Neem. 5:9 - Yus Papí: Shuarja̱i̱ Yus Yamaram Chicham Najanamu

⁹ Tura wi chichaakun “Túrarmena nuka péṉkerchaiti. Kame ii nemasri̱ uunt nuṉka mátsatkamu ainia nuyá̱ wishiknara̱i̱j tusarmeka ¿ii Yusri̱ṉkia ashamkashtinkiaitrum?

Neem. 5:9 Iomraidhean Croise

Naṉ. 20:11

Tutai Aprajám aya̱k “Jú̱ nuṉkanmaya̱sha Yusan enentáimtichu ásarmatai tura winia nua̱run wakeruiniak winia mantuawara̱i̱ṉ tú enentáimsan nuna tímiajai.

Naṉ. 42:18

Nuyá̱ menaintiú tsawantin chicharainiak “Wikia nekas Yusan ashamakun enentáimtiniaitjiai. Tuma asamtai títiatjarum ju̱ túrakrumka jákashtatrume.

2 Sam. 12:14

Antsu nu tura asam Yusa nemasri̱ Uunt Yusan yajauch áujmatin awajsámuitme. Ame uchiram yamái akiintiurma nuka nekas jarutramkattawai” tusa ujakmiayi.

Neem. 4:4

Neemías chichaak “Maa, ii Úunt Yusri̱yá, anturkartukta. Warí ii nemasri̱ ainia nu peṉké nakitramainiaji. Tuma asamtai ni chichame̱ja̱i̱ṉ itiurchat najanawaru ásarmatai nú itiurchatka níini̱n iniarti núnisaṉ yajá nuṉkanam achirar yaruakma ártí.

Neem. 5:10

Wisha núnisnak tura winia yatsursha nuyá̱ winia takarniúrsha kuítniak tura araka nere̱sha ikiasaruitji. Kame nú tumash tí nukap patakar jurukiartinkia waitneasar iniaisartai.

Neem. 5:15

Tura wikia uuntri̱ ajatsa̱i̱ṉ emka uuntri̱ arma nuka ashí aentsun tí itiurchat awajsarmiayi. Túruiniak kuít jirun kuaraintia sikru jean tura páṉnasha núnisaṉ wíniuncha jurukiarmiayi. Núnisaraṉ ni takarniúri̱ armia nusha nin akupniua núnisaraṉ ajarmiayi. Antsu wikia Yusan ashama asan núnaka túrachmajai.

YKan. 90:11

Ame kakaram kajetáirmincha ¿ya nekaamniait? Tura Ame kajetairmeka ti uunt asamtai ¿itiur ashamkar arantúkchamusha átatam?

Neka. 16:29

Aents yajauchikia ní shuaran anaṉniuiti tura yajauch jintianmaani̱ júuwiti.

Neka. 17:26

Aents umitmákcha asutiátin nekas péṉkerchaiti. Núnisaṉ uuntri̱ ainia nusha péṉker túruiniá nékayatar katsumkatin yajauchiti.

Neka. 18:5

Sumamtikin ainia nu umitmakua nuna waitnentak íksaṉ umikmatchan súmamtikiuṉka péṉkerchaiti.

Neka. 19:2

Núnisaṉ nékatsuk wariṉkish túratniuka péṉkerchaiti tura wáurtus túrincha yajauchin íṉkiuawai.

Neka. 24:23

Ju̱sha núnisaṉ ti neka ainia nuna chichame̱nte. Uunt akupin eketainia nui̱ aents métekcha enentáimturtinkia nekas péṉkerchaiti.

Riw. 25:36

Wariṉkish íkiakmesha amastiniana nuna naṉkaamas jurukip tura patasmeksha surusta tiip. Antsu ame Úunt Yusrum ashamkata túrakminkia ame yátsumka ámiji̱a̱i̱ pujustatui.

Tur. 9:31

Tura Jutanmaya̱, Kariréanmaya̱sha, Samarianmaya̱sha Yus shuar shiir aṉkant ajasár kakaram ajasármiayi. Yusan ashamainia ásar tura Yusa Wakaní̱ yaya̱mu ásar kaweṉki̱ kaweṉki̱ wéarmiayi.

Rum. 2:24

Yus Papiniumsha núnis áarmaiti “Átum péṉker umirchamuja̱i̱ Israer shuarcha Yusan yajauch chicharainiawai.” Isa. 52:5

1 Tim. 5:14

Nu asamtai waje̱ úchipiak ainia nuka niniurtukar uchin takusarti. Tura nuwa̱ nuatkamu takastinia nuna túrawarti. Tura ni túrunamuri̱ji̱a̱i̱ iin kajertamainiaj nú shuar yajauch enentáimturmarcharti.

Tit. 2:5

Ju̱nasha jintintrarti. Esetas enentáimin péṉker wekain ártiniaiti. Ni takatrí̱n péṉker takastin áiniawai. Ni áishri̱n umirin ártiniaiti. Tura waitnentin ártiniaiti. Yus shuarcha Yus Chichaman yajauch chicharkara̱i̱ṉ tusar túrawartiniaiti. “Tu jintintrarta” titiá.

1 Pit. 2:12

Yus shuarchanum péṉker wekasatarum. Túrakrumni̱ṉkia nisha yamái “Yus shuar yajauch túruiniawai” ántar tuíniayataṉ ukunmaṉka Yusja̱i̱ iṉkiunaiktin tsawant jeamtai péṉker wekarmena nuna enentáimturmasar nú shuarsha Yusan shiir awajsártatui.