Neka. 3:2 - Yus Papí: Shuarja̱i̱ Yus Yamaram Chicham Najanamu

² Ímiatrusmek umíakmeka núkap tsawant warasam pujustatme.

Neka. 3:2 Iomraidhean Croise

1 Akup. 3:14

Ame apa Tawit Wi wakeramun núnisaṉ Wi akupkámun umikchamkia núnismek amesha umíakminkia núkap tsawant pujustinian amastatjai” mesekranam Uunt Yus Saramúṉkan tímiayi.

YKan. 119:165

Ame akupkámurmin anea nuka ti warasar tura yajauch awajsachma pujusártatui.

YKan. 128:6

Tura ame uchirmi uchirí̱sha wáinkiarta. Israernumka aṉkant pujustin atí.

YKan. 21:4

Iwiaakman seatmakui tí nukap tsawant pujutai̱ súsaitme tura jáchatai̱ tuke pujutai̱ susamame.

YKan. 91:16

Nui̱ṉkia untsurí uwí iwiaaku pujustinian susattajai. Túram Wi uwemtikramun nekáa warastatui” tawai Uunt Yus.

Neka. 10:27

Uunt Yusan ashamainiak umirainia núnaka ni tsawantri̱ncha éketkartatui. Antsu Yusan enentáimtichu ainia nuna tsawantri̱nkia wárik amutkartatui.

Neka. 16:31

Péṉker enentáimias túrin asa we̱a̱mar jempée puju ajasúka arantúkmaiti.

Neka. 4:10

Tuma asamtai uchiru, winia chichamur antukta tura wi tájamna nu ímiatrusmek túrata. Nu umíakmeka núkap uwí iwiaaku pujustatme.

Neka. 4:4

Tura winia aparsha jintintrak “Winia chichamur tuke enentáimtusam pujusta. Núnismek wi jintíamur kajinmátkip. Núja̱i̱ṉkia iwiaaku pujustatme” turutniuyayi.

Neka. 9:11

Warí aya wíji̱a̱i̱ṉ núkap tsawant wainkiattame tura núkap uwí iwiaakmarmesha eketnaktatme.

Rum. 14:17

Kame Yus umirkatin yurumátniuja̱i̱sha umartinji̱a̱i̱sha enentáimtuschatniuiti. Antsu Yusa Wakaní̱ji̱a̱i̱ shiir wekasar Yusja̱i̱ tura shuarja̱i̱ nawamnaikiar tí peṉker wekasatniuitji.

Rum. 15:13

Jintia íimprutai̱ Yuska Yus enentáimtakrumin ashí warastinniasha tura ashí aṉkant shiir pujustinniasha suramsati. Túramtai Yusa Shiir Wakaní̱ kakarmari̱ji̱a̱i̱ nuna naṉkaamas jintia íimprustinian amasti.

Rum. 5:1

Tuma asamtai Kristu nekas enentáimtakrin Yus táman nékaskete tu enentáimtakrin tunaarincha awajsámuitji. Tuma asar ii Uuntri̱ Jesukrístu túramuja̱i̱ aṉkant shiir pujá asar Yus nawamkamu pujaji.

Muis. 5:32

Tura Uunt Yusa chichame̱nka ishichkisha peṉké kajinmátkirap. Nu ashí umíakrumka nu nuṉkanam tuke péṉker untsurí tsawant pujustatrume.

1 Tim. 4:8

Kame aya̱sh kakaram awajsatniusha ishichik péṉkeraiti. Antsu Yusna nu túratin kakaram ajastinkia imiá péṉkeraiti. Yamái ju̱ nuṉkanmasha yáintmaji tura ukunmasha Yusja̱i̱ pujustin asakrin naṉkaamas péṉkeraiti.