Neem. 13:2 - Yus Papí: Shuarja̱i̱ Yus Yamaram Chicham Najanamu

² Warí yaunchu paṉja̱i̱ entsan júkiar Israera uchirí̱n iṉkiuṉtai tusar jíintsuk Paraaman yumiṉkrutrai tusa kuítian akikiármiayi. Tura ii Yusri̱ yajauchiji̱a̱i̱ yumiṉtsuk antsu péṉkernum yumiṉkramiayi.

Neem. 13:2 Iomraidhean Croise

YKan. 109:28

Yumiṉkruinia nuka Ame shiir pujutnum yumiṉkrurta tura Ame takartámniuka waras pujái̱ niṉkia natsanmai̱ ajarti.

Mik. 6:5

Winia shuaru, Uunt Yus nekasa nuja̱i̱ métek túramu enentáimpratarum. Iis, Parakka ¿warí yajauchinia túrattsa wakerimia. Túrasha Piura uchirí̱ Paraamsha itiura áimkiamia? Wats Setim nuṉkanmaya̱ juarki̱ Jirkara tímianai Paraam ¿waritia ai̱kmia? Nuja̱i̱ enentáimpratarum.

Wek. 23:18

Tutai Paraamka ukunam túrunattana nuna étseruk chichaak “Paraká anturtukta, maa Sépura uchiri̱yá émamkesam antukta.

Mat. 25:40

Tuíniakui Úunt Akupin chichainiak ‘Nekasan tájarme, ashí ju̱ wí shuar péejchachisha waitnentramarum nu winia anentakum túraitrume’ tiártatui.

2 Pit. 2:15

Naka jintianka ikiuiniak Piura uchirí̱ Paraaman patatuiniak awajirarai. Warí, Paraamka yajauchin túrak kuítian achiktinian ti wakerukchamkia.