Rut 1:16 - Yus Papí: Shuarja̱i̱ Yus Yamaram Chicham Najanamu

¹⁶ Tutai Rut aya̱k “¡Atsá! Wini̱ya̱ kanaktia turutip. Ame tui̱ wéam nui̱sha winittiajai tura tui̱ pujustatam nui̱sha ámiji̱a̱i̱ṉ pujustatjai. Núnisaṉ ame shuarumka wi shuar ártatui. Nu arantcha ame Yusrumsha winia Yusur átatui.

Rut 1:16 Iomraidhean Croise

2 Sam. 15:21

Tutai Itiái úunt akupniun chicharuk “Yussha iwiaakui tura winia úuntur úunt akupniusha iwiaakui tiniu asan jákatniuitkiui̱sha núja̱i̱ṉchuka iwiaaku pujuttaknasha winia úuntur úunt akupin tui̱ pujuta nui̱ ame takartámniusha pujuttawai” tímiayi.

YKan. 45:10

Nua̱ru, wi títiatjamna nu péṉker esettsam antukta. Tura amé shuarsha nuṉkemsha kajinmátkitia.

Neka. 17:17

Amikrí̱ṉkia tuke aneṉkratniuiti. Antsu yátsutka kúntuts pujakrin shiir awajkartustinian akiinniuiti.

Isa. 14:1

Uunt Yuska ti nekas Jakupan waitnentrattawai tura Israernaka ataksha awaiṉki̱ achik ní nuṉke̱ni̱ṉ matsasártatui. Tura chíkich aentssha nui̱ káunkar niji̱a̱i̱ tsaniṉkiar Jakupa shuari̱ ajasártatui.

Tan. 2:47

Nuna tura úunt akupin Taniaran chicharuk “Nekas ame Yúsrumka ashí ántar yus ainia nuna Yúsri̱nti tura ashí úunt akupin ainia nuna Úunt Akupniuri̱nti. Nekaachminia nuna Ni nekamtikniuiti. Warí, nekaachminia nu ámeka paant awajsáme” tímiayi.

Tan. 3:29

Tura yamaikia ju̱ chichaman nájanjai ‘Ashí aents núnisaṉ mátsatkamu uunt nuṉkanmaya̱ tura chíkich chíkich chichamtin áiniana nusha Shatraaka, Mishaaka tura Awitníkiu Yusri̱n yajauch chicharainiaka asantrartatui nuyá̱ ni je̱e̱sha emestukarma ártatui.’ Warí, chíkich yus Niji̱a̱i̱ métek uwemtikkiartinkia peṉké atsawai” tímiayi.

Tan. 4:37

Yamaikia wi Napukutunusúr, nayaimpinmaya̱ Úunt Akupniun shiir awajeakun tura naṉkamantu enentáimtakun yúmiṉkiajai. Warí, Ni najankamuri̱sha timiá nekas péṉker ásarmatai Ni túrutairi̱sha nekas naka áiniawai. Tura naṉkamantu enentáimtumainia nunasha Niṉki péejchach awajsámniaiti tájarme. Tu chichakmiayi Napukutunusúr.

Use. 13:4

Ejiptunam pujumiarmena tímianiaṉ Wikia atumí Úunt Yusri̱ntjiai. Wíkitjiai Yus. Chíkichkia wáinkiashtatrume. Tura chíkich uwemtikkiartincha wáinkiashtatrume antsu aya Wíkitjiai.

Sak. 8:23

Ashí Akupin Uunt Yusan chichaak ‘Nu tsawantinkia yajaya̱ tias shuar chíkich chichamtin ainia nu, chikichik Israer shuaran pushiniam achik emetawar “Atumji̱a̱i̱ wemí tusar wakeraji. Yus atumji̱a̱i̱ pujá tama antukuitji” tiártatui’” tímiayi.

Mat. 8:19

Nui̱ Israer shuara jintinniuri̱ Jesusan tarí chicharuk “Uuntá, Ame tui̱ wéam nui̱sha nemarsattajme”

Juaṉ 13:37

Nuyá̱ Pítiur chichaak “Uuntá, ¿urukamtai yamaikia winichminiaitiaj? Ámin yáiṉtajtsan jakataj tajai” takui̱

Tur. 21:13

Tutai Papru chichaak “¿Urukamtai útkuram winia enentái̱rui̱ kúntuts awajtarum? Wi Jesusna asan Jerusaréṉnum jiṉkiatrarmataisha jákatniun ashamatsjai” tímiayi.

1 Tis. 1:9

Antsu átum iin péṉker itiaamun ni íksaṉ ujatmainiaji. Tura nuya̱sha najankamu yus enentáimtustin iniaisarum nekas iwiaaku Yus nekas enentáimtusrum umirkarumna nunasha ujatmainiaji.

Jus. 24:18

Tura iisha íimprini̱ṉ jintiá aents matsatainiancha nuyá̱ Amur aents ju̱i̱ pujuiniancha ji̱i̱r akupkacharmakia. Warí ii Úunt Yusri̱ṉkia níṉkichukait. Nuna tura asamtai iisha nútiksarik ii Uunt Yusri̱ṉ enentáimtustatji” tiármiayi.

Apu. 14:4

Nu shuarsha nuwa̱ja̱i̱ yajauch ajascharu ásar ti shiir áiniawai. Túrawar Murik wéana nui̱ nemarainiawai. Ju̱ nuṉkanmaya̱ shuarnumia̱ uwempraru ásarmatai Yussha tura Muriksha ti shiir enentáimtiarmai. Nisha emka juukma ti shiira núnisaṉ armai.

Rut 1:15

Nuimisha Rútan chicharuk “Ame kaimkia ni shuari̱ni̱ṉ tura ní yusri̱niak waketratsuk. Amesha niji̱a̱i̱ waketkitia” tímiayi.

Rut 1:17

Antsu aya jákatniuk akantámkittiaji. Ame tui̱ jakattam wisha nui̱ṉ jakan ikiuntsattajai. Tura wi táyatan umitsuk amiiya̱ kanakmiataiṉkia Uunt Yus kakaram asuttiuáti” tímiayi.

Rut 2:6

Tutai ni takarniúri̱ sewata juu uuntri̱ chichaak “Muápnumia̱ Nuimiji̱a̱i̱ tama nú nuwa̱iti.

Rut 4:15

Nisha ámin waitmaktatui tura úuntach ajasákmincha péṉker yaintmaktatui. Warí siati uchi aneṉkrattairi̱ji̱a̱i̱ṉkia naṉkaamas ame najatim anenmawa nu uchin takusai” tiármiayi.