Neem. 1:3 - Yus Papí: Shuarja̱i̱ Yus Yamaram Chicham Najanamu

³ Tutai achirar yaruakma juákaru ni nuṉke̱n waketrarua nuka tí waitkiasma wishiktai̱ pujuiniawai. Tura Jerusaréṉka wenuke̱sha sá̱a̱rmaiti núnisaṉ wáitiri̱sha áestukmaiti” tu ujatkarmai.

Neem. 1:3 Iomraidhean Croise

1 Akup. 9:7

Wi Israer shuaran nuṉkan súsarmiaj nuya̱ṉka ji̱i̱ran akuprartatjai. Tura Winia náarun Shiir Awajtai̱ Je̱a̱ atí tusan imiatkincha awajsámaj nunasha ajapa ikiuktiatjai. Túramtai Israer shuarka ashí nuṉkanmaya̱ aents áujmattsar wishiktai̱ juákartatui.

2 Akup. 25:10

Nuyá̱ untsurí Kartíu suntar ni úuntri̱ji̱a̱i̱ taarmia nuka Jerusaréṉ pepru mátsatkamu wenuke̱ncha ashí yumpuararmiayi.

Ists. 2:1

Uunt akupin Napukutunusúr Israer shuaran achirar Papirúnianam yaruakma waketkiarmia nuka ju̱ ármiayi. Nisha Jerusaréṉnum tura Jutanam aṉkant aṉkant ni nuṉke̱ni̱ṉ waketkiarmiayi.

Ists. 5:8

Yamaikia ju̱ úunt akupniu amiin paant nekaamu atí. Jutá nuṉkanam Uunt Yusa je̱e̱ iyutai tusar wémaj nui̱ kaya uuntja̱i̱ numiji̱a̱i̱sha tanishri̱ncha ikiursar najanenawai tura nu takatnasha ti wárik takainiak amukí̱ émamkesar takaki̱ wénawai.

Neem. 11:3

Tura Jerusaréṉnum nuṉka yáirach tesamunam uuntri̱ ní wakerus pujusármiayi. Antsu Jutá pepru armia nui̱ṉkia Israer shuar, Yúsnan pujurin, Riwí shuarsha, Yusa Je̱e̱n takarniusha tura Saramúṉka takarniúri̱ wea aṉkant aṉkant ni pujutái̱ri̱ni̱ṉ pujusármiayi.

Neem. 2:13

Jerusaréṉnum uunt pepru wenuke̱ sa̱a̱nakniuya̱ nuna téntaka ashí iisjai. Túrasha túratniun wakerimiaj núnaka uuntri̱ ainia núnaka ujakcharmajai.

Neem. 2:17

Nuyá̱ iruran chicharainiakun “Jerusaréṉ péprusha ti yajauch awajsar wáitiri̱sha jiji̱a̱i̱ áeskamu wáintrume. Tuma asamtai winitiárum Jerusaréṉka wenuke̱sha iwiarkatai yajauchia nuke wishiktai̱ pujuara̱i̱j” timiajai.

Neem. 2:3

Túmayatnak úunt akupniun chicharkun “Uunt akupniú, tuke iwiaaku pujú atá. Winia apar iwiarsamu péprusha emeskar ti yajauch awajsamu tura wáitiri̱nkia ashí ekemárma áiniawai tu ujatkaru ai̱sha ¿urukamtaik wisha kúntutscha pujuschattaj?” tímiajai.

Neem. 7:6

Papirúnianmaya̱ úunt akupin Napukutunusúr achirar yaruakma Jerusaréṉnum tura Jutanam aṉkant aṉkant ni uunt mátsatkamuri̱n waketrar káunkaruka tura ni pépruri̱n waketkiar matsamsaruka ju̱ áiniawai.

Istr. 1:1

Uunt akupin Asueru pujumia nui̱ ju̱ túrunamiayi. Kame Asueruka uunt nuṉka tépaku Íntianmaya̱ juárkin Itiupía tímianai ni nuṉké̱ tesarma siantu paintisiáti armia nui̱ akupmiayi.

YKan. 79:4

Iin ayatka pujuinia nu kajertamainiaji. Tura iin téntatmak matsatna nu yajauch chicharsar nakumsa wishiktai̱ ajasji.

Neka. 25:28

Aents tsuumainian wáiniat aneechuka uunt pepru wenuke̱ sa̱a̱natkimiua núnisaiti.

Isa. 5:5

Wats yamaikia Winia uwa ajarun warí itiurkattaja nuna ujaktatjarme. Yamaikia wenuke̱ncha sa̱a̱rkittiajai túram amukma átatui. Tura tanishri̱ncha sa̱a̱rkittiajai túramtai yajasma naja̱trartatui.

Jrm. 24:9

Tura ashí nuṉkanam akupniu nuṉké̱ áiniamunam Wi akuprartatjana nuiṉkia Israer shuar túrunawarma enentáimsar sapijmiatai tura natsan awajtai̱ núnisaṉ métektaku chichamja̱i̱ chichartai̱ áitkiasrik wishiktai̱ nuyá̱ yumiṉtai awajsartatjai.

Jrm. 29:18

Tura mesetja̱i̱ suṉkurja̱i̱ tsukaja̱i̱sha asutiáwartatjai. Wi nuní̱ turamtai ashí uunt nuṉka mátsatkamunam akupáinia nu ashamái̱ íirmartatui tura ashamái̱ yumiṉkramu tura wishiktai̱ wi ajapa iniaisámiajrumna ímianiaṉ átumka átatrume.

Jrm. 39:8

Tura Kartíu aents armia nu úunt akupniu je̱e̱n ekemátkarmiayi tura péprunam je̱a̱ iruniarmia núnaka tura núnisaṉ Jerusaréṉka tanishri̱ncha sá̱a̱kiarmiayi.

Jrm. 42:18

Jirimías tuke chichaak “Ashí Akupin Uunt Yus Israera Yusri̱ chichartamuk ‘Ejiptunam pujustai tusarum wéakrumni̱ṉkia Winia suir kajetáirja̱i̱ Jerusaréṉnum matsatainian itiurkarmaj nútiksanak Winia kajetáirun atumín ukatrattajrume. Tura yumiṉkramu asarum kajertai̱ nuyá̱ yajauch chichartai̱ tura natsan awajtai̱ átatrume. Nuyá̱ atakka jú̱ nuṉkaka apajá̱srumsha peṉké íischattarme’ tawai.

Jrm. 5:10

Átumka uwa arakma áiniana nu warukrum emeskatarum. Túrasha ashikia amukairap. Kame Úunt Yusnachu ásarmatai aya kánaweṉ asantratarum.

Jrm. 52:14

Ashí Kartíu suntarja̱i̱ pujuarmia nuka Jerusaréṉka wenuke̱nka tsai̱ tsai̱ awajsar ashí téntakarmiayi.

Ukan. 1:7

Jerusaréṉnumia̱ aentska ni nemasri̱ achiram yaki yaiṉkiat. Nui̱ umiktinian nakitrarmia nuna wáitsartin tsawant armia nunasha enentáimtusar tura yaunchu péṉker wakerú ajamnian takaku armia nuna enentáimturarmiayi. Jerusaréṉ iniarmatai ni nemasri̱ iisar wishikrarmiayi.

Ukan. 2:9

Wáitiri̱sha nuṉká utsaṉma tura asaktairi̱sha kupiniar mash mesekarmiayi. Tura nuṉka mátsatkamunam umiktin chicham akupkámu atsana nui̱ úunt akupniusha uchirí̱sha matsatainiawai. Núnisaṉ Yúsnan etserniuri̱ncha Jiuwanun ímiaja̱i̱ksha íimtikracharuiti.

Ukan. 3:61

Maaj, Jiuwáa Ámeka ni katsekruinia nusha antukuitme tura chichaman jurutainiak áujmatainia nusha nékame.

Riw. 26:31

Atumí pépruri̱ṉkia itiarak awajtústatjai tura atumí Yus Shiir Awajtai̱ Je̱e̱ncha emeskaran aya jú̱nik awajsartatjai. Túran tí peṉker kuṉkuin áesturkurmincha nekaprashtatjai.

Riw. 26:33

Atumniaka ashí nuṉkanam tsakiṉmaktatjarme. Túram Winia puya̱run atumín ukuitkiattajrume. Nuya̱ṉka atumí nuṉke̱nka aya jú̱nik ajasármatai atumí pépruri̱ṉkia ashí itiarak ajasártatui.