Sak. 1:3 - Yus Papí: Shuarja̱i̱ Yus Yamaram Chicham Najanamu

³ Túrasha Wini̱n waketkiarti Ashí Akupin Uunt Yus tawai tura Wisha atumí̱n weakartatjai Ashí Akupin Uunt Yus tawai tiartá.

Sak. 1:3 Iomraidhean Croise

Isa. 44:22

Ame tunaarumnia̱ka yuraṉmia nútikian Wi emenkátkamajme tura tunaarumnia̱ka yuraṉkim nuṉká utsanar meṉkana nútikiamjai. Winí̱ waketkitia. Warí Wi aṉkant awajsámajme.

Jrm. 12:15

Tura ji̱i̱rarmiaj nú ukunam waitnentraran aṉkant aṉkant ní nuṉke̱ni̱ṉ ataksha awakearartatjai. Túran ni nuṉke̱ni̱ṉ matsasártatjai.

Jrm. 25:5

Warí Yúsnan etserin chichainiak ‘Atumí netse enentáimtairi̱sha tura yajauch túrutairi̱sha iniaisatarum. Túrakrumka Uunt Yus atumín tura atumí úuntri̱n nuṉkan amasuítrumna nui̱ iniaṉnatsuk tuke matsamsattarme.

Jrm. 3:1

Nuwa̱ ajapamu waketki̱ niniurtukua nu ataksha ní áishri̱ni̱ṉ waketkiti ¿tíminkiait? ¿Nu mátsatkamusha takamtsuk mui̱jmiai̱ ajatsuk? Núnisam ámeka kayá yus tikishmátraitme túmakum nuwa̱ untsurí áishmaṉja̱i̱ tsanirma núnisam tsanirmaitme. Túmayatmekek ¿Amiini̱ṉ waketkittiaj túrutam? túramui Uunt Yus.

Jrm. 3:22

Ántichu kajen uchí Wini̱i̱n waketratarum. Túrawakrumni̱ṉkia kajen ántichuitrumna nuya̱ṉka péṉker awajsattajrume. Pai, yamaikia Ámeka Uunt Yus ii Yusri̱ asakmin Aminí̱ wininiaji.

Jrm. 35:15

Ashí Yúsnan etserin Winia takartin armia nuna iiṉkiá akuptúkmiajrume atumí iniaitsuk ujatmákarat tusan. ‘Yamaikia aṉkant aṉkant atumí wakeramuri̱ya̱ kanaktiarum. Tura atumí túrutairi̱ eseeratarum túrarum chíkich yus írunna nu umirkairap tura nemarsairap. Atumí we̱a̱trí̱n nuṉká súsarmiaj tura atumín nuṉká amasmiaj nui̱ matsamsamniuram’ tiármajai. Túramaitiatrum atumí kuishi̱ji̱a̱i̱ anturtutsuk tuke umirtatsrume.

Jrm. 4:1

Waketkitin wakerakmeka Wini̱i̱ṉ waketkitia Israerá tawai Uunt Yus. Wi íimmianumash ame mui̱jmiai̱ túrutairam iniaisámka tura náṉkamsam chichaachkumka

Isk. 18:19

Tura átum chichaakrum ¿urukamtia uchi apá tunaari̱n akikmatsu tíchatarmeash? Túrasha úchikia nekas péṉker tura asa nuyá̱ Wi akupkámun ashí umikiu asa iwiaaku pujustatui.

Isk. 18:31

Tura átum tunáa túraitrumna nuya̱ṉka kanakrum ashí iniaisatarum. Túrunarum yamaram enentai tura yamaram enentáimtairam achiktarum. Warí ¿urukamtaik Israer shuartirmesha jakatarum?

Isk. 18:32

Kame jáiniana nunasha jákara̱i̱ṉ tusan Wikia peṉké nakitiajai. Antsu ené enentáimiu ajasrum atumí tunaarí̱ iniaisatarum. Túrakrumka iwiaaku pujustatrume” tawai Uunt Yus Ashí Aentsu Uuntri̱.

Use. 14:1

¡Maa Israerá, atumí Yusri̱ Úunt Yusai̱ni̱ṉ waketkitiarum! Warí atumí tunaari̱ji̱a̱i̱ṉ ti yajauch ajasurme.

Use. 14:4

Nuyá̱ Uunt Yus jú̱nis tíniuiti. Wi kajerkámiaj núnaka Wikia kajinmátkiniaitjiai. Tuma asan ántichu ainia nunasha tsuártatjai túran ti aneawartatjai.

Use. 6:1

Ashí Israer shuarti Uunt Yusai̱ waketkiartai. Kame jáakri̱ncha tura Ni iin numpampramaitkiuisha páchitsuk ii Yusri̱ṉkia tsuármartatji.

Juir 2:12

Tuma asamtai Uunt Yus chichaak “Yamaikia atumí nekas kúntuts enentái̱ji̱a̱i̱ ijiarma útrum Winí̱ waketkitiarum” tawai.

Mks. 3:7

Túrasha atumí uuntri̱ yaunchu pujuarmia tímianaiya̱ṉ Wi akupkámu umiktin chichamka umitsuk Wini̱ya̱ṉka kanakniuitrume. Winí̱ waketkitiarum túrawakrumni̱ṉkia Wisha waketruktiatjarme” tawai Ashí Akupin Uunt Yus. “Túrasha ‘¿itiurak aminí̱sha waketkitiajⁱ?’ tárume.