Neem. 2:8 - Yus Papí: Shuarja̱i̱ Yus Yamaram Chicham Najanamu

⁸ Tura chíkich papikia úunt akupniu kampunniuri̱n wáinin Asap áatrutrata. Kame Yusa Je̱e̱ wenuke̱n tura pepru wenuke̱n nuyá̱ wi pujustin je̱a̱n iwiarkatniun numin tsaṉkatrukat tusan núnaka seamjai. Nuyá̱ winia Yusur waitnentrur yaintiu asamtai wi úunt akupniun seamaj núnaka ashí surusmai.

Neem. 2:8 Iomraidhean Croise

Naṉ. 32:28

Takui̱ áishmaṉ chicharuk “Yamaikia ámeka Jakupka áchattame, antsu Israer náartin átatme. Warí Yusja̱i̱ tura áentsja̱i̱sha mánaikiam awakmakume” tímiayi.

Ists. 5:5

Kame Taríu papí akuptúkma ni chichame̱ táamam Israer shuara úuntri̱nkia Yus yaya̱mu ásar takatnaka iniaṉnatsuk takakmarmiayi.

Ists. 6:22

Nuya̱ṉka ti shiir warasar paṉ karin eṉketáchma namperan siati tsawant pujursarmiayi. Warí ti shiir warainiak Israer shuara Yusri̱ Je̱e̱n takainiakuisha Pírsianmaya̱ úunt akupniusha Israer shuarnaka shiir enentáimtusarat tusa Uunt Yuska úunt akupniu enentái̱ncha iwiarturmiayi.

Ists. 6:8

Yusa Uunt Je̱e̱ iwiarnak ataksha je̱a̱mnakat tusarum Jutanmaya̱ uunt ainia nu warí itiurnakartiniait nuna wi akupeajai: uunt akupniu kuítri̱n entsa amaini̱ matsatainia akikmainia nú kuitji̱a̱i̱ aents takakmainia nuka táamtsuk akiktarum takat naṉkankaiṉ.

Ists. 7:6

Jú̱ Ístras papin ain tura Muisais akupkámu umiktin chichaman tí unuimiátrauya nu Papirúnianmaya̱ Jerusaréṉnum támiayi. Kame Uunt Yus ni Yusri̱ Ístrasan pujuru asamtai ni seammia núnaka úunt akupin ashí susamiayi.

Ists. 7:9

Tura emka nantu juármanum tsawantka chikichik tsawa̱rmanum Papirúnianmaya̱ waketkitniun naṉkamamiayi. Túruna seṉku nantu juarma tsawantin Jerusaréṉnum jeamiayi. Warí ni Yusri̱ waitnenkartutairi̱ niji̱a̱i̱ pujumiayi.

Neem. 7:2

Nuna túran winia yatsur Ananinkia Jerusaréṉ pepru wáinkiatniun nuyá̱ Ananíasnaka wenuka wá̱i̱ti̱a̱i̱ri̱n wáinin ainia nuna uuntri̱ anaitiukmajai. Warí Ananíaska untsurí áentsja̱i̱ṉkia naṉkaamas Yusan ashamak nekas umirin asamtai anaikiamjai.

Neka. 21:1

Uunt Yuska akupniu enentái̱nkia entsa akatai̱ya̱ áitkiaraiti. Tuma asa Ni wakera núnaka tímiatrusaṉ umimtikniuiti.

Isa. 66:14

Kame atumsha nu túramu wainkiarum atumí enentái̱ warastatui tura atumí ukunchi̱sha chírichriya núnis je̱e̱rartatui. Nuiṉkia Uunt Yus ni takarniúri̱ ainia núnaka ni kakarmari̱n nekamtikiawartatui antsu ni nemasri̱nkia kajerkartatui.

Tan. 1:9

Nuyá̱ akupniu yaintri̱ armia nuna úuntri̱n Taniaran waitnentrat tusa Yus ni enentái̱n niisháa awajtúsam,

Tur. 26:22

Yus winia yaintiu asamtai iniaitsuk tuke Yus Chichaman ujainiajai. Uunt ainia nunasha tura péejchach ainia nunasha ujainiajai. Tura Muisaissha, Yúsnan etserniusha tiarmia nunak étsereajai. Nú arantka tátsujai.

Tur. 7:10

Tuma asa ashí ni itiurchatri̱i̱nia̱ uwemtikramiayi. Tura waitnenkartutairi̱ncha nekatairi̱ncha susamiayi. Tuma asamtai Ejiptunam úunt akupin Parauṉ Ejiptu nuṉkáa akupniúri̱ ajasat tura ni je̱e̱n wainniuri̱ ajasat tusa anaikiamiayi.

2 Kur. 8:16

Tura wi aneajrumna núnisaṉ atumín aneatniun Yus Titiun susamiayi. Tuma asamtai Yusan yumiṉsan pujajai.