Neka. 3:3 - Yus Papí: Shuarja̱i̱ Yus Yamaram Chicham Najanamu

³ Tura nekasa nusha waitnenkartutaisha peṉké iniaisaip. Shauk nuṉkurtinia núnis tura enentáimin aarma áintsam kajinmatkichmin enentáimtusarta.

Neka. 3:3 Iomraidhean Croise

2 Sam. 15:20

Ámeka yáunchuk támame. ¿Túmamni̱ṉkik iiji̱a̱i̱ winiakum wekaikiní̱ ajatí títiatjam? Warí, wikia tui̱ wéaj nunasha nékachiatnak ántranak wéajai. Ámeka wáketkum amé shuarka awakeararta tura waitnenkartutai̱ṉkia tura nekasa nusha ámiji̱a̱i̱ atí” tímiayi.

YKan. 119:11

Amiin yajauchin túrawa̱i̱j tusan Ame chichammin nekas shiir enentáimtusan umíajai.

YKan. 25:10

Uunt Yusa jintí̱ ainia nuka waitnenkartutairi̱sha tura nekasa nuja̱i̱ métek áiniawai. Kame chícham najanamun tura akupkámun umirainia núnaka Yus nékainiawai.

YKan. 85:10

Waitnenkartutai̱ nekasa nuja̱i̱ wainniaikiarmai tura nákak túrutai̱ aṉkantin shiira nuja̱i̱ meje̱naisarmai.

Jiin. 13:9

Warí Uunt Yus Ejiptunmaya̱ ni naṉkamantu kakarmari̱ji̱a̱i̱ ji̱i̱rmakchamkuram. Tuma asamtai atumí uwejé̱ncha tura nijia̱i̱ncha aarma áintsaṉ Yus akupkámu áujmateakrum tuke enentáimtin atarum.

Jiin. 34:6

Nuyá̱ nui̱ Uunt Yus Muisaisan naka naṉkak kakantar chichaak “¡Uunt Yus, Uunt Yuska, kakarmaiti, yáiṉkratniuiti, wari kajechuiti, ti waitnenkartiniaiti tura nekasa núiti!

Neka. 1:9

Kame umirkumka shíirmach iwiarmamak iwiarmampratniua núnis tura shauk nuṉkurtinia imianú péṉker arutrámtiatui.

Neka. 14:22

Shuar yajauchin túrataj tusa e̱a̱inia nu awajiniatsuk. Péṉkeran túrataj tusa e̱a̱inia nuka nekasa nuna tura waitnenkartutai̱ncha wáinkiachartatuak.

Neka. 16:6

Nekasa nuja̱i̱ tura waitnenkartutai̱ji̱a̱i̱ yajauch túrutai̱ tsaṉkuramuiti ántsaṉ aents Uunt Yusan ashamak yajauchinmaya̱ kanaawiti.

Neka. 20:28

Úunt akupniusha nekasa nuja̱i̱ métek tímiatrus waitneṉkratamuja̱i̱ uminiaitkiuṉka tuke akupú pujuwiti.

Neka. 6:21

Kajinmatki̱j tusam esetram enentáimkiak wekasata.

Neka. 7:3

Núnisaṉ kajinmatki̱j tusam tsara uwejmín jiṉkiamátniua nútikiata tura enentáiminkia aarma tímiatrusam enentáimtitia.

Jrm. 17:1

Jutá tunaari̱ṉkia aatai̱ jiruja̱i̱ tura tiamanti tsakari̱ji̱a̱i̱ ni enentái̱nkia tura aestai̱ kachurí̱ncha nuja̱i̱ áarmaiti.

Mks. 2:6

Riwikia nekas umiktin chichaman jintinmiayi. Tura yajauch chichatsuk antsu péṉkeran túrak núkap aentsun ni tunaari̱n iniaisarat tusa tí yaiṉmiayi.

Mat. 23:23

Maa jintinniutirmesha, Pariséutirmesha aneartarum. Ántrarum shiir chichamtiniaitrume. Kuminiu nuke̱sha, anisa nuke̱sha, menta nuke̱sha tias akantram chikichik akankámu Yus súwitrume. Nuka péṉkeraiti, ikiukchatniuiti. Túrayaitrum nekas péṉker túratniua nu túrutsuk ikiuwitrume. Yus nekas enentáimtustincha, waitnentáimturtincha tura tuke péṉker túratniusha enentáimtsuk ikiuwitrume.

2 Kur. 3:3

Iis, tátsujak. Krístunmaya̱ papí aarma núnisketrume. Ii etseriajⁱ nuyá̱ atumíin Yusa Wakaní̱ áaruiti. Tíntiaja̱i̱nchu antsu iwiaaku Yusa Wakaní̱ji̱a̱i̱ áarmaiti. Kayanmasha áarchamuiti antsu shuara enentái̱n, auka áarmaiti.

Ipi. 5:9

Tsáapninium wekainiaka shiir awajkartincha tura nekas chichamtincha tura péṉker túrin áiniawai.

Muis. 6:8

Ju̱ akupkámu ame nijia̱i̱mincha tura uwejmíncha áarar anujkamua nútiksam enentáimtusta.

Isr. 10:16

“Yamaram chichaman najanattaj nuka jú̱nisaṉ átatui. Wi akupeaj nuna ni enentái̱n paant enentáimtikrartatjai.”