Neem. 7:5 - Yus Papí: Shuarja̱i̱ Yus Yamaram Chicham Najanamu

⁵ Nui̱ṉkia ashí peṉkeri̱ ainia nusha úuntri̱ncha nuyá̱ ashí aentsnasha iruraran ni uuntrí̱ náari̱ji̱a̱i̱ métek áamararat tusa Yus winia enentáimtikrurmai. Tura yaunchu káunkarusha ni uuntrí̱ náari̱ji̱a̱i̱ métek áamararma papin wainkiamjai. Nui̱sha jú̱nis aarma ámiayi.

Neem. 7:5 Iomraidhean Croise

Ists. 2:62

Tura ju̱ aentska ni apachri̱ nuyá̱ shuari̱ naari̱ papinium áatkamun e̱a̱karmiayi túrasha peṉké wainkiacharmiayi. Kame apachri̱ nekarachma ásar Yúsnan pujurin Yusa Je̱e̱n takarmia nui̱ takakmastinian tujintkiarmiayi.

Ists. 7:27

¡Ii apachri̱ Yusri̱ Uunt Yus shiir awajsamu atí. Warí Níṉkichuk Uunt Yusa Je̱e̱ Jerusaréṉnum pujana nu páantin awajnásti tusa úunt akupniun tú enentáimtikra!

Neem. 5:19

Maa, winia Yusru, wi jú̱ aentsnan ashí péṉkeran túraitjiana nuja̱i̱ enentáimturata.

Neem. 6:14

Maa, winia Yusru, Tuwías nuyá̱ Samparát ashí yajauchin túrawarua nu kajinmátkip. Tura nuja̱i̱ métek Yúsnan etserin nuwa̱ Nuatía náartin tura chíkich Yúsnan etserin ainia nuja̱i̱ sapijmiamtikruktai tusar wakerutainiawai.

Neem. 7:4

Warí, pépruka ti úuntauyi túrasha nui̱ pujuarmia nuka ishichik aents aṉkant aṉkant pujutar pujutar ajainiak ántsaṉ je̱a̱ka tuke emeskamu atakka awaiṉki̱ je̱a̱mkachma ármiayi.

Neem. 7:64

Ju̱nasha tu weanmaya̱ ainia nu anujkamuncha nunasha e̱a̱karsha wáinkiachar Yúsnan pujurniunmaya̱ṉka ji̱i̱rarmiayi.

Neka. 2:6

Nekas nekatai̱nkia Uunt Yusak amaawai, tuma asa ni chichame̱ja̱i̱ péṉker wekasatniuncha tura unuimiártinniasha jintíawai.

Neka. 3:6

Ame tui̱ṉsha wekaittiam nui̱sha tuke enentáimtitia. Túrakmiṉkia Niṉki naka ewekátmastatui.

1 Kur. 15:10

Antsu Yus ti shiir waitnentak winia enentái̱rui̱ pujurtus péṉker najataiti. Nu asamtai winia kakarmarja̱i̱ takaschaitjiai antsu Yus waitnenkartin asa winia enentái̱rui̱ takaakui ashí ni akatrámuri̱n naṉkaamas takasuitjiai.

2 Kur. 3:5

Ju̱ nékaji, imia iik peṉké tujintkiaitji. Antsu ii túrajnia nu Yus ni kakarmari̱n súramkurin túraji.

2 Kur. 8:16

Tura wi aneajrumna núnisaṉ atumín aneatniun Yus Titiun susamiayi. Tuma asamtai Yusan yumiṉsan pujajai.

Kurs. 1:29

Tuma asamtai Kristu ni kakarmari̱n tí surakui nekas kakaram takaajai.

San. 1:16

Yatsuru, aneakun tájarme, anaṉmamawairap.