Mik. 7:8 - Yus Papí: Shuarja̱i̱ Yus Yamaram Chicham Najanamu

^8-13 Maa, winia nemasru íirsam warasaip. Warí, iniaruitkiunash nantakchattajak. Kame Uunt Yusai̱ yajauchin tura asan wi túramunam sumamtikruumam tura nekasa nuja̱i̱ métek turutmam Ni kajetáiri̱ncha katsuntrattajai. Winia nemasrusha núnaka wáinkiartatui tura ame Yusrumsha ¿tui̱ pujá? turutiarma nusha natsa̱a̱rartatui. Tsawant jeamtai ame péprurmi wenuke̱sha najanaktatui tura ame nuṉkem tesamua nusha Ejiptunmaya̱ juárkin entsa tímianai iwiaṉkántrattawai.

Mik. 7:8 Iomraidhean Croise

YKan. 112:4

Péṉker enentáimkia ainia núnaka tsáapin awajtawai. Tura péṉker waitnenkartin yáiṉkratniua nuka Níyaiti.

YKan. 143:3

Winia nemasur pataturainia nuka nuṉká aju̱ntá najatainiawai. Túruta yaunchu jakaa matsatna nútikrua kirit tsuumainium apujtusarai.

YKan. 20:8

Tura niṉkia tikishi̱ ipijiátkam iniainiawai antsu iikia tariarar wajaji.

YKan. 27:1

Uunt Yuska winia tsáapnintruiti tura winia uwemtikriniaiti. Túmanash ¿yanak ashamkataj? Uunt Yuska utúachmin wenuke péṉker iwiarturma asa winia iwiaakmaruiti. Tuma asan wisha ¿yanak ashamkaintiaj?

YKan. 35:19

Tura ántar nemasmatkaru ainia nusha winia warartuscharti. Núnisaṉ peṉké antar nakitruiniak mitsumprútacharti. YKan. 69:4; Jṉ. 15:25

YKan. 37:21

Yusan enentáimtichuka kuítian ikiamsash awakechuiti. Antsu naka túrinkia waitnenkartur ántar súawai.

YKan. 37:24

Tura akaikí̱ iniarsha nuṉká tepeschattui antsu Uunt Yus uwejnum achíakma asa wárik nantaktiatui.

YKan. 38:16

Wi atajkintramtai winia wishikrurara̱i̱ṉ tímiajai. Wíniaka iniarmatai nupetkáji tu enentáimturacharti.

YKan. 84:11

Jiuwá Yus Ámeka étsa̱yaitme tura tantaraitme. Tura Amek péṉker jintian apapéna nuka waitnentraram páantin awajme túram ashí Amiya̱ péṉkera nuka suritchaitme. Mat. 6:33

YKan. 97:11

Péṉkera túrin shuar ainia nuka tsáapninian wáinkiartatui tura naka enentáimkia ainia nusha warastin sunasartatui.

Isa. 2:5

Maa, Jakup shuaraitrumna nútirmeka winitiárum Uunt Yusa tsáapnintri̱n wekasarmi.

Isa. 49:9

Núnisaṉ sepunam pujuiniasha jíinkitiarum tura kiritniunam pujuiniasha wantintiuktarum títiatme. Nuyá̱ jintiasha tura ashí naintia nui̱ṉkia ni sa̱a̱kri̱ iruniartatui. Ruk. 4:18

Isa. 50:10

Atumíya̱sha ¿ya Uunt Yusan ashama? Núnisaṉ ni takarniúri̱ chichame̱n ¿ánturusha aa? Tura kiritniunam wekaakrum nu tsáapnin atsumamna nuka aya Uunt Yusak enentáimtusam Nini̱ṉ kaka̱rtarum.

Isa. 9:2

Tura shuar kiritniunam wekainiarma nusha tí tsaapninian wáinkiarmai. Núnisaṉ kiritin nuṉkanam jákatniunam pujuinian tsáapin ajattsamiayi. Mat. 4:16; Ipi. 5:8,14

Jrm. 50:11

“Túrasha átum Kartíu aentstiram wi shuar amukrum ti warasuitkiurmesha. Tura waaka sa̱a̱kin yurumá jaerua tímianikiuitkiurmesha tura kawái chicháa ajakuitkiurmesha

Jrm. 8:4

Núnismek Jirimíasá, chicharainiakum Uunt Yus chichaak “Nuiṉkia akaikí̱ iniararka ¿nantachuk ainia? ¿Tura achirar yajá yaruakma waketraṉka káunchak ainia?

Ams. 9:11

Nu tsawant jeatta nui̱ṉkia Tawitia Yusa Je̱e̱n já̱a̱rar emestukma nuna ashí péṉker iwiarkattajai. Túran yaunchu amia tímiatrusnak awajsattajai.

Apt. 1:12

Amesha ame yatsumi itiurchatri̱ tsawant ama nui̱sha páchitsuk ii waraschatniume ántsaṉ Jutá shuari̱ awakmakcharmataisha nu íismesha wishirchatniume tura ni wáitiarma nui̱sha naṉkamantusha enentáimtumaschatniume.

Sak. 12:8

Nu tsawantinkia Uunt Yus Jerusaréṉnum matsatainia nuna ayamprúkartatui. Nui̱ kakarmachu ainia nusha Tawitji̱a̱i̱ métek ajasártatui. Tura Tawitia shuari̱ṉkia Yusa ánis, kame Yusa suntari̱ eem wea núnis áiniawai.

Mks. 4:2

“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme.

Mat. 4:16

Nu aents kiritniunam pujuiniayataṉ ti tsáapninian wáinkiarmiayi. Jákatniunam pujuiniai̱ tsáapin tsáapnirmiayi.” Isa. 9:1-2

Juaṉ 16:20

Ti nekas tájarme. Átumka kúntuts pujusrum úttiatrume tura Yus shuarcha warasartatui. Tuma ai̱ṉᵏⁱ átum kúntuts pujayatrumek ukunam warastatrume.

Juaṉ 8:12

Ataksha Jesus Yusa Uunt Je̱e̱n iruntrarun chicharainiak “Ju̱ nuṉkanam Wi tsáapninia áintsan shuara enentái̱n paant awajtajai. Ashí Wiji̱a̱i̱ tsaniṉ wekaana nú shuar kiritniunam wekasashtatui antsu shuar iwiaaku pujuwa nu tsáapninium wekasattawai” tímiayi.

Tur. 26:18

Péṉker jintintiata tusan akupeajme. Kame aentssha kiritniumia̱ jíinkiar tsáapninium wekasarat tusan tura iwianchi kakarmari̱ya̱ aṉkant awajsar Yusan umirkarat tusan akupeajme. Tura Winia enentáimtursarmatai Wisha ni yajauchiri̱n tsaṉkurattajai. Nuna túran Yusna ajasáru áiniana nuja̱i̱ apujsattajai.’ Nuna Jesus turutmiai.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

2 Kur. 4:9

Aents pataaturmainiakrincha Yus ikiurmatsji. Emesrataj tukamá tujintiainiawai.

Apu. 21:23

Nú peprunmasha tsawái̱ nantusha kashí nantusha atsumchamai. Antsu Yusa winchari̱ tsáapin awajmiai. Núnisaṉ Muriksha tsáapin awajmiai.

Apu. 22:5

Tura káshisha atsuttawai. Nui̱ pujuinia nuka shiripkincha etsa̱ncha atsumchartatui. Uunt Yusak tuke tsáapin awajtiatui. Tura ni shuari̱ tuke iniaṉnatsuk akupkartatui.