Mik. 7:6 - Yus Papí: Shuarja̱i̱ Yus Yamaram Chicham Najanamu

⁶ Uchisha ni aparí̱n umirainiatsui núnisaṉ nawantri̱sha ni nukurí̱n kajerainiawai tura najatí̱sha ni tsatsarí̱n kajernainiawai. Kame aentsu nemasri̱ ainia nuka ní shuarai̱ya̱ṉkete. Mat. 10:21,35-36

Mik. 7:6 Iomraidhean Croise

Naṉ. 49:4

Túrasha ámeka esetramsha enentáimcha asam entsa tampaki̱ winiana núniniaitme. Warí winia chíkich nua̱rja̱i̱ tsaniṉkia kanarmame. Tuma asam Ruwinkiá, páantin áchattame.

2 Sam. 16:11

Nuya̱ṉka Tawit Awisháin tura ashí ni takarniúri̱n chicharainiak “Ju̱ nekaatarum, winia uchir wini̱i̱ya̱ akiiniaitiak mantuataj tawai. Kame nekaska Piṉjiamín shuarka urutmatsuk yamaikia mantuatniun wakerutainia. Tuma asamtai iniaisatarum yumiṉkrak yumiṉkrurti. Warí, Uunt Yusak túrunati tíchakait.

YKan. 41:9

Winia tí peṉker amikiur péṉker enentáimtiniuj nu tura wiji̱a̱i̱ yurumniu nuke íksaṉ nemasur ajasmai.

Neka. 30:11

Aents ni aparí̱n yajauchiniam yumiṉniusha tura nukurí̱n shiir awajchasha írunui.

Neka. 30:17

Uchi ni aparí̱n wishikniua núnaka tura nukurí̱ chichareamsha kajek áimniua núnaka kayanmaya̱ pinchu ji̱n ukuitkiamtai yapú uchirí̱ naintia kaketukar ji̱n yuruawartatui.

Jrm. 12:6

Warí, ame yatsumsha tura ame apá shuari̱sha anaṉkramawaruiti. Nisha ame úkurmin kakantar untsumiármai. Péṉker chichartamainiakuisha peṉké anturkaraip.

Jrm. 20:10

Untsurí aents tsanumprutainian antukuitjiai. Ashamkatniuka ashí nuṉkanam awai. ¡Werí etsertuktarum, etsertuktarum! Ashí winia amikrusha unuk tiinti tusar nákarainiawai. Chichainiak “Anaṉkarkia maak túrar ni nupetkashtajiash túrar nuiṉkia yapajkiatai” tuíniawai.

Jrm. 9:4

Ni írutramuri̱ya̱ṉka aṉkant aṉkant aneararti. Chikichík yatsumkesha itiurchat awajtúkchamniaiti tu enentáimtusaip. Warí yátsumetkusha anaṉkramui tura írutramurmeka tsanumprutmainiawai.

Apt. 1:7

Ámiji̱a̱i̱ tsaniṉ chichaman najanin ainia nuke ashí anaṉkramawar nuṉka tesarma áiniana tímianai ejetamiarai. Ámiji̱a̱i̱ kajernaitsuk pujuarma nusha ame nemasrum ajasárai. Ame yurumkarmin yurumáinia nuke anaṉkramuk chichaman najatramawarai. Warí, ju̱sha peṉké nekaachminiaiti.

Mat. 10:21

Shuar ni yachi̱ncha máwarti tusa suruktatui. Apasha ni uchirí̱n surukartatui. Uchisha ni aparí̱n máwarti tusa surukartatui.

Mat. 26:23

Mai̱ tu awajénam Jesus chichaak “Wi nú piniṉnumaṉ jimiartukan yuajna ju̱ Winia surutkattawai.

Ruk. 12:53

Núnisaṉ apasha ni uchirí̱ji̱a̱i̱ nakitniairartatui. Nukusha ni nawantri̱ji̱a̱i̱ nakitniairartatui. Tsatsarí̱sha ni najatí̱ji̱a̱i̱ nakitniairartatui.”

Ruk. 21:16

Tura imia atumí aparí̱sha surutmakartatui. Atumí yachi̱sha, atumí shuari̱sha amikrumsha núnisaraṉ surutmakartatui. Tura mámunka máwartatui.

Juaṉ 13:18

Tura tájana nuna ashí tátsujrume. Anaikiaitiaj núnaka Wi nékajai. Tura Yus Chicham uminkiatniuiti, nékajai. Ju̱ áarmaiti ‘Wiji̱a̱i̱ yurumna nu winia nemasur ajasái.’ YKan. 41:9