Neem. 7:1 - Yus Papí: Shuarja̱i̱ Yus Yamaram Chicham Najanamu

¹ Nuyá̱ Jerusaréṉ pepru wenuke̱ yumpuntrarun ataksha iwiarka amukan wáitiri̱ncha ikiursarmajai. Nuya̱ṉka wa̱i̱ti̱a̱i̱ wáinin áiniancha kantamin áiniancha tura Riwí shuarnasha anairarmajai.

Neem. 7:1 Iomraidhean Croise

Ists. 3:8

Kame Saratiára uchirí̱ Surupapír nuyá̱ Jusatáka uchirí̱ Jesúa ni yachi̱sha núnisaṉ ashí Yúsnan pujurin ántsaṉ Riwí shuar tura ashí achirar yajá yaruakma Jerusaréṉnum waketrar káunkarmia nuyá̱ chikichik uwí amukar chíkich uwí naṉkama jimiará nantu jeamunam Uunt Yusa je̱e̱n je̱a̱mtan naṉkamawarmiayi. Tura Riwí shuarsha painti uwí íniaṉkasaṉ takaku armia nu Uunt Yusa Je̱e̱n je̱a̱mtan juárkiarmiayi.

Neem. 10:39

Kame Israer shuar Riwí shuarja̱i̱ ántar súsarma araka nere̱n tura winiu yamarmancha núnisaṉ asuitincha nu tesamunam ikiusártiniaiti. Núnisaṉ Yusna takarkur takatai̱ tura Yúsnan pujurniusha nuyá̱ waiti wainniusha tura kantamin armia nusha nui̱ pujusártiniaiti. Tura ii Yusri̱ Je̱e̱ṉka peṉké ikiukchartatji tákur nekas umiktatji tiármaji.

Neem. 11:3

Tura Jerusaréṉnum nuṉka yáirach tesamunam uuntri̱ ní wakerus pujusármiayi. Antsu Jutá pepru armia nui̱ṉkia Israer shuar, Yúsnan pujurin, Riwí shuarsha, Yusa Je̱e̱n takarniusha tura Saramúṉka takarniúri̱ wea aṉkant aṉkant ni pujutái̱ri̱ni̱ṉ pujusármiayi.

Neem. 12:24

Riwí wea peṉkeri̱nkia ju̱i̱ti: Asapías, Serepías, Katmiara uchirí̱ Jesúa tura ni shuar armia nuka naka wajas Yusan shiir enentáimtak tura Yusan yumiṉkias, Yusan enentáimtin áishmaṉ Tawit túratniun akupkámia nuja̱i̱ métek túrin armia nu ármiayi.

Neem. 6:1

Kame pepru wenuke̱n wi iwiartukan amukmatai túram wenuknumsha wa̱a̱ka atsá ajasármatai túrasha wáitinkia ikiuiniatsa̱i̱ṉ ii nemasri̱ Samparát tura Tuwías nuyá̱ Arapianmaya̱ Jesem nuna nekaawar

Neem. 6:15

Tura wenuknaka aya seṉkuintitús tsawant takasar Erur nantu paintiséṉkutin amukármai.

Neem. 6:19

Tuma asamtai nu aents Tuwías péṉker takat túramuncha ujat wéarmai. Nuyá̱ nincha áitkiasaṉ winia chichamprun ujarmai. Tura Tuwías sapijmiamtikruktaj tusa papin akuptúrkamai.