Neem. 13:1 - Yus Papí: Shuarja̱i̱ Yus Yamaram Chicham Najanamu

¹ Nu tsawantin aents ántuiniamunam Muisaisa papiri̱ áujnasmiayi. Tura nuna aujú pujusár Amun aentska tura Muap aentssha Yusna iruntrarmanumka peṉké waya̱chartiniaiti tu áarman wáinkiarmiayi.

Neem. 13:1 Iomraidhean Croise

2 Akup. 23:2

Nuyá̱ úunt akupin Uunt Yusa Je̱e̱n wéak Jutanmaya̱ áishmaṉkan tura Jerusaréṉnumia̱ matsamármia nunasha núnisaṉ Yúsnan etserniuncha ántsaṉ Yúsnan takarniuncha nuyá̱ ashí aentsun uchichinmaya̱ juarki̱ úuntnasha yaruakarmiayi. Tura nu aentska ashí ántuiniamunam Chícham Najanamu papí aarma Uunt Yusa Je̱e̱n aan wáinkiarmia nuna ashí áujsamiayi.

Neem. 13:23

Nu tsawantin Israer shuar Astutnumia̱ nuwa̱n Muápnumia̱ncha tura Amunnumia̱ncha nuatrarmiayi.

Neem. 2:10

Túrasha Urun aents Samparát nuyá̱ ni takarniúri̱ Amun aents Tuwías nuna antukar yaaksha taar Israer shuarnan péṉkeran túrawara̱i̱n tusar peṉké nakitiáiniak kajearmiayi.

Neem. 2:19

Tura Urun aents Samparát nuyá̱ ni takarniúri̱ Amun aents Tuwías aents núnisaṉ Arapianmaya̱ aents Jesem antukar iin nakitramainia ásar wishikramainiak “Jú̱tikiarum ju̱sha ¿warimpiait? Átumka úunt akupin ¿umirkashtaj tusarmechuk jú̱tikiarum?” turamarmaji.

Neem. 4:3

Tura Amun aents Tuwías nui̱ wajá chichaak “Átum kayá wénuk najantrumna jú̱naka ti ku̱janchmaketiat yakí̱ warukka sá̱a̱kminian jú̱tikianiawai” timiai.

Neem. 8:2

Kame siati nantu náṉkamma tsawantin Yúsnan pujurin Ístras yaunchu Yus Israer shuarnan akupkámu chicham áarman áishmaṉsha nuwa̱sha tura antuk nekamnia ainia nu iruntrar pujuiniamunam itiamiayi.

Neem. 9:3

Uunt Yus ni Yusri̱ akupkámu aarma papin wajakiar áujsar menaintiú ura ejeniarmiayi. Tura chíkich menaintiú úranmaṉka ni yajauch túrutairi̱n etserkarmiayi. Túrawar Uunt Yusri̱n shiir awajsarmiayi. 9:4 - 10:34 Israer shuar ni we̱a̱tri̱ yaunchu yajauch túramun etserkarmatai yaunchu Yus niji̱a̱i̱ chícham najanamu umikchamun “yamaikia umiktáji” tiármiayi. Nuna tura umir Neemías úunt akupin Artajírjisan takarin asa Susa péprunam waketkimiayi. Nuyá̱ ukunam ataksha Jerusaréṉnum waketki̱ támiayi. Nui̱ taa suntara úuntri̱sha tura ashí Israer shuarsha Yus aentsja̱i̱ chícham najanamu umikchamun yamaikia umiktatji tiarmia nuna umitsuk matsatainian tariarmiayi. Nuna nekáa Neemías chicharkar Yúsnan péṉker uminkiati tusa chichamprukmiayi.

Jrm. 48:1

Israera Yusri̱ Ashí Akupin Uunt Yus Muápnaka jú̱nis tíniuiti “Ame takatrum tura ame kuítrum enentáimtusu asam amesha núnismek jatekma átatme. Péprunmaṉka aṉkant aṉkant emesmau winiartatui tura pakasha tura paka téparu ainia nusha Uunt Yus timia núnisaṉ emeskamu ártatui. Péṉker wáinmamtsuk Uunt Yusa takatrí̱n takakmana nuka yajauchiniam yumiṉkramu atí” Uunt Yus tíniuiti.

Ams. 1:13

Amuna shuari̱ncha yajauch tí túrukmanum peṉké tsaṉkurachartatjai. Warí nuṉke̱n iwiaṉkartai tusar Karaatnumia̱ nuwa̱ ajaprukaru áinianka ajapeyarmiayi. Núnisnak Rapá wenuke̱ncha jinia ikiapátran akupniu je̱e̱nkia mesetja̱i̱ kakaram untsummaja̱i̱ amutkartatjai tura yumitinkia nasé naseja̱i̱ ti kakaram yútak amukártatui. Tura akupniúsha péṉkeri̱ ainia nuja̱i̱ achirar yajá yaruakma ártatui” tíniuiti Uunt Yus.

Wek. 22:5

Nuya̱ṉka Parak Piura uchirí̱ Paraaman pujamunam Peturnum entsá yantam ni aentsri̱ nuṉke̱ni̱ṉ pujan untsuká utitiarum tusa aentsun chichaman akatar akuptak chicharuk “Maa nekaata, yamaikia aents Ejiptunmaya̱ jíintrar nuṉkan enetkí̱ wininiawai tura yamaikia winí̱ tíjiu̱ch naka matsamkarai.

Ruk. 10:26

Tutai Jesus aya̱k “¿Yus Papinium Muisais áarmanum waritia áarmait. Itiur áujeam?” tímiayi.

Tur. 13:15

Tura nui̱ Yus Papinium yaunchu áarman áujas aminkiamtai Israer shuar iruntai̱ je̱a̱nam íirniuri̱ Páprun tiármiayi “Yatsuru, jintíatin chicham takakkurmeka yamaik titiarum. Antukarmi” tiármiayi.