Neem. 5:2 - Yus Papí: Shuarja̱i̱ Yus Yamaram Chicham Najanamu

² Kame chíkichkia chichainiak “Iikia ii uchirí̱ji̱a̱i̱ tura ii nawantri̱ji̱a̱i̱ untsurítji. Tuma asar iwiaaku pujustai tusar trikiu awaṉtukmijiam tusarⁱ seamniuitji.”

Neem. 5:2 Iomraidhean Croise

Naṉ. 41:57

Tura chíkich nuṉkanmaya̱sha tsukamawar Jusée sumautai tusar Ejiptunam káutiarmiayi.

Naṉ. 42:2

Warí, yurumak Ejiptunam írunui táman antukjai. Atumsha nu werirum sumautarum, iisha tsukái jáka̱i̱jⁱ” tímiayi.

Naṉ. 43:8

Nuyá̱ Jutá ni aparí̱n Israeran chicharuk “Iwiaaku ártái tákumka uchi akupkata. Auka, wi wainkiatjai. Wari akupeakmiṉkia yurumak sumakar iisha tura ii uchirí̱sha tura amesha tsukái jákashtatji.

Naṉ. 47:19

Warí urukamtaik ántrasha tsukaisha kajiṉtajⁱ. Sumakratkata. Túram ii nuṉke̱sha sumakarta. Nuja̱i̱ yurumátniusha tura arakmatniusha amasta. Warí tú turukratawakmincha ame amasákmin iik ii nuṉke̱n takarsashtatjik. Túrakur Parauṉka iniatairi̱ ajastai. Túram ii nuṉke̱sha arakmashtaiṉkia áchattawai” tiármiayi.

2 Akup. 4:1

Yúsnan etserniu uchirí̱ nua̱rí̱ armia nuyá̱ chikichik nuwa̱ Iriséun ujak “Ámin takartámin winia áishruka jákaiti. Ámeka Yusa ashamak shiir umirniuya nu nékame. Tura iin kuítian ikiatmasua nu jimiará uchirun jurutkí̱ winia takartin pujurtusarat tusa tayi” tímiayi. Riw. 25:39-40

Neem. 5:3

Tuíniakui chíkichkia chichainiak “Tsuka asamtai yurumak súmakur ii nuṉke̱sha ii uwa ajarí̱sha tura ii je̱e̱sha amastáji tíniuitji” tímiayi.

Aji. 1:6

Núkap arakmayatrumek ishichik juwarme. Yurumkurmesha ejematsrume. Úmakrumsha kitiaksha imikiatsrume. Entsariatrumek tsue̱rsha ajatsrume. Takatan takakmaasha kuítian achíaksha kuit eṉketai̱ chiṉkianum eṉkea nútikiainiawai” tawai Uunt Yus.

Mks. 2:2

Núnisaṉ anturtutsuk tura nekas enentáiji̱a̱i̱ Winia naar shiir awajeachkurminkia yajauchiji̱a̱i̱ yumiṉkrattajrume. Warí nekas enentáiji̱a̱i̱ túrattajai ticha asakrumin péṉkernum yumiṉkrarmena nuna Wikia íksanak yajauchiniam yumiṉkramu awajsattajai. Kame núnaka nekas túraitjiai” tawai Ashí Akupin Uunt Yus.

Muis. 23:19

Atumí yachi̱ kuit ikiasma awaṉturmakuisha patakam surusta tiirap. Núnisaṉ yurumkanmasha tura wariṉkísh chíkich ainia núja̱i̱sha patakam awaṉturkitia tiirap.