Sak. 1:14 - Yus Papí: Shuarja̱i̱ Yus Yamaram Chicham Najanamu

¹⁴ Nuya̱ṉka Yusa suntari̱ winia áujtimia nu chichartak “Kakaram étserkum chichaakum ‘Seun náintian tura Jerusaréṉnasha Wikia ti akasmattajai’ tawai Ashí Akupin Uunt Yus.

Sak. 1:14 Iomraidhean Croise

Isa. 40:1

“Wi shuar shiir enentáimtikrarum waramtiksatarum” tawai atumí Yusri̱.

Isa. 40:2

Núnisrumek Jerusaréṉsha enentáimtikratarum. Asutniátniuri̱sha naṉkaamasuiti tura ni yajauch túramuri̱sha ashí tsaṉkuramuiti. Warí ashí ni tunaari̱n asutniátniuya nuja̱i̱ métek patas Uunt Yuska asutiáiti.

Isa. 40:6

Aents chicháa núnis chichamu “ju̱ ujakárta” takui̱ “warí títiataj” tímiajai. Tutai chichaak ashí aentska núpa̱iti tura ni péṉkeri̱sha kampunniunmaya̱ kuku̱jia ániuiti.

Isa. 59:17

Tura nekasa nuja̱i̱ métek túrutai̱n mesetnum mániakur entsatai̱ jirun entsarua núnis netsepnum entsarmai. Núnisaṉ muuknumsha mesetnum etseṉkrutai̱n etseṉkrakua núnis uwemtikratniun etseṉkrukmai. Tura yapajmiáktaj tusar entsatái̱ pushincha entsarmai núnisaṉ tí kakaram nekas enentáiji̱a̱i̱ takastinia núnis wakeramun pushí takamtsuk entsartinia núnis entsarmai. Ipi. 6:13-17

Isa. 9:7

Tura Ni akuptáiri̱ncha nuyá̱ Tawitia pujutái̱ri̱ncha Ni akupeamuri̱ṉkia tí naṉkamantu kakaram ajas núnisaṉ aṉkant pujustincha náṉkatkachu átatui. Núnaka yamaiya̱ ju̱yá̱ tura tuke átinian nekasa nuja̱i̱ métek péṉker túrattawai. Kame Ashí Akupin Uunt Yusa nu tí akasmatak núnaka túrattawai.

Use. 11:8

Kame Eprainkiá tura Israerá ¿itiurak surukan tura ajapan ikiuktiajrum? ¿Urukamtaik Atma tura Sepuimia nútikiancha ajapan iniaisaintjiarum? Warí imiá aneancha ashí winia enentái̱rja̱i̱ enentáimsan tura waitnentakun yáiṉtinian wakerajrume.

Juir 2:18

Nuya̱ṉka Uunt Yus Ni nuṉke̱n akasmatak Ni shuari̱n waitnentrattawai.

Sak. 1:13

Takui̱ Yusa suntari̱ wiji̱a̱i̱ chichama nuna Uunt Yus waitneṉkratamuja̱i̱ ti shiir ai̱kmai.

Sak. 1:17

Nu arantcha ataksha kakantra étserkum Ashí Akupin Uunt Yus chichaak ‘Winia péprur ainia nuiṉkia wariṉkísh naṉkaamas írunuk pimiasuá wáinkiartatui. Núnisaṉ Seúnnaka Uunt Yus ataksha atsaṉkrattawai tura Jerusaréṉnaka ataksha achiktatui titiá’” tímiayi.

Sak. 1:9

Nuya̱ṉka “Winia uuntru, ju̱sha ¿warí ainia?” tutai Yusa suntari̱ chichartak “Ju̱ warí ainia núnaka wi iniaktustatjame” turutmiai.

Sak. 4:1

Yusa suntari̱ wiji̱a̱i̱ chichama nu waketki̱ taa aents kanar tepan ishintiána nútikias ishintiátramai.