Neem. 8:3 - Yus Papí: Shuarja̱i̱ Yus Yamaram Chicham Najanamu

³ Tura Ístrassha Entsá waiti á̱a̱ri̱ya nui̱ nuwa̱sha áishmaṉsha tura ashí shuar iruntramunam akupkámu chichaman áujsatniun tsawa̱a̱na nui̱ juárkimiutaik tutupin ejemiayi. Túrakuisha yawe̱tsuk péṉker antukarmiayi.

Neem. 8:3 Iomraidhean Croise

Neem. 10:29

Atsá iikia nakitiaji tusar tura nekas umíakur Umiktin Chicham Yus najanamun Yusan takarniuri̱ Muisaisan susamia nu umiktaji titiai tusar ni yachi̱ji̱a̱i̱ tura péprunam péṉkeri̱ armia nuja̱i̱ iruntrarmiayi. Tura Akupkámu Umiktin Chicham, akupkámu chichaman nuyá̱ umiktin chicham ii uuntri̱ Jiuwá akupkámuka ashí umikiartatji titiai tusar ashí iruntrarmiayi.

Neem. 13:1

Nu tsawantin aents ántuiniamunam Muisaisa papiri̱ áujnasmiayi. Tura nuna aujú pujusár Amun aentska tura Muap aentssha Yusna iruntrarmanumka peṉké waya̱chartiniaiti tu áarman wáinkiarmiayi.

Neem. 8:1

Nui̱ṉkia ashí shuar Entsá waiti tutaiya nuna á̱a̱ri̱n iruntrarmiayi. Nui̱ Ístrasan papí ái̱nian chicharainiak “Yaunchu Yus akupkámu umiktin chichaman Muisaisja̱i̱ Israer shuartiniun akuptúrmakmiaj nu papí itiata” tiármiayi.

Neem. 8:18

Tura Ístras Yus akupkámu umiktin chichaman siati tsawant áujmiayi. Tura uchu tsawantinkia iruntrar akupkámuja̱i̱ métek namperan yaunchu tuke túrin armia núnisaṉ najaniarmiayi.

Neem. 8:4

Nuyá̱ papí ain Ístraska ni wajastin iwiarturmanum yakí̱ wajamiayi. Tura ni untsuurí̱ni̱ṉkia Matatías, Sema, Anías, Urías, Irkías tura Masías wajarmiayi. Nuyá̱ menaari̱ni̱ṉkia Pitiayás, Misaír, Markías, Aasum, Aaspatána, Sakarías tura Misurám wajarmiayi.

Neem. 8:5

Kame Ístraska ashí shuar irunar iimiam ajainiamunam yakí̱ wajas papin uraakui ashí shuar wajakiarmiayi.

Mar. 12:37

Kame Tawitkia Krístun áujmatuk ‘winia Uuntru’ tai̱sha ¿itiura ní shuari̱sha átiṉᵏⁱ?” tímiayi Jesus. Tuma asamtai untsurí shuar nui̱ matsamármia nu ti shiir antukarmiayi.

Ruk. 19:48

Túrasha ashí aents émamkes anturainiakui mátniun tujintkiarmiayi.

Ruk. 8:18

Tuma asamtai anearum péṉker antuktarum. Shuar takakna nu patatsamnia átatui. Túrasha takaktsuna nu, takakjai tu enentáimtumana nuka jurunkíttiawai” tímiayi.

Tur. 13:15

Tura nui̱ Yus Papinium yaunchu áarman áujas aminkiamtai Israer shuar iruntai̱ je̱a̱nam íirniuri̱ Páprun tiármiayi “Yatsuru, jintíatin chicham takakkurmeka yamaik titiarum. Antukarmi” tiármiayi.

Tur. 13:27

Iis, Jesusa túrunatniuri̱n Yuska yaunchu ni etserniuri̱n áamtikrachmakia. Tura ukunam Jerusaréṉnumia̱ shuar ni akupniúri̱ji̱a̱i̱ tuke ayampratin tsawantai̱ nuna áujenayatkesha peṉké nekaacharmiayi. Tuma ásar Jesuska Yusa Uchirí̱nti tícharmiayi. Tura jakati tiarmia nui̱ Jesusa túrunatniuri̱n, Yus yaunchu chichakmia nuna tímiatrusaraṉ umikiarmiayi.

Tur. 16:14

Nui̱ Tiatira péprunmaya̱ nuwa̱ ni naari̱ Ritia wainkiamiaji. Nisha tarach yamákáin péṉkeran súriniuyayi. Yúsnasha shiir awajniuyayi. Yus Chichaman Papru etserkamia nuna nisha péṉker anturkamiayi. Túman Uunt Yus Papru chichaamun umirkat tusa ni enentái̱n takasmiayi.

Tur. 17:11

Piríanmaya̱ aentska Tisarúnikianmaya̱ áentsja̱i̱ṉkia naṉkaamas péṉker enentáimkia ármiayi. Tuke enentáiji̱a̱i̱ Yus Chichaman ántiarmiayi. Túrawar tuke tsawant imia niṉkisha Papru tana nuna nekasashit tusar Yusa papiri̱n íiniak péṉker esetar íisar unuimiármiayi.

Tur. 20:11

Nuyá̱ ataksha Papru wakamiayi. Tura páṉkan puukar yurumáwarmatai tuke chicháa chichaakua Papru tsawa̱rmiayi.

Tur. 20:7

Tura tumiṉtin kí̱arai̱ Jesukrístu enentáimtusar yurumátai tusar iruntrarmiaji. Tura Papru Yus shuaran jintintrámiayi. Kame Pápruka kashinkia wétin asa chicháa chichaakua kashi ajapéṉ ejemiayi.

Tur. 28:23

Nú tsawantai̱ iruntrami tiarmia nú tsawant jeamtai ti untsurí aents Papru pujamunam iruntrarmiayi. Papru jintintiáiniak Muisais yaunchu aar akupkámia nuja̱i̱ tura chíkich Yúsnan etserniu áarmari̱ji̱a̱i̱sha Jesus nekas Yusa Anaikiamuri̱nti tusa paant jintintiáwarmiayi. Nuna tura káshik naṉkama Yus akupeamunam pachinkiatniun étse étserkua kí̱arai̱ iniaisámiayi.

Muis. 31:9

Tura Yúsnan pujurin Riwí shuar, Yusna Eṉketai̱ juarmia nuna núnisaṉ Israer shuara uuntri̱ armia nunasha ju̱ akupkámu umiktin chichaman Muisais aar súsarmiayi.

1 Tis. 2:13

Yus Chicham ii étserma antukrum aya aentsnumia̱ṉchaiti tímiarme. Yusai̱ya̱iti tímiarme. Nu tiniu asarum umirkamarme. Kame nekas tárume. Ii étserjinia nu nekas Yusa Chichame̱nte. Átum nu chicham umirka asakrumin atumí enentái̱n kakaram ajastinian amaawai, Yus Chicham asa. Átum Yus Chicham umirkaru asakrumin iisha tuke tsawant Yus yúmiṉkiaji.

Apu. 2:29

Kuíshtinia nu shuar Yusa Wakaní̱ ashí Yus shuaran timian antukti.’ Tu aartá” turutmiai.

Apu. 3:22

Kuíshtinia nu shuar Yusa Wakaní̱ ashí Yus shuaran timian antukti.’ Tu aartá” turutmiai.