Sak. 1:21 - Yus Papí: Shuarja̱i̱ Yus Yamaram Chicham Najanamu

²¹ Túrunamtai “Ju̱sha warinia káutkara” tusan anintrúsmajai. Tutai chichartak “Kachu áiniana nuka Jutan tsakiṉmakarua nu áiniawai. Kame Jutanmaya̱nka túruiniamsha paṉkái̱ íimsatniuncha tujintkiarmai. Túrasha ju̱ka uunt mátsatkamu ainia nu Jutan wajatrarma nuna kachuri̱n kupirar kuramtikiar tsakiṉmaktai tusar káunkarai” turutmiai.

Sak. 1:21 Iomraidhean Croise

YKan. 75:10

Tunáa aents ainia nuna kakarmari̱nkia emestukartatjai antsu péṉkeran túrin ainia nuna kakarmari̱nkia nuna naṉkaamas awajnasartatui.

YKan. 83:2

Nekaata Ame nemasrumka júrur ajainiawai tura Ámin muí̱jramainia nuka wi nekapnaisataj turamainiawai.

Ukan. 2:17

Jiuwá ieiaramun takaku núnaka túrayi. Yaunchu timia núnaka yamaikia ni chichame̱nka umikiai. Tura tsaṉkurtsuk ashí emeskayi tura nemasmi̱ncha amiin enentáimtikrar waramtiksarai. Tura ame nemasmeka naṉkamantu enentáimtikrarai.

Tan. 12:7

Tutai áishmaṉ riniu pushí entsaru entsá pátatek wajá untsuurnumaani̱ tura menanmaani̱ mái̱ uwejé̱n nayaimpinmaani̱ takuí nekas tajai tusa tuke iwiaaku pujuwa nuna pachis chichaak “Kame nuka menaintiú uwí nuyá̱ sais nantu túrunas pujustatui. Kame Yusna ajasár tunaarincha ainia nu akupkatniun kakarmachu ajasártatna nui̱ṉ ashí uminkiattawai” tímiayi.

Sak. 1:19

Tura Yusa suntari̱n anintrakun kachu ainia ju̱sha “¿Wariniak nakumena?” tutai chichartak “Jú̱ kachuka shuar Jutan tura Israeran núnisaṉ Jerusaréṉnumia̱n tsakiṉmakarua nu áiniawai” tímiayi.