Neem. 5:8 - Yus Papí: Shuarja̱i̱ Yus Yamaram Chicham Najanamu

⁸ chicharainiakun “Iikia, ii yachi̱ Israer shuar Yusan enentáimtichu aentsnum surukma arma nuka ii jeajnia nuja̱i̱ métek akikmatkar ii yachi̱ṉkia aṉkant awajsaruitji. Túrasha átumka iik ataksha sumakmi tusarum atumí yachi̱ṉ súrarme” tiármajai. Tútaisha tákamtak wariniak tiarat peṉké ai̱rkacharmai.

Neem. 5:8 Iomraidhean Croise

Neem. 5:9

Tura wi chichaakun “Túrarmena nuka péṉkerchaiti. Kame ii nemasri̱ uunt nuṉka mátsatkamu ainia nuyá̱ wishiknara̱i̱j tusarmeka ¿ii Yusri̱ṉkia ashamkashtinkiaitrum?

Mat. 22:12

Tura timiai ‘Umpá, ¿urukamtai nuatnaiyamunam entsatái̱ pushí entsatsuk waya̱m?’ Tutai nu áishmaṉ tákamtak pujusmiayi.

Mat. 25:15

Chikichkiniak seṉku mir kuítian susamai. Chikichnasha jimiará mir kuítian susamai. Tura chikichnasha chikichik mir kuítian susamai. Ni takastin jearma nuja̱i̱ métek súsarmai. Tura ikiuak yajá wemai.

Mat. 25:29

Kame núkap takakna nú shuar ataksha patatnástatui tura ampiniártatui. Antsu ishichik takakna nusha ishichik takakuitiat jurunkíttiawai.

Rum. 14:15

Tuma asamtai shuar chichartamuk “Nu yúakminkia Yusja̱i̱ péṉkerchaiti” tai̱, ame yúakminkia nu shuar itiurchat enentáimsashtatuak. Tura nisha tunaanum iniaar meṉkakamniaiti. Nu shuar aneakum túratsme. Enentáimprata. Aya ame yúamna núja̱i̱ṉ ame yátsum Kristu jarukmia nu emeṉkákaip.

Rum. 3:19

Yaunchu akupkámun umirkatin ainia nú shuar aya tákamtak umirkatin áiniawai. Tuma asamtai ashí shuar umirkachu ásarmatai Yus nuja̱i̱ súmamtikiawartatui. Túrakui nisha pachischamin áiniawai.

1 Kur. 8:11

Núja̱i̱ṉkia ame nékamuja̱i̱ ame yátsum Kristu jaka uwemtikramia nuka yajauch ajastatui.

2 Kur. 8:12

Iistarum. Ni kuítri̱n Yusan nekas susatajtsa wakerakuiṉkia ni jeana nuna susat tusa Yus wakerawai. “Jeana nú naṉkaamas susati” tatsui Yus.

Kar. 6:10

Tuma asamtai yáiṉmin ákuiṉkia ii jeajnia nu túratniuitji nekaska ii yachi̱ Yus shuar ainia nu yáiṉkiartin. Tura ashí shuarsha yáiṉtiniaiti.

Muis. 24:7

Núnisaṉ Israernumia̱ shuar nuamtaketiat kasamak jukí̱ ni iniatairi̱ awajás nuíchuka suruku nekaanamtaiṉkia kasa asamtai mátarum. Nuní̱ túrakrum atumín yajauch pampartaj tau wárik asakáittiarme.