Mik. 7:3 - Yus Papí: Shuarja̱i̱ Yus Yamaram Chicham Najanamu

³ Aya yajauch túratniunak unuimiátra áiniawai. Tura akupniúsha útsuiniawai tura sumamtikniusha akikiam sumamtikiainiawai. Nuyá̱ kakaram ainia nusha ni wakeramunak chichainiak awake enentáimtikiainiawai.

Mik. 7:3 Iomraidhean Croise

Neka. 16:30

Shuar yajauchin túrataj tusa enentáimna nuka ni ji̱n anu mitsuma íimniuiti tura ni wene̱ja̱i̱sha chúchutmasan ajawiti.

Neka. 17:23

Yusan enentáimtichuka naka jintian emeskat tusa ú̱srik akikia útsuamka “ayu” tíniuiti.

Isa. 5:23

Tura umitmaku nékayatrum kuit akikmatkarum yajauch túrachai tusarum nuja̱i̱ péṉkeran tura yajauch awajniútirmeka, maa aneartarum tí waitsattarme.

Jrm. 3:5

¿Túkek kajertuká? ¿Peṉké kajinmattsukek pujustata? turuteame. Túrasha ¿urutmá yajauchia túratin jeam? tímiatrusmek túraitme” turutmiai.

Jrm. 4:22

Warí Wi shuarka Wíniaka nekarainiachu ásar enentáincha áiniawai. Uchi peṉké ántichua núnisar antutai̱ri̱sha atsuiniawai. Yajauch túratniunka tí nekainiayat péṉker túratniun peṉké nékainiatsui.

Jrm. 8:10

Tuma ásarmatai ni nua̱rí̱ ainia núnaka chíkich aentsnum surutkartatjai tura arakri̱nkia utsantuawar nupetmakarua nuna súsartatjai. Warí uchichinmaya̱ juarki̱ úuntaimiak anaṉma kuítriniatniun wakeruiniawai. Ántsaṉ Yúsnan etserin ainia nuyá̱ juárkimiuk Yúsnan pujurniuimiak anaṉkartuiniawai.

Isk. 34:21

Warí, átumka ashí murik pimpiráru ainia nu páemiji̱a̱i̱ tura yakaimiji̱a̱i̱sha shitiarum núnisaṉ kachurmiji̱a̱i̱sha ijiurum ji̱i̱ra yajá akuprámu tsakiṉmakaruiti.

Ams. 5:12

Warí átum umiktin nakittiai̱ tí nukap tura atumí tunaarí̱sha ti untsurí ainia nunasha Wikia nékajai. Péṉkera túrin ainia nuka átum wakeramu túrumtikiarme núnisrumek túrashtincha túrata tusarum akikrum útsuarme. Ántsaṉ kuítrincha ainia nuka úuntnum ejerum ni tana nuka wáitiaiti tírum núpetearme.

Mat. 26:15

Tura jearí chicharuk “Jesusan achikia amaakui ¿urutmák akirkaintrum?” takui̱ traintia kuítian akikiármiayi.

1 Kur. 4:5

Tsawant jeamtai ii Uuntri̱ Kristu atak tátatui. Tura ashí yamái kiritniunam u̱kma nuna tura shuar ashí enentáimprarma nunasha paant awajsattawai. Nu tsawant jeatsa̱i̱ṉ shuar umikiuashit tusarum enentáimtusairap. Tura nu tsawantai̱ Yus ashí péṉker umikiarun shiir awajsattawai. Péṉker umikiuncha ishichik umikiuncha takasmaja̱i̱ métek Yus shiir awajsattawai.