Sak. 1:16 - Yus Papí: Shuarja̱i̱ Yus Yamaram Chicham Najanamu

¹⁶ Tuma asamtai Uunt Yus chichaak ‘Yamaikia Jerusaréṉkan waitnentran ataksha enentáimturarjai. Tura nui̱ Winia Je̱a̱rka je̱a̱mnaktatui tura Jerusaréṉsha ataksha je̱a̱mnaktatui’ tawai Ashí Akupin Uunt Yus.

Sak. 1:16 Iomraidhean Croise

Juup 38:5

Wats nékakmeka titiá ¿ya jú̱nisam nekapmaram najanata timia? Núnisaṉ ¿ya nuna nekapmarmia?

Isa. 12:1

Nu tsawantai̱kia chichaakum “Uunt Yusru, wikia ámin yumiṉsajme. Warí winia kajertukuitiatmek tsaṉkurturuitme tura atsaṉturume.

Jrm. 30:18

Uunt Yus chichaak “Nekaata achira yaruakma ainia nuna Jakupa shuari̱n ikiankartatjai ní shuari̱nkia waitnentrartatjai. Pépruka emeskarma ainia nui̱ṉ ataksha je̱a̱mkartatui tura úunt akupniu je̱e̱sha je̱a̱mkamu amia nui̱ṉ ataksha je̱a̱mnaktatui.

Isk. 40:3

Tura nui̱ jurukmiatai áishmaṉ yaṉkú jírua nuní̱ iira wáitiniam wajamai. Nisha riniu sentan nuyá̱ nekapkancha uwejé̱ja̱i̱ takus wajamai.

Isk. 47:3

Tura nui̱ áishmaṉ etsa̱ tatainmaani̱ nekapkan takaku jiinkimiai tura kiniantu mitru nekapmamtai entsá wanusrua a̱i̱ṉ amumtikrua ikiantukmiai.

Isk. 48:35

Tura ashí pepru téntakar nekapmarmaka nuiwi mir mitru átatui. Nu tsawanta nuya̱ṉka nu pepru náari̱ṉkia UUNT YUS NUI̱ PUJAWAI tunattawai” timiai Yus.

Aji. 1:14

Tura Uunt Yus nuní̱ chicharkar Jutanmaya̱ shuara uuntri̱ Saratiára uchirí̱n Surupapíran tura Yúsnan pujurniu úuntri̱n Jusatáka uchirí̱ Jusuin nuyá̱ Israer shuar waketraru káunkar matsamármia nunasha ashí enentáimtikrarmiayi. Túram ashí káutkar Ashí Akupin Uunt Yusa Je̱e̱n ataksha takastinian naṉkamawarmiayi.

Sak. 10:6

Waitnentainiakun Jutanka kakaram awajsaran Jusé shuari̱nkia aṉkant awajsartatjai. Tura náakam ajasárua núnisar Eprainniumia̱ṉka Uunt Yusai̱ warasartatui. Tura ní uchirí̱sha núnaka wáinkiar núnisar warasartatui. Tuíntsuk matsatainia nui̱sha Wíniaka enentáimturiartatui. Áitkiasnak tui̱ matsatainia nuya̱ntka ji̱i̱raran Karaatnum tura Ríwianunam ikiankartatjai. Túrasha ashí aents matsamsatin nuṉka jeashtatui. Núnisaṉ Asiria waantu enentáimtumatairi̱ncha emestukartatjai antsu Ejiptu akuptai̱ naṉkiri̱nkia emeṉkátkattajai.

Sak. 2:4

Tura chicharuk “Tsékeṉkim au natsach chicharkum ‘aentsush tura waakasha ti untsurí ásarmatai Jerusaréṉnumka wenuke̱ atsamunam matsamsartatui.

Sak. 2:5

Tuma asamtai péprun ji keaja̱i̱ téntakma núnisan wenuke̱nka Wiki átatjai. Tura nui̱ ajapén pujakun ni winchari̱ya̱ núnisaṉ páantin átatjai’ tawai Uunt Yus titiá” turutmiai.

Sak. 2:6

“Wi ashí nuṉkanam tsakiṉmakma pujatirmesha pai antuktarum” tawai Uunt Yus. “Túrarum arakaani̱ matsatutirmesha jíintratarum” Uunt Yus tawai.

Sak. 4:9

“Yusa Uunt Je̱e̱ tépakmari̱nkia Surupapír ní uweje̱ja̱i̱ṉ aeprukmai. Tuma asa amúaksha ní uweje̱ja̱i̱ṉ amuktatui. Tura nu túrunamtai antsu nui̱ṉkia Wíniaka Uunt Yus atumíin akuptúkua nu nekarattarme.

Sak. 8:3

Uunt Yus jú̱nis tawai ‘Wikia Seúnnaka atak ímiatrusnak awajsájai. Jerusaréṉnumsha matsastatjai. Nuyá̱ Jerusaréṉka Nékaskea Nú Pepru tunattawai. Núnisaṉ Ashí Akupin Uunt Yusna Naint Yusna Akantúkma Naint tunattawai.’