Neem. 1:6 - Yus Papí: Shuarja̱i̱ Yus Yamaram Chicham Najanamu

⁶ Kame wi nuyá̱ wí shuarsha Amiin yajauch túraitji. Ame takartámin tsawai̱sha tura káshisha seatmana nu anturkata. Warí Israer shuaran Ame takartámin ainia nuna wi niin seatajme. Tura Israer shuarti Amiin yajauch túrawaruitiajⁱ wi ujajmena nui̱ waitneasam tsaṉkurkarturta.

Neem. 1:6 Iomraidhean Croise

1 Akup. 8:30

Tura Ámin takarniuitjiamna ju̱ núnisaṉ Amé aentssha Yusa Je̱e̱ni̱ iimsar seatmainia nu anturkarta. Nayaimpiniam pujutái̱rmin pujamna nuya̱ṉ seatmainia nu anturkaram tsaṉkurarta.

1 Akup. 8:47

ataksha ni enentái̱ji̱a̱i̱ṉ Ámin enentáimturmasar waketkiar seatmainiak ‘Nekas tunáa túraitji tura Yusan nékachu shuar túruinia núnisar mui̱jmiai̱ túraitji’ tiar

Ists. 10:1

Tura Ístraska Yusa Je̱e̱n eem tikishmar Yusan áujeak útkamaikia ni tunaari̱n Yusan ujak pujurai̱ Israer shuar áishmaṉsha, nuwa̱sha tura uchisha ti kuntuts jakamnia nekapáiniak uutkamaitiak ti untsurí niin iruntrarmiayi.

Ists. 10:11

Yamaikia átumka atumí aparí̱ Yus tunaarum ujaakrum Jiuwá shiir awajkuram Ni wakeramu túratarum. Tura chíkich nuṉkanmaya̱ aentsnumia̱ṉka tura nuwa̱nmaya̱sha kanaktiarum” tímiayi.

Neem. 1:11

Uunt Yusá, wi seattajam nu anturtukta. Tura Amé shuarsha Ame náarmin shiir awajsataj tusar wakeruinia nusha enentáimturta. Nuyá̱ wi úunt akupniun jearin títiatjana nusha waitnenkartutai̱ enentái̱ susata” tu seamjai. Warí wikia úunt akupniu umutairi̱n umasa iisan súuyajai.

YKan. 102:17

Nu túrunamtai ji̱i̱ra akuprámu seamuri̱ncha anturkartatui.

YKan. 106:6

Israer shuarti, ii we̱a̱tri̱ tunáa túrawarmia núnisrik Ámin enentáimtachu asarⁱ tunáa túraitji.

YKan. 130:2

Uunt Yusá, winia chichamur antukta, tura wi untsumma antuktaj tusam antú antut ajasam pujusta.

YKan. 32:5

Tura nuiṉkia winia tunaarun nuyá̱ yajauch túramun ishichkisha ú̱rtsuk ujakmajme. Nekas tunaarun Uunt Yusan ujaktájai tu enentáimsan ujakmajmena nui̱ winia ashí tunaar tsaṉkurturmame. (Séraj)

YKan. 34:15

Kame Uunt Yuska péṉker túrin ainia nuna wainiainiawai. Tuma asa ni seainia núnaka anturainiawai.

YKan. 55:17

Kí̱arai̱sha, káshiksha tutupnisha Yusan sean untsuktatjai túram winia chichamprun Ni anturtuktatui.

YKan. 88:1

Jiuwáa winia uwemtikrin Yusru tsawai̱sha káshisha Ame íimmianum pujusan untsúajme.

Isa. 6:5

Nuya̱ṉka chichaakun “¡Chuwa jákashtatjak! Warí wikia nekas yajauchin chicháu tunáa túrin áishmaṉkaitiatan tura núnisaṉ yajauchin chicháu matsatainiamunam pujayatan Úunt Akupniun Ashí Akupin Uunt Yusan wainkiajai” tímiajai. Ruk. 5:8

Tan. 9:15

Nu asamtai Uuntá, ii Yusri̱yá, Ame kakarmarmiji̱a̱i̱ Ejiptunmaya̱ Amé shuar ji̱i̱ram naṉkamantu páantin awajmámsamame tura yamaisha núnisketme. Túrasha Yusan enentáimtichu aents ainia nuja̱i̱ métek tunáa túraitji.

Tan. 9:20

Tura wikia winia Yusur akantúkma náintri̱n pachisan winia tunaaruncha núnisaṉ Israer shuara tunaarí̱ncha Uunt Yusa ujakun chicháa pujai̱ṉ

Tan. 9:4

Tura Uunt Yusan kame winia Yúsrun tunaarun ujakan seakun jú̱nisan tímiajai “Uunt Yusru Ameketme Úuntam tura ashamkamniam Ámeka aentsja̱i̱ chícham najanamusha uminiaitme. Núnisaṉ ámin umirtamak tura akupkámurmincha uminia nuka waitnenniuitme.

Tan. 9:5

Antsu iikia tunaasha tura mui̱jmiai̱ áiniana nu túrakur Yusan enentáimtichu ainia nuja̱i̱ métek kajekar ii wakeramu túraitji. Núnisrik ame akupkámu chichamprumsha iniaisaitji.

Tan. 9:8

Maa, Uuntru, Aminí̱sha tunáa tura asar ii akupniúri̱ji̱a̱i̱, ii úuntri̱ji̱a̱i̱ tura ii aparí̱ji̱a̱i̱ métek natsanmai̱ ajainiaji.

Ruk. 18:7

Tura Yus tí peṉker asa ni achikman tsawai̱sha, káshisha untsuamka nú naṉkaamas anturkashtatuak. ¿Yáitsuk meṉkakatuak?

Ruk. 2:37

Tura waje̱ma uchaintikuátru uwí pujusmiayi. Núnisaṉ Yusa Uunt Je̱e̱ya̱ jíintsuk káshisha tsawai̱sha ijiarma tuke Yusan áujniuyayi.

Ipi. 2:3

Ashí iisha núnisrik yaunchu nu shuarja̱i̱ métek ii aya̱shí̱ wakeramu umirniuyaji. Tura ii aya̱shi̱ wakeramusha núnisrik ii enentái̱ wakeramusha umirniuyaji. Tuma asar tunaaja̱i̱ akiinia asar chíkich shuarja̱i̱ métek ti kajernákmiaji.

1 Tim. 5:5

Nekas waje̱ niṉki pujana nu Yusan enentáimtak tsawai̱sha káshisha iniaitsuk Yusan áujeawai.

2 Tim. 1:3

Tsawai̱sha káshisha Yusan áujeakun ámin tuke enentáimtusan ti shiir Yusan yúmiṉkiajai. Winia we̱a̱tur túrawarmia nútiksanak Yusan enentáimtakun ti shiir awajeajai.

1 Jṉ. 1:9

Antsu ii yajauch túramuri̱ Yus paant ujakrinkia Yuska tsaṉkurtámprattaji. Tura ashí ii tunaari̱n asakátramprattaji. Yuska tí peṉker asa Ni tana nuna tímiatrusaṉ umikmin asa túrattawai.

1 Sam. 15:11

“Sáuran úunt akupin anaikia asan kúntuts nekapeajai. Warí winia chichamprun umitsuk Wini̱ya̱ kanakní̱” tímiayi. Nuja̱i̱ Samuir itiurchat enentáimiar nu kashi kánutsuk Yusan áujsamiayi.