Mik. 7:5 - Yus Papí: Shuarja̱i̱ Yus Yamaram Chicham Najanamu

⁵ Ame amikrumsha nekas péṉker amikruapitia tu enentáimtusaip. Núnismek ame tsaníakmarmesha nekasapi tawa tiip tura ame nua̱rmiji̱a̱i̱ chichaakmesha anearam chichasta.

Mik. 7:5 Iomraidhean Croise

YKan. 141:3

Maa Uunt Yusru, wikia chichaatsa̱i̱ṉ wenurka Ame waitrukta núnismek chichamprusha péṉker waitrukta.

YKan. 38:14

Wikia aents ántichua núniniaitjiai núnisan chichamprumakchamnia núniniaitjiai.

YKan. 41:9

Winia tí peṉker amikiur péṉker enentáimtiniuj nu tura wiji̱a̱i̱ yurumniu nuke íksaṉ nemasur ajasmai.

Jrm. 9:3

Uunt Yus chichaak “Ni iniai̱ṉkia tíshimkiuja̱i̱ ekentkatniua tímiatrus iwiararuiti. Chichakmán tímiatrusaṉ umiktinniachu antsu anaṉkartuatai tusar ju̱ nuṉkanmasha kakaram ajasáruiti. Winia nekarainiachu ásar yajauchin túruiniak aya yájauchiniak e̱a̱iniawai.

Jrm. 9:4

Ni írutramuri̱ya̱ṉka aṉkant aṉkant aneararti. Chikichík yatsumkesha itiurchat awajtúkchamniaiti tu enentáimtusaip. Warí yátsumetkusha anaṉkramui tura írutramurmeka tsanumprutmainiawai.

Ukan. 1:2

Káshikia tí waitiak úteak nea̱jkiri̱ṉkia yapiniam wea pujawai. Tura ni ashí anenaitiai̱ri̱ ainia nusha chikichkisha niin atsaṉkratniuka atsawai. Núnisaṉ ashí amikrí̱sha anaṉkawar nemasnaikiarai.

Mat. 10:16

“Aneartarum. Wisha murik ya̱wa̱num akupkátniua áintsanak akupeajrume. Tuma asamtai shiir nawamkartin áyatrum napi ti enentáimkia áintsarum anearum wetarum.