Neem. 4:2 - Yus Papí: Shuarja̱i̱ Yus Yamaram Chicham Najanamu

² Nuya̱ṉka Samarianmaya̱ aents ainia nusha tura Samarianmaya̱ suntarsha ántuiniamunam Samparát chichaak “Kakarmachu Jutá shuar, ¿warí jú̱tikiainia? ¿Ataksha Yusai̱ áestuatniun súsawartata? ¿Chikichik tsawantinkitsuk ashí mash amukártata? ¿Tímiau kaya esakútsuk najankartatuak?” timiai.

Neem. 4:2 Iomraidhean Croise

Ists. 4:4

Túrasha Jutá shuar sapijmiainiak je̱a̱mcharat tusar nu nuṉkanmaya̱ aents itit awajiármiayi.

Neem. 12:27

Jerusaréṉka wenuke̱ amukman námper najanatai tusar Riwí shuar ashí nuṉkanmaya̱n tui̱ matsamin armia ímianian e̱a̱karmiayi. Túrawar kantaja̱i̱ ke̱e̱rja̱i̱ kitiarja̱i̱ shakapja̱i̱ námper shiir awajsar iniaṉkastai tusar Jerusaréṉnum yaruakarmiayi.

Neem. 12:43

Nu tsawantai̱kia untsurí taṉkun áestuawarmiayi túrawar warastin Yus súsarma ásar ti warasarmiayi. Núnisaṉ nuwa̱sha uchisha warasarmiayi tura Jerusaréṉnum waramuka jeachat antuimiayi.

Neem. 4:10

Tura Jutanmaya̱ chichainiak “Takakmainia nusha pimpikiárai tura emeskarma ainia nusha ti núkapete. Tuma asamtai iik takasar wénuitniuka jeatsji” tiármiayi.

Neem. 6:15

Tura wenuknaka aya seṉkuintitús tsawant takasar Erur nantu paintiséṉkutin amukármai.

YKan. 83:4

Nuyá̱ chichainiak “Winitiárum Israer emesrarmi túram atakka ni uunt nuṉka mátsatka Israera náari̱nkia peṉké enentáimtuschamu atí” tuíniawai.

Jrm. 26:18

“Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12

Jrm. 33:24

“Ámeka ju̱ shuar chichainiak ‘Uunt Yus jimiará matsatka aentsun Israer Jutaja̱i̱ Wí shuaraiti tusa achikiárat ajapawaruiti’ tiarma nuka ¿antukchamkum? Warí niṉkia Wí shuaran imiancha enentáimtuiniak uunt nuṉka mátsatka ímianu enentáimtuiniatsui.

Tan. 9:25

Tura péṉker antukam paant nekaata. Jerusaréṉsha iwiarkar ataksha je̱a̱mkatin chicham etsernaktatna nuyá̱ Úunt Akupniu Uchirí̱ Misías táamam siati tumiṉ tura sasaintitús tumiṉ naṉkaamastatui. Núnisaṉ ti wáitsatin ámanum Jerusaréṉsha á̱a̱ri̱ntiuk tura wenukri̱ntiuk ataksha iwiarnaktatui.

Awa. 3:2

“Maa Uunt Yusá, naṉkamantuitmena nuna antukjai núnisnak Ame túramuncha wainkian sapijmiakun jaká enentáimiá ajajai. Núnismek tsawant naṉkamakuisha ataksha enentáimtikiarturam jintinkiartuata. Tura kajektatmena nui̱sha waitnenkarturtin enentáimprata.

Sak. 12:8

Nu tsawantinkia Uunt Yus Jerusaréṉnum matsatainia nuna ayamprúkartatui. Nui̱ kakarmachu ainia nusha Tawitji̱a̱i̱ métek ajasártatui. Tura Tawitia shuari̱ṉkia Yusa ánis, kame Yusa suntari̱ eem wea núnis áiniawai.

Sak. 4:10

¿Yaaksha imiancha núnis enentáimtus warinkisha nakitrait? Túrasha Surupapír takatan naṉkamnamtai wáinkiar nu aentsuk ti shiir enentáimsartatui. Tura ju̱ siati ainia ju̱ka Uunt Yus ashí nuṉkanam wekaana nu ji̱ áiniawai” turutmiai.

1 Kur. 1:27

Antsu ju̱ nuṉkanam nékachua núnis ana nuna Yus achikiuiti tí neka nuna iniatsá̱rtinian. Tura ju̱ nuṉkanam kakarmachua núnis ana nunasha Yus achikiuiti kakarma nuna iniatsá̱rtinian.