Neem. 7:2 - Yus Papí: Shuarja̱i̱ Yus Yamaram Chicham Najanamu

² Nuna túran winia yatsur Ananinkia Jerusaréṉ pepru wáinkiatniun nuyá̱ Ananíasnaka wenuka wá̱i̱ti̱a̱i̱ri̱n wáinin ainia nuna uuntri̱ anaitiukmajai. Warí Ananíaska untsurí áentsja̱i̱ṉkia naṉkaamas Yusan ashamak nekas umirin asamtai anaikiamjai.

Neem. 7:2 Iomraidhean Croise

Naṉ. 42:18

Nuyá̱ menaintiú tsawantin chicharainiak “Wikia nekas Yusan ashamakun enentáimtiniaitjiai. Tuma asamtai títiatjarum ju̱ túrakrumka jákashtatrume.

2 Sam. 23:3

Israera Yusri̱ chichakuiti tura Israernumia̱ kátsuram Kaya aentsun nekasa nuja̱i̱ métek túrawarat tusa akupeana nu chichartak ‘Yus ashamamuja̱i̱ akupeana nuka

1 Akup. 18:12

Túrasha Akaapan chichama ujaktajtsan wématai Uunt Yusa Wakaní̱ yajá ámin juramkittiawai. Túrunawakmin Akaap ámin waitmakach wíniaka mantuattawai. Túrasha ame takartámniuka natsa asan Úunt Yusnaka ashamniuiti.

1 Akup. 18:3

Nuya̱ṉka akupniu je̱e̱n wáinin Aptíasan Akaap untsukmiayi. Kame Aptíaska Uunt Yusan tí arantiniuyayi.

Neem. 1:2

winia yatsur armia nuyá̱ Anani Jutanmaya̱ shuarja̱i̱ wi pujamunam táarmiayi. Túrunawarmatai Jerusaréṉnan tura Israer shuar achirar yaruakma iwiaaku juákaru waketrarmia nunasha anintrúsmiajai.

Neem. 10:23

Useas, Ananías, Asup,

Neem. 13:13

Nuiṉkia nuna wainkiat tusan úuntri̱n anaitiukmajna nuka ju̱ armai. Yúsnan pujurniu Seremíasan tura papí aakmau Satukan nuyá̱ Riwí shuar Pitiayásan anaikiamjai. Núnisaṉ ni takasártinian Mataníasa uchirí̱ Sakur nuyá̱ uchirí̱ Ananan ashí péṉker enentáimkia ásar ni yachi̱n nakar súsartin armai.

Neem. 2:8

Tura chíkich papikia úunt akupniu kampunniuri̱n wáinin Asap áatrutrata. Kame Yusa Je̱e̱ wenuke̱n tura pepru wenuke̱n nuyá̱ wi pujustin je̱a̱n iwiarkatniun numin tsaṉkatrukat tusan núnaka seamjai. Nuyá̱ winia Yusur waitnentrur yaintiu asamtai wi úunt akupniun seamaj núnaka ashí surusmai.

Neem. 5:15

Tura wikia uuntri̱ ajatsa̱i̱ṉ emka uuntri̱ arma nuka ashí aentsun tí itiurchat awajsarmiayi. Túruiniak kuít jirun kuaraintia sikru jean tura páṉnasha núnisaṉ wíniuncha jurukiarmiayi. Núnisaraṉ ni takarniúri̱ armia nusha nin akupniua núnisaraṉ ajarmiayi. Antsu wikia Yusan ashama asan núnaka túrachmajai.

Neem. 7:3

“Jerusaréṉnum waiti ainia nuka etsa̱ jíintsa̱i̱ṉkia uraimiu ácharti. Tura waiti wáinin ni pujutái̱ri̱n pujuiniakka waiti epeniar asakawarti. Tura Jerusaréṉnumia̱ shuar pepru iin anaikiarum aṉkant aṉkant awajsarum tura chíkichkia ní je̱e̱n naka íirkamunam wajas íisarat tusarum anaikiarum awajsatarum” tiármajai.

Juup 1:1

Wats Us nuṉkanam áishmaṉ Juup náartin pujuyayi. Tura nisha péṉker enentáimin péṉkera túrin asa Yusan ashamak ímiatrusaṉ umíak ashí yajauchinmaya̱ kanakniuyayi.

YKan. 101:6

Wiji̱a̱i̱ pujusárat tusan ju̱ nuṉkanam tímiatrusan umin ainia nunak wikia íisartatjai. Ya imiatkincha péṉker jintianam wekáa nuke wíniaka yáintkiartatui.

Jiin. 18:21

Túrasha aents péṉker iisaram aents péṉker enentáimkia Yusan ashamin núnisaṉ nétsechu antsu kasamak kuítrintin ajastinian enentáimcha júuram chikichik mírnum chíkichkia siánnum tura chíkichkia seṉkuintianmasha núnismek chíkichkia tiásnumash uuntri̱ anairaram apujsarta.

Tan. 6:4

Tuma asamtai uuntri̱ armia nu tura sátrapa armia nusha itiurak Taniar ni akupeamuri̱ya̱ itiurchat awajsaintiaj tu enentáimsarmiayi. Túrasha nekas péṉker wekaak umin asamtai yajauch túramuncha núnisaṉ itiurchatri̱ncha peṉké wáitkiacharmiayi.

Wek. 12:7

Antsu winia takartin Muisaisja̱i̱ṉkia núnaka túratsjai. Warí, ashí Israer shuarnumka niṉki nekas tímiatrus Winiak enentáimturui.

Mat. 24:45

Shuar péṉker uminian tura péṉker enentáimniun áujmatsattajai. Nuna uuntri̱ yajá irauweak ‘Yurumátin jeamtai winia takartin ayuratarum’ tíchanpiash.

Mat. 25:21

Takui̱ ni uuntri̱ chichaak ‘Ti péṉker takakmawitme. Nekas uminiaitme. Ishichkiji̱a̱i̱sha ti péṉker takakma asakmin tí nukap yamaikia amastatjai. Winí̱ waya̱m wiji̱a̱i̱ ti shiir warasta’ timiai.

1 Kur. 4:2

Wátsek, akatrámuka tana nuja̱i̱ métek umiktiniaiti.

2 Tim. 2:2

Untsurí ántuiniamunam wi etserkamaj nu, shuar umikmin ainia nuna jintintiáwaram chikichnasha jintintiáwarat tusam akupkarta.