Neem. 8:9 - Yus Papí: Shuarja̱i̱ Yus Yamaram Chicham Najanamu

⁹ Kame ashí aents umiktin chichaman antukar útainiakui uuntri̱ Neemíaska tura Yúsnan pujurin Ístras papí ain asa Riwí shuarja̱i̱ iruntrar chichainiak “Ju̱ tsawantka atumí Yusri̱ enentáimtustin tsawantaiti. Kúntuts enentáimsarum útirap” tiármiayi.

Neem. 8:9 Iomraidhean Croise

2 Akup. 22:11

Tura úunt akupniusha akupkámu chicham áarmauya nuna áujsarmatai antuk pushiri̱n já̱a̱rmiayi.

2 Akup. 22:19

ju̱ nuṉka mátsatkamua ju̱na kajerkan itiurchat awajkattajai. Nú chicham paant nekaam kúntuts enentáimsam pushiram já̱a̱ram útim umiktin enentáimsa asakmin Wisha nútiksanak anturkajme.

Ists. 2:63

Nuyá̱ uuntri̱ chicharuk “Yus susamua núnaka Yúsnan pujurin ajatskeka Urimian tura Tumimnasha ujatskeka yúacharti” tímiayi.

Ists. 7:11

Ju̱i̱ti papin aar chikichnasha núninniak Yúsnan pujurniun tura papí ain Uunt Yusa chichame̱ncha unuimiátra núnisaṉ Yusa chichame̱n Israer shuara jintinniuri̱n Ístrasan úunt akupin Artajírjis áatar susamu.

Neem. 10:1

Papin kuesmararuka ju̱ áiniawai uuntri̱ Neemías Akaríasa uchirí̱ tura Setekíasja̱i̱.

Neem. 12:26

Tura nui̱ takarmia nusha Jusatáka uchirí̱ Jesúa tura nuna uchirí̱ Juyakím pujumia nú tsawantauyi. Núnisaṉ nu tsawantin Ístraska Yúsnan pujurniuyayi tura papí aakmau nuyá̱ Neemías nui̱ uuntri̱ pujuarmiayi.

Neem. 7:65

Nú asamtai Yúsnan pujuniurin Urimian Tumimji̱a̱i̱ takaku nu túrataru tumam yurumak Yusna akantúkma yuáwairap tusa Jerusaréṉka uuntri̱ nu aentsnaka suritkiarmai.

Neem. 7:70

Núnisaṉ apa armia nunasha takakmastinian súsarmai. Tura uunt Surupapír menaint ripra nuyá̱ ajapén jean kurin susa nuyá̱ 50 amamkun tura Yúsnan takarkur entsatai̱ pushin 530 susamai.

Neem. 8:2

Kame siati nantu náṉkamma tsawantin Yúsnan pujurin Ístras yaunchu Yus Israer shuarnan akupkámu chicham áarman áishmaṉsha nuwa̱sha tura antuk nekamnia ainia nu iruntrar pujuiniamunam itiamiayi.

Isa. 61:3

Nu arantcha Seúnan enentáimtusar kúntuts pujuinia nuna atsumamuri̱n súsatniun tura yuṉkunminkia juruiniak akupin etseṉkrutai̱n súsarat tusa nuyá̱ kúntuts pujamuncha emeṉkátuk waratai̱ asuiti súsatniun núnisaṉ itiurchat nekapenancha emeṉkátuk warakur Yus shiir enentáimtutai̱ awaṉkéman súsarat tusa akuptúkuiti. Tuma asamtai nekasa nuja̱i̱ métek túrutai̱ rupri numin Uunt Yus Ni winchari̱n iniakmastaj tusa arakuiti tutai ártatui.

Use. 4:6

Wi shuarka nekatai̱n nékachu ásar emesramuiti. Warí átumka nekatai̱ nakitramarme. Tuma asakrumin Yusna takarniuitrumna nuya̱ntka jí̱i̱ktiatjarme. Warí atumí Yusri̱ akupkámu chichamsha kajinmátki̱n asakrumin Wisha núnisnak atumí uchirí̱ncha kajinmátkiartatjai.

Riw. 23:24

“Israer shuar áujsarta tura chicharainiakum ‘Nantu siátitin emka tsawantin námper ayamtai̱ tsawantin najantaiya̱ nútiksarum najanattarme. Kame nampermakrumka kachu umpuakrum ántut awajchattarme. Túrarum ti shiir iruntramu najanattarme.

Mks. 2:13

Warí átum surarmena núnaka péṉkesha iyatsjai tura wakerutnasha wakeratsjai. Tuma asamtai yamaisha núnisrumek úteakrum suká sukattsarum Uunt Yus áestutai̱ṉkia áya nea̱jkik awajsarme.

Rum. 3:20

Akupkámuka aya ii tunaari̱n paant awajtúrmaji. Tuma asamtai akupkámu péṉker umirkatniuja̱i̱ Yus “péṉkeraitme” turamchamniaitji.

Rum. 7:9

Yaunchu akupkámun nékachkun náṉkamsanak enentáimniuyajai. Tura akupkámun nekaan tunaan nekaamjai tura jaka áintsanak ajasjai.

San. 4:9

Atumí tunaarí̱ enentáimsarum kúntuts enentáimpratarum. Nu kúntutsja̱i̱ ti úttiarum. Nuik shiir enentáimprarum wishikmiarumna nuka iniaisarum kúntuts enentáimprarum úttiarum.