Neem. 5:5 - Yus Papí: Shuarja̱i̱ Yus Yamaram Chicham Najanamu

⁵ Túrasha nekaatarum, ii yachi̱ ii shuar áiniawai tura ni uchirí̱sha ii uchirí̱ya núnisar áiniawai. Tuma aak yamaikia ii uchirí̱sha tura ii nawantri̱sha iniatai̱ árat tusar súruiniaji. Kame ii nawantri̱ṉkia untsurí iniatai̱ ajasáruiti túrasha yamaikia akikmatkar aṉkant awajsatniusha peṉké jeainiatsji. Warí ii nuṉke̱sha tura ii uwa ajarí̱sha chikicha uwejé̱n yamaikia pujuiniawai” tiármiayi.

Neem. 5:5 Iomraidhean Croise

Naṉ. 29:14

Tura Rapan chichaak “Warí ámeka chíkich shuarchaitme antsu nekas wí shuaraitme” tutai Jakupsha chikichík nantu Rapanai̱ pujusmiayi.

Naṉ. 37:27

Mashtai antsu Ismaer shuarai̱ suruktai. Warí ii yachi̱nchukait” tímiayi. Nuna takui̱ ni yachi̱sha métek chichasar Jusen surukarmiayi.

2 Akup. 4:1

Yúsnan etserniu uchirí̱ nua̱rí̱ armia nuyá̱ chikichik nuwa̱ Iriséun ujak “Ámin takartámin winia áishruka jákaiti. Ámeka Yusa ashamak shiir umirniuya nu nékame. Tura iin kuítian ikiatmasua nu jimiará uchirun jurutkí̱ winia takartin pujurtusarat tusa tayi” tímiayi. Riw. 25:39-40

Neka. 22:7

Kuítrinniuka kuítrincha uuntri̱ ajawiti tura kuítian íkiamna nuka kuítrinniun takarniúri̱ ajawai.

Isa. 50:1

Uunt Yus chichaak “Atumí nukurí̱ nakitra ajapamu papisha ¿tui̱ aa? ¿Tura yana tumash asana surukuitjiarum? Nekaatarum, átumka atumí tunaari̱ni̱ṉ surunkamarme núnisaṉ átum nakitrakrumin atumí nukurí̱sha nakitniar ajapnamai.

Mat. 18:25

Tura nu takakmau kuitri̱ atsakui úunt akupin ‘Yajasma áitkiasrum nua̱rtiuk uchirtiuk ashí wariri̱ntiuk suruktarum. Nu kuitji̱a̱i̱ akirkati’ timiai.