Rut 4:11 - Yus Papí: Shuarja̱i̱ Yus Yamaram Chicham Najanamu

¹¹ Tu takui̱ pepru wá̱i̱ti̱a̱i̱ri̱n ashí wajarmia nu núnisaṉ pepru úuntri̱sha chichainiak “Nekas ii ántamunam chichakume. Ju̱ nuwa̱ nuatkamka Uunt Yus Rakiran tura Rían Israer shuar ti pampaṉti tusa tsaṉkatkamia núnisaṉ amesha Épratanam tí paantin atá tura Piriṉnumka páantin awajnásta.

Rut 4:11 Iomraidhean Croise

Naṉ. 23:10

Tura Jetnumia̱ Ijrunka nui̱ṉ pujá asa niṉki Aprajáman ái̱kmiayi. Tura ashí Jet aents nui̱ pujuarmia nusha tura naṉkaamarmia nusha anturtukarat tusa kakaram chichaak

Naṉ. 24:60

Tura Riwikian akupénak shiir pujutnum yumiṉkiainiak “Ii umai̱ṉkia núkap pampaṉti túruna ti untsurí shuara nukuchri̱ ajasti. Tura ni tiraṉki̱sha mesetnum ni nemasri̱ncha tuke nupetin ártí” tiármiayi.

Naṉ. 29:16

Kame Rapana nawantri̱ṉkia jímiarauyayi, iwia̱i̱ri̱ṉkia Ría tura nuna patai̱ṉkia Rakirauyayi.

Naṉ. 29:25

Túrasha kashin tsawa̱r Jakup Ríaja̱i̱ tsaniṉkia kanarman nekaamiayi. Nuna nekáa Rapanan chicharuk “¿Ausha urukamtai áitkiaram? Wikia Rakiran nuatkashtaj tusanak ámin takatan yáiṉmajam. ¿Urukamtia anisha anaṉkruam?” tímiayi.

Naṉ. 29:32

Ríaka ajapruk uchin takusmiayi. Tura takus Ruwin anaikiamiayi. Nekas Yus winia kúntutsrun nekartuayi uchirtin asamtai yamaikia winia áishur anentiatui, tú enentáimias uchirí̱nkia Ruwin anaikiamiayi.

Naṉ. 35:23

Ríai̱ṉkia ju̱na yajutmakmiayi, iwia̱i̱ri̱ṉkia Ruwin nuyá̱ Semiun, Riwí, Jutá, Isakár, tura Sapurún.

Naṉ. 35:24

Nuyá̱ Rakirai̱ṉkia ju̱na yajutmakmiayi, Jusé tura Piṉjiamín.

1 Akup. 21:8

Nuya̱ṉka Jisawír Akaapa náari̱ji̱a̱i̱ papin aar akupniu aniyuri̱ji̱a̱i̱ apujtua asakamiayi. Tura Nawut pujumia nu pepru úuntri̱n tura peṉkeri̱ncha akuptúkarmiayi.

YKan. 132:6

Nusha Épratanam itiaru tama antukmaji. Tura nusha Yaar kampunniunam wainkiamji. 1 Sam. 7:1-2

Neka. 14:1

Péṉker nuwa̱ nuka áishri̱ncha tura uchirí̱ncha péṉkera nui̱ ikiakáiniaiti, antsu enentáincha nuwa̱ nuka ikiakátsuk ni chichame̱ja̱i̱ṉ ni shuari̱n emesniuiti.

Neka. 31:23

Tura ni áishri̱sha nu nuṉká uuntri̱ ainia nu irunainia nui̱sha paant nekaamuiti.

Jrm. 32:10

Nuyá̱ papin najanamjai túran asakamjai. Nuya̱ṉka aentsun akikmajai túran kijin nekapmatai̱niam nekapmamjai.

Mik. 5:2

Tura ame Épratanmaya̱ Piriṉkia, Jutá weanmaya̱ imiá uchich ámini̱ṉ, aminí̱ya̱ Israer shuarnum akupin jiintiurkittiawai. Niṉkia ti yáunchuya̱iti. Kame náṉkachu asa tuke pujuwiti. Isa. 11:1; Mat. 2:6

Mat. 2:6

‘Jutá nuṉkanam Piriṉnum Mik. 5:2 peṉké náakmachuka áchattawai. Warí nuyá̱ Úunt Akupin winittiawai. Naṉ. 49:10 Ni ashí Israer shuaran, Wí shuar ásarmatai péṉker wáinkiartatui’ tawai Yus.” Tu tiármiayi.

Muis. 25:7

Núnisaṉ waje̱ ni waje̱ri̱n jaká yachi̱n nuatrukai támaitiat nakitrámka pepru wá̱i̱ti̱a̱i̱ri̱n chichama iwiarin pujuinia nui̱ we chichaak ‘Winia waje̱ruka ni yachí̱ naari̱ ju̱i̱ Israernum iwiaakua núnis pujusat tusa nakitiawai’ tákuiṉkia

Muis. 25:9

waje̱ nú aishmaṉkan weantuk chichama iwiarin pujuiniamunam ni sapatri̱n ukuitiak yapiniam usukiá chicharuk ‘Áishmaṉ ni yachi̱ yajutmarchamunam yajutmatrata támaitiat nakitiaka jú̱tikiatniuiti’ títiatui.

Rut 1:2

Nu áishmaṉka náari̱ṉkia Irimiríkiauyayi tura ni nua̱ri̱ṉkia Nuimí nuyá̱ ni uchirí̱ náari̱ṉkia Majrun tura Kiriun ármiayi. Tura nisha Jutanmaya̱ Piriṉ Éprata péprunmaya̱ shuarauyayi. Kame Muápnum wéar nui̱ pujusármiayi.