Neem. 4:7 - Yus Papí: Shuarja̱i̱ Yus Yamaram Chicham Najanamu

⁷ Tura Jerusaréṉka wenuke̱ takasar amustatuk awajsarin Samparát, Tuwías, Arapianmaya̱, Amunnumia̱ nuyá̱ Astutnumia̱ aentscha nekaawar ti kajearmiayi.

Neem. 4:7 Iomraidhean Croise

Naṉ. 3:15

Ámin nuwa̱ja̱i̱ nemasmamtikiattajme. Tura ame tiraṉmí tiraṉki̱sha nuwa̱nuja̱i̱sha núnisaṉ nemasnaikia ártatui. Ti ukunam nuwa̱nu átatna nu muukmin najatmarmatai ame ni saṉkani̱n esaim najaimiamtikiattame.” Tú timiayi Uunt Yus.

2 Akup. 24:2

Túrasha Uunt Yus ni etserniuri̱ armia nuja̱i̱ timia nuna umíak Jutanmaya̱n ashí amukarat tusa Kartíanmaya̱sha, Sírianmaya̱sha tura Muápnumia̱sha núnisaṉ Amunnumia̱ suntarnasha akuptúrarmiayi.

Ists. 5:8

Yamaikia ju̱ úunt akupniu amiin paant nekaamu atí. Jutá nuṉkanam Uunt Yusa je̱e̱ iyutai tusar wémaj nui̱ kaya uuntja̱i̱ numiji̱a̱i̱sha tanishri̱ncha ikiursar najanenawai tura nu takatnasha ti wárik takainiak amukí̱ émamkesar takaki̱ wénawai.

Neem. 2:10

Túrasha Urun aents Samparát nuyá̱ ni takarniúri̱ Amun aents Tuwías nuna antukar yaaksha taar Israer shuarnan péṉkeran túrawara̱i̱n tusar peṉké nakitiáiniak kajearmiayi.

Neem. 2:19

Tura Urun aents Samparát nuyá̱ ni takarniúri̱ Amun aents Tuwías aents núnisaṉ Arapianmaya̱ aents Jesem antukar iin nakitramainia ásar wishikramainiak “Jú̱tikiarum ju̱sha ¿warimpiait? Átumka úunt akupin ¿umirkashtaj tusarmechuk jú̱tikiarum?” turamarmaji.

Neem. 4:1

Tura Jerusaréṉ pepru wenuke̱ ataksha íwiareamun Samparát antuk tí kajek suíran ka̱e̱ kaje̱e̱nak Jutá shuaran wishikrarmiayi.

Neem. 4:6

Tura aents shiir enentáiji̱a̱i̱ iruntrar kakaram takakmainia ásar pepru wenuke̱ncha kayá ekentrar yakiri̱ náṉkatkamunam ejetniun ajapén awajsarmaji.

Neem. 4:8

Tura Jerusaréṉja̱i̱ mániar emestuktai tusar iruntrar chichaman jurusármai.

Neem. 6:16

Tura ii nemasri̱sha nu takat amukman antukar Yus iin yaintmakmiaj nuna nekaawarmiayi. Túrawar nú nuṉkanam tíjiu̱ch pujuarmia nusha ti sapijmiakar jú̱naka nekas Yus yáiṉkiam jú̱tikiawarai tusar waantu enentáimtumainiamun iniaisar péejchach ajasármiayi.

Jrm. 25:20

tura ashí írar armia nusha ashí nuṉkanmaya̱ úunt akupin armia nusha Jiristía nuṉkanmaya̱ úunt akupin armia nu Askarún, Kaasa, Ikrun, Astutnum pepru juákaru pujuarma nusha

Jrm. 41:10

Nuna tura Ismaerka aents Míspanam juákarunka achir ashí yaruakarmiayi. Kame úunt akupniu nawantri̱ armia nuí̱miak tura ashí shuar Míspanam juákarun suntara uuntri̱ Napusaratán ame ju̱ aentska wáinkiarta tusa Ajikma uchirí̱ Jetaríasan ikiurkiarmia nunasha yaruakmiayi. Kame Netaníasa uchirí̱ Ismaerka achir yaruak Amun aentsu uchirí̱i̱n pachiniattsa wémiayi.

Ams. 1:13

Amuna shuari̱ncha yajauch tí túrukmanum peṉké tsaṉkurachartatjai. Warí nuṉke̱n iwiaṉkartai tusar Karaatnumia̱ nuwa̱ ajaprukaru áinianka ajapeyarmiayi. Núnisnak Rapá wenuke̱ncha jinia ikiapátran akupniu je̱e̱nkia mesetja̱i̱ kakaram untsummaja̱i̱ amutkartatjai tura yumitinkia nasé naseja̱i̱ ti kakaram yútak amukártatui. Tura akupniúsha péṉkeri̱ ainia nuja̱i̱ achirar yajá yaruakma ártatui” tíniuiti Uunt Yus.

Ams. 3:9

Astutnum tura Ejiptunmasha akupin pujutai̱ je̱a̱ ainia nui̱sha chícham étserkuram jú̱nisrum titiarum “Naint Samarianam írunna nui̱ waká iruntrarum túrarum aents náṉkamas iruntrar ti itiurchat ajainiak chikichnasha ti wáitkiainiana nu iistarum.

Tur. 5:33

Tutai nuna antukar ti kajerkarmiayi. Túrawar maatai tusar wakeriarmiayi.

Apu. 12:17

Túramtai nuwa̱n ti kajerak ni wea chíkich írunna nuja̱i̱ mánaiktaj tusa wemai. Nu shuarsha Yus akupkámun umirainiak Jesusan ti shiir áujmatenakui niji̱a̱i̱ mánaiktaj tawai.