Rut 2:1 - Yus Papí: Shuarja̱i̱ Yus Yamaram Chicham Najanamu

¹ Nui̱ Nuimí aishri̱ Irimirík shuar, Puas náartin, ti páantin pujumiayi.

Rut 2:1 Iomraidhean Croise

Juup 1:3

Tura ni nuṉke̱e̱nka 7.000 murikiun núnisaṉ 3.000 kamiyun tura jimiará waaka apateaku nuṉka pukutaiṉkia 500 nuyá̱ 500 umpuru takakuyayi. Núnisaṉ ni takarniúri̱sha ti untsurí ármiayi. Tuma asa etsa̱ jintiainmaani̱ matsamármia núja̱i̱ṉkia nú aishmaṉka páantin tí kuitrinniuyayi.

Mat. 1:5

Sarmuna uchirí̱ncha Puásan Raap takusmiayi. Puasa uchirí̱n Uwitian Rut takusmiayi. Uwitia uchirí̱sha Isái.

Ruk. 3:32

Natan Tawitia uchirí̱yayi, Tawit Isái uchirí̱yayi, Isái Uwitia uchirí̱yayi, Uwit Puasa uchirí̱yayi, Puas Sarmuna uchirí̱yayi, Sarmun Nasuna uchirí̱yayi,

Rut 1:2

Nu áishmaṉka náari̱ṉkia Irimiríkiauyayi tura ni nua̱ri̱ṉkia Nuimí nuyá̱ ni uchirí̱ náari̱ṉkia Majrun tura Kiriun ármiayi. Tura nisha Jutanmaya̱ Piriṉ Éprata péprunmaya̱ shuarauyayi. Kame Muápnum wéar nui̱ pujusármiayi.

Rut 2:2

Nuyá̱ Muápnumia̱ nuwa̱ Rut Nuimin chicharuk “Wait aneasam tsaṉkatrukta. Sewata juwinia ai̱ wena uku nemasan wekakui waitnentruiniakka núkap ikiurtukiarainti. Nuna juurmaktaj” takui̱ tsatsarí̱ chicharuk “Ayu makú, wetá” tímiayi.

Rut 3:12

Kame wisha ní shuari̱ṉkitjiai. Túrasha ame tsatsarmi umai̱ya̱ nekas ámin waitmakminkia pujawai.

Rut 3:2

Kame Puasai̱ ni takarniúri̱ji̱a̱i̱ iruntra takakmasmamna nuka íi shuarchakait. Nisha ju̱ kashi sewata irumtai̱niam saepe̱n pakarman awa̱jtiuttawai.

Rut 4:21

Sarmun Puásan yajutmarmiayi. Puas Uwitian yajutmarmiayi.