tura mantamnatniunam kasarar yarurkatniunam tura achirar yajá yaruakma pujustin nu natsanmai̱ ajaktinniumiasha yamaiya̱ tímiaja̱i̱sha kanaatsji.

YKan. 78:8

Ni we̱a̱tri̱ uruku armia núnin ti yajauch kajen ní Yusri̱ncha nekas enentáimtichu ára̱i̱ṉ tusa Uunt Yuska nu chichaman najanamiayi.

Jrm. 18:11

Kame yamaikia Jutanam tura Jerusaréṉnum aents pujuiniana nu chicharainiakum Uunt Yus chichaak “Nekaatarum yajauchiji̱a̱i̱ átum wáitsatniun iwiarturan Wi tesarájrume. Tuma asamtai yamaikia aṉkant aṉkant atumí yajauch túrutairi̱ṉkia iniaisarum seertarum tawai tiartá” tímiayi.

Jrm. 23:22

Uunt Yus iruntrar chichamunam Winia chichamprun antukaruitkiuiṉkia winia shuarun winia chichamprun antumtikiara̱a̱yi. Nuyá̱ yajauch jintianmaya̱sha tura yajauch túrutainmaya̱sha awakeara̱a̱jai.

Jrm. 25:8

Tuma asamtai Ashí Akupin Uunt Yus ju̱na tawai ‘Winia chichamur antukcha asakrumin

Jrm. 26:5

ántsarmek Winia takarniur Yúsnan etserniun Wi yawe̱tsuk akuptúkmajrumna nuna chichame̱sha anturkatin nakitiakrumni̱ṉkia

Jrm. 3:12

Weme winia chichamur étserkum arakaani̱ íimsam chichaakum ‘Yusan enentáimtichu Israerá Wini̱i̱ṉ waketkitia. Túramka waitnenkartin asamtai Winia kajetái̱rka wáinkiashtatme. Ántsanak kajeknásha túkeka pujuschattajai.

Jrm. 3:14

Uunt Yus chichaak “Umichu uchi kajentírmesha Wikia atumí Uuntri̱ asamtai Wini̱i̱ṉ waketratarum tawai Uunt Yus. Kame péprunmaya̱ṉka chikichkiniak tura nuamtak shuarnumia̱nka jímiarchiniak júkiaran Seúnnum itiartatjai.

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 4:1

Waketkitin wakerakmeka Wini̱i̱ṉ waketkitia Israerá tawai Uunt Yus. Wi íimmianumash ame mui̱jmiai̱ túrutairam iniaisámka tura náṉkamsam chichaachkumka

Jrm. 44:16

“Uunt Yusa naari̱ pachisam iin chícham ujakratkamna nuka áminkia peṉké antukchartatji.

Tan. 9:6

Núnisaṉ Yúsnan etserin ii úunt akupniuri̱n, ii úuntri̱ncha, ii aparí̱ncha, ántsaṉ ashí aents ju̱ nuṉkanam pujuinia nuna Ame náarmiji̱a̱i̱ chicharkarua nusha umirkachuitji.

Use. 14:1

¡Maa Israerá, atumí Yusri̱ Úunt Yusai̱ni̱ṉ waketkitiarum! Warí atumí tunaari̱ji̱a̱i̱ṉ ti yajauch ajasurme.

Ams. 5:24

Antsu asutniátin tsaṉkatkamuka entsa akaana núnis wetí. Tura nekasa nuja̱i̱ métek túrutaiṉkia ashints ku̱yu̱chua núnis atí.

Sak. 1:3

Túrasha Wini̱n waketkiarti Ashí Akupin Uunt Yus tawai tura Wisha atumí̱n weakartatjai Ashí Akupin Uunt Yus tawai tiartá.

Sak. 7:7

Kame Jerusaréṉnumsha pepru ayaam irunmia nui̱sha tura Nekep nuṉka nuyá̱ Sejera nuṉkanmasha aṉkant waras pujuarmia nui̱ emka Yúsnan etserniuja̱i̱ Uunt Yus ujakármia ¿nú chichamkechukait?” tímiayi.

Tur. 26:20

Kame ené enentáimia ajasár nekas enentáiji̱a̱i̱ Yusna ajastinian emka Tamaskunam pujuarmia nuna ujakármiajai. Tura nuya̱sha Jerusaréṉnumia̱n, Jutanmaya̱ncha tura nútiksanak Israer shuarchancha nuna ujakármiajai. Tura ujainiakun ‘Yus shuar ajasmarum paant ajasat tusarum péṉker túratarum’ tímiajai ashí shuaran.

Tur. 3:19

Wats, yamaikia atumí yajauchiri̱ya̱ ené enentáimia ajasrum kanaktiarum. Túrarum tunaarun asakárat tusarum Yusai̱ni̱ apajá̱rtarum. Túrunawakrumni̱ṉkia atumín uwemtikramprarat tusa Yus yaunchu anaikiamia nuna akuptúrmaktatrume. Tura nuka Jesukrístuiti. Tura Nisha enentáim ayamtikrai tusa amastatrume.

1 Pit. 1:18

Warí, antra wekasatniun atumí uuntri̱ jintintramarmena nuyá̱ Yus uwemtikramprarme. Túrasha kurisha kuitcha amukámnia ainia nuja̱i̱ uwemtikrachmaitrume.