Neem. 8:2 - Yus Papí: Shuarja̱i̱ Yus Yamaram Chicham Najanamu

² Kame siati nantu náṉkamma tsawantin Yúsnan pujurin Ístras yaunchu Yus Israer shuarnan akupkámu chicham áarman áishmaṉsha nuwa̱sha tura antuk nekamnia ainia nu iruntrar pujuiniamunam itiamiayi.

Neem. 8:2 Iomraidhean Croise

Neem. 10:29

Atsá iikia nakitiaji tusar tura nekas umíakur Umiktin Chicham Yus najanamun Yusan takarniuri̱ Muisaisan susamia nu umiktaji titiai tusar ni yachi̱ji̱a̱i̱ tura péprunam péṉkeri̱ armia nuja̱i̱ iruntrarmiayi. Tura Akupkámu Umiktin Chicham, akupkámu chichaman nuyá̱ umiktin chicham ii uuntri̱ Jiuwá akupkámuka ashí umikiartatji titiai tusar ashí iruntrarmiayi.

Neem. 13:1

Nu tsawantin aents ántuiniamunam Muisaisa papiri̱ áujnasmiayi. Tura nuna aujú pujusár Amun aentska tura Muap aentssha Yusna iruntrarmanumka peṉké waya̱chartiniaiti tu áarman wáinkiarmiayi.

Neem. 8:18

Tura Ístras Yus akupkámu umiktin chichaman siati tsawant áujmiayi. Tura uchu tsawantinkia iruntrar akupkámuja̱i̱ métek namperan yaunchu tuke túrin armia núnisaṉ najaniarmiayi.

Neem. 8:9

Kame ashí aents umiktin chichaman antukar útainiakui uuntri̱ Neemíaska tura Yúsnan pujurin Ístras papí ain asa Riwí shuarja̱i̱ iruntrar chichainiak “Ju̱ tsawantka atumí Yusri̱ enentáimtustin tsawantaiti. Kúntuts enentáimsarum útirap” tiármiayi.

Neem. 9:1

Tura paintikuátru tsawant ámanum nú nantutini̱ṉ Israer shuar ijiarmáwarmiayi. Tura kúntuts enentáimkiur entsatái̱n suí̱r pushin entsarar muuknum yuṉkunmin ukatmamkarmiayi.

Isa. 28:9

Nuyá̱ chichainiak “Nekatai̱sha ¿yanak unuiniarat tura ju̱ chichamsha yanak antumtikiat muntsú tsurakúnash núja̱i̱nchuka yama tsurainia nunash?

Riw. 23:24

“Israer shuar áujsarta tura chicharainiakum ‘Nantu siátitin emka tsawantin námper ayamtai̱ tsawantin najantaiya̱ nútiksarum najanattarme. Kame nampermakrumka kachu umpuakrum ántut awajchattarme. Túrarum ti shiir iruntramu najanattarme.

Mks. 2:7

Yúsnan pujurniuka nekas Yus wakera nuna nekau átiniaiti. Tuma asamtai ashí aents péṉkera nuna nekaatniun wakeruiniakka nin inintruiniawai. Warí Ashí Akupin Uunt Yus akupkámu áiniawai.

Muis. 17:18

Kame nisha akuptai̱ pujutai̱niam akupkáttsa pujuska Yúsnan pujurin tura Riwí shuar Yus akupkámu chichaman takakainia nuna nisha papiri̱n aar takusti.