Mik. 7:18 - Yus Papí: Shuarja̱i̱ Yus Yamaram Chicham Najanamu

¹⁸ ¿Ámiji̱a̱i̱ métek chíkich Yussha áwak? Kame yajauch túrutai̱sha tura Yusa aentsri̱ Nin enentáimtin juákaru ainia nuna tunaarí̱sha tsaṉkuram kajinmátniuitme. Warí Ni waitnenkartutariji̱a̱i̱ péṉker asa tuke kajekka pujuchuiti.

Mik. 7:18 Iomraidhean Croise

Naṉ. 4:7

Péṉker túraitkiumka paṉkái̱ íirsaintme. Túrasha péṉker túrachu asam anearta. Tunáa wárik nupettamkattsa wakerutmawai. Túrasha kakaram ajakmeka nupetkamniaitme” tímiayi.

1 Akup. 8:23

Yusan áujeak “Maa, Uunt Yus Israer shuara Yusri̱ya nayaimpinmasha tura nuṉkasha Ámiji̱a̱i̱ métek chíkichkia peṉké atsawai. Tura Ámin takartámin nekas enentáiji̱a̱i̱ Ámin umirtamainia nu shuar Ame chícham najanamu ímiatrusam umíakum waitnenniuitme.

YKan. 103:13

Apa ni uchirí̱n waitnenta nútiksaṉ Nin arantúkmaja̱i̱. Umirainia núnaka Uunt Yus waitnentainiawai.

YKan. 130:4

Túrasha Ámeka tsaṉkukratniuitme, shiir awajtai̱ ámij tusam túriniaitme.

YKan. 35:10

Winia aya̱shur chichartamuk Uunt Yusá chíkich yus Ámiji̱a̱i̱ métekka atsawai túrutui. Niji̱a̱i̱ naṉkaamas kakaram ainia nuyá̱ wáitias pujuinia nu aṉkant awajáiniame. Túram kuítrincha tura atsumainia nunasha atantainia nuya̱sha uwemtikme.

YKan. 65:3

Winia tunaaruk itit awajtak nupettuktasa wakerawai túrasha winia umishtairsha Ámeka tsaṉkurtame.

YKan. 65:4

Aents Ame je̱e̱min pujusat tusar Ame achikma Aminí̱ weamkaka ti shiir awajsamuiti. Yúsnan akantúkma Uunt Je̱e̱n tí peṉker írunna nui̱ apujsar nútsumtikrar waramtiksamu ártatui.

YKan. 71:19

Maa Yusá nekasa nuja̱i̱ métek túriniaitmena nuka nayaimpiniam jeawai. Yusá Ámeka warí warinkish ti uunt najankaitme ¿Ámiji̱a̱i̱ méteksha yaki aa?

YKan. 86:15

Túrasha Ámeka Uuntá waitnenkartin péṉker aneaku Yúsaitme. Núnisaṉ wárik kajechuitme tura waitnenkartutairmeka tura nekasa nu túrutairmesha amuichaiti.

YKan. 86:5

Warí Uuntá Ámeka péṉkeraitme tura tsaṉkurkartiniaitme. Ame uunt waitnenkartutairmiji̱a̱i̱ ashí Ámin untsurmainia nuka waitnenniuitme.

YKan. 89:6

Warí, nayaimpinmasha ¿yaki Uunt Yusja̱i̱ méteksha ajasat? ¿Uunt Yus suntarumin yaki Amé íirkasha páchitkia aint?

YKan. 89:8

Maa Ashí Tujintkiachu Yusá ¿yaki Ámiji̱a̱i̱ métekait? Imiá kakarmaitme. Yapajtsuk umin asakmin nekas péṉker enentáimtamna nuka tí paantaiti.

Jiin. 15:11

Uunt Yusru, Ámeka najanamu yus ainia núja̱i̱ṉkia naṉkaamas Amek arantumaintme. ¿Yaki peṉké tunaarinchasha Ámiji̱a̱i̱ méteksha áminiait? Aentsti túrachmin ashamkamnia túrin asam ti shiir awajmáinme.

Jiin. 34:9

chicharuk “¡Uuntá, ti nekas ame waitnentruruitkiumka waitneasam Uuntá, nemarkartusta! Kame ti nekas umichu árini̱ṉ yajauch túramu tura ii tunaarí̱sha tsaṉkurkarturam amé shuar awajkartusta” tímiayi.

Isa. 1:18

Nuyá̱ Uunt Yus chichaak “Wats winitiárum iiji̱a̱i̱ áujmatsarmi. Atumí yajauch túrutai̱ yamakái̱ya̱ núnisaitkiuisha micha imianú puju awajtústatjarme. Tura atumí tunaarí̱ ti kapa̱a̱kuitkiuisha murikiú ure̱ya imianú puju awajtústatjarme” tawai.

Isa. 40:18

Atumsha Yussha ¿yája̱i̱m métek awajsatarum tura warí nakumkarmek nekapmatarum?

Isa. 40:25

Yus Tunaarincha nu iin aninmak “Atumsha Winiasha yája̱i̱ṉ apattukrum íirsatarum. ¿Wisha yája̱i̱ṉ méteketaj?” tawai.

Isa. 44:22

Ame tunaarumnia̱ka yuraṉmia nútikian Wi emenkátkamajme tura tunaarumnia̱ka yuraṉkim nuṉká utsanar meṉkana nútikiamjai. Winí̱ waketkitia. Warí Wi aṉkant awajsámajme.

Isa. 55:7

Yusan umircha ainia nusha ni túrutairi̱n iniaisarti núnisaṉ yajauch enentáimin ainia nusha ni enentáimtairi̱nkia iniaisarti. Tura ti waitnenkartin asamtai Uunt Yusai̱ni̱ṉ waketkiarti. Núnisaṉ tsaṉkurkartutai̱ri̱sha tí uunt asamtai ii Yusri̱ni̱ṉ waketkiarti.

Isa. 65:19

Tura Wikia Jerusaréṉkan shiir enentáimtakun wí aentsnaka wararsartatjai. Nui̱ṉkia útmasha najaimiatniusha atakka peṉké antunkashtatui.

Jrm. 3:12

Weme winia chichamur étserkum arakaani̱ íimsam chichaakum ‘Yusan enentáimtichu Israerá Wini̱i̱ṉ waketkitia. Túramka waitnenkartin asamtai Winia kajetái̱rka wáinkiashtatme. Ántsanak kajeknásha túkeka pujuschattajai.

Jrm. 3:5

¿Túkek kajertuká? ¿Peṉké kajinmattsukek pujustata? turuteame. Túrasha ¿urutmá yajauchia túratin jeam? tímiatrusmek túraitme” turutmiai.

Jrm. 31:20

Antsu nui̱kia ¿Eprainkia Winia aneamur tura ti shiir enentáimtamu uchirchakait? Warí kajerkan nin áujmatkunka nuna núkap enentáimtiniaitjiai. Tuma asan nin enentáimtakui̱ṉkia enentái̱r pútir awajtiniaiti. Tura Eprainnaka nekas waitnentrattajai” tawai Uunt Yus.

Jrm. 31:34

Nuya̱ṉka yaaksha ni shuari̱nkia yachi̱nkisha ‘Uunt Yus nékamek’ tusaṉka jintintiáshtatui. Warí peṉké uchichinmaya̱ṉ juárkin úuntaimiak ashí nekarawartatui” tawai Uunt Yus. “Warí ni yajauch túrukmari̱n Wi ashí tsaṉkuraran núnaka atakka peṉké enentáimtuschattajai.”

Jrm. 32:41

Tura Wisha niin peṉker túruiniakun ti wararnaisartatjai. Núnisnak nekas enentái̱rja̱i̱ ashí wakantruja̱i̱ ataksha nekasa nuja̱i̱ ju̱ nuṉkanam matsasártatjai.

Jrm. 33:8

Winin yajauch enentáimprar tunaan túrawarmia núnaka japirartatjai. Túran ashí yajauch enentáiji̱a̱i̱ Wi timian peṉké nakitrarmia nunasha núnisnak tsaṉkurartatjai.

Jrm. 38:8

Ewitmiríkkia akupniu je̱e̱ya̱ jiinkí̱ werí akupniun chicharuk

Jrm. 50:20

Tura nu tsawant jeatta nuiṉkia Israera tunaarí̱sha tura Jutá tunaarí̱ iirmasarash peṉké waitniakchartatui. Warí ishichik ujukaruitjiana nuna tunaari̱nkia wikia tsaṉkuraruitjiai’ tíniuiti Uunt Yus.

Jrm. 9:24

Antsu aents shiir enentáimtumastaj tákuṉka ju̱na nekáa enentáimias Wikia Uunt Yus asan ju̱ nuṉkanmasha Winia waitnenkartutairja̱i̱ métek sumamtikniuitjiana tura nekasa nuja̱i̱ túriniaitjiana nuna péṉker anturtuk nekara warasti. Warí nuiti Winia shiir enentáimtikrana nuka” tawai Uunt Yus. 1 Kur. 1:31; 2 Kur. 10:17

Isk. 18:23

Kame Yusa enentáimtichu jakati tusan ¿Wi wakerajak? Antsu Wikia áyatik ni yajauch túrutairi̱ya̱ kanakí̱ iwiaaku pujusat tusan ¿wakeratsjak?” tawai Uunt Yus Ashí Aentsu Uuntri̱.

Tan. 9:9

Kame ii kajekar nakitrámsha waitnentramar tsaṉkurtámpratniuka ii Úunt Yusri̱niuiti.

Use. 14:2

Uunt Yusai̱ waketkirum seakrum “Ii yajauch túrutairi̱sha ashí tsaṉkurkarturta. Túram péṉker wáinmena nuja̱i̱ shiir enentáimkiartusta. Túrakmin ii wene̱ja̱i̱ yúmiṉkiakur waaka maar súamua áitkiasar kantampríttiaji.

Use. 14:5

Kame Israernaka Wi sana sanamtikna nútikiakun kuku̱j kuku̱jrana nútikiattajai. Túran Ríwianu naintia ímianu umuchkiachmin kaṉkaprumtikiattajai.

Juir 2:32

Kame Uunt Yus timia tímiatrusaṉ Jerusaréṉnum Seun nainniumka uwempratin átatui. Tuma asamtai yaaksha Uunt Yusa naari̱ pachis enentáimtuinia nuka uwemprartatui. Nuyá̱ Uunt Yus untsukma ainia nuka tuke iwiaaku juákaru ainia nuja̱i̱ pujusártatui. Tur. 2:17-21

Ams. 1:11

Etumnumia̱ aentsnasha nútiksanak yajauch tí túrukmanum peṉké tsaṉkurashtatjai. Warí waitnenkartutairi̱ṉkia iniais ni yachi̱n puya̱ja̱i̱ apapéku asamtai tura kajekka tuke tsai̱ tsai̱ awajniuiti núnisaṉ tuke itit enentáimniuiti. Tuma asamtai Temannasha jinia akuptúkan akupniu je̱e̱ Púsranam ainia nunasha amukártatjai.

Ams. 7:8

Tura Jiuwá chichartak “Amusá ¿warí wáiniam?” túrutkui wi chichaakun “Kayaja̱i̱ je̱a̱min nenaar naka je̱a̱mtain wainjiai” tímiajai. Tutai Uunt chichartak “Pai, je̱a̱ je̱a̱min netúa naka awajtai̱ji̱a̱i̱ Wi shuar Israeran nekapmán íistatjai. Ju̱ya̱ṉka chikichik tunaankesha asuttsukka peṉké iniaṉkatkishtatjai. Ams. 1:6

Jns. 4:2

Tura Uunt Yusan chicharuk “Uunt Yusru, winia nuṉkarui̱ pujusan áuchunak tímiaj. Tuma asan Társes péprunmaani̱ pisamjai. Warí nékajme, Ámeka waitnenkartin Úunt Yusaitme, wárik kajechuitme. Núnismek tí waitnenkartin asam asutiáttajme táyatmek enentáimprakriṉkia itiurchatka akupchaitme.

Mik. 2:12

Ti nekas Israer shuar juákaru ainia núnaka juukartatjai túran murik wénuimiunam matsatna nútikian matsastatjai. Túram untsurí aents matsamás tétete ajá matsamártatui. Ni akupniúri̱nkia Uunt Yus eem wétatui” tíniuiti Uunt Yus.

Mik. 4:7

Nuya̱ṉka shutuap juákarma núnaka tura yajá tsakiṉmakarmaj nunasha uunt pepru ti kakaram awajsartatjai” tawai Uunt Yus. Tura nu tsawantinkia Seun nainnium Uunt Yus yamaisha tura ukunmasha nin tuke akupkartatui.

Mik. 5:3

Túrasha nuwa̱ takustinia nu tsawantri̱ jeamam núnisaṉ chíkich nuṉkanam Israer shuar matsatainia ní shuarja̱i̱ iruntratai tusar waketkiar kaunmam Uunt Yuska ní shuarnaka ajapa iniaisartatui.

Mik. 7:14

Ame murikrum kampunniunam ajapén niṉki matsatna nu, Uuntá ame shuarum ásarmatai péṉker jintintiam júkiarta. Kame yaunchu Pasannum tura Karaatnum ni murikrí̱n wáinkiarmia núnis wainkiamu ártí.

Sup. 3:17

“Jiuwaka amiin pujawai tura kakarmari̱ji̱a̱i̱ uwemtikramprattawai. Ámin shiir enentáimturmak warastatui. Anenmamuja̱i̱ mitia apujtamsattawai tura waramuja̱i̱ kantamprútmattawai.

Wek. 23:21

Israer shuara tunaari̱ṉkia Yus ishichkisha wáitkiachmaiti. Núnisaṉ Israer shuarnum yajauch túruinian wáinkiachuiti. Antsu Israer shuarnum Uunt Yus ni Yusri̱ pujurkui úunt akupniuri̱ asamtai ti shiir enentáimtuiniak wararainiawai.

Ruk. 15:32

Tura ame yátsum jákaiti tu enentáimsamiaj nu iwiaakuiti. Meṉkaka nu yamaikia wainkiaji. Tuma asamtai námper najanar waraschatniukaitiajⁱ timiai’” tímiayi.

Ruk. 24:47

Winia náarun pachisar Jerusaréṉnumia̱ naṉkama ashí nuṉkanam nu chicham etsernaktinia nu áarmauyayi. Shuar ni yajauch túrunamuri̱ tsaṉkurnarat tusar enentái̱n yapaji̱átniuiti. Tura tu etserkatniua nusha yaunchu áarmauyayi.Mks. 1:11

Rum. 11:4

Tura Yus aya̱k “Siati mir áishmaṉkan Israer shuarnumia̱ apujtumsaruitjiai. Nu shuar ántar yus Páaran tikishmátrachu áiniawai” 1 Akup. 19:18 timiai Yus.

Muis. 33:26

Israera Yúsri̱ji̱a̱i̱ métekka chíkichkia atsawai. Atumí ejamtairi̱ṉkia tuke pujú Yusaiti tura Niṉkia uwejé̱ja̱i̱ takus pujurtamprume. Túramu asarum péṉker pujustatrume. Warí atumí Yusri̱ṉkia naṉkaamas kakaram asa atumí nemasri̱nkia nupetkattawai túrak péṉker apujtamsattarme.” Tú timiayi Muisais.

San. 2:13

Chikichan waitnentachkuṉka waitnennatsuk asutniáttawai. Tura waitneṉkratniuitkiurni̱ṉkia tsawant jeamtai Yus iin waitnentramprattaji.

Suma. 10:16

Nuna tiar Israer shuarka chíkich yusan enentáimtiarmia núnaka utsaṉkar Uunt Yusan enentáimtusarmiayi. Túrawarmatai Uunt Yus Israer shuaran wáitiamuri̱n peṉké katsuntrachmin nekapeak ataksha waitnentar yáiṉkiarmiayi.