Mik. 7:1 - Yus Papí: Shuarja̱i̱ Yus Yamaram Chicham Najanamu

¹ Ju̱sha urukakna esatái̱ araka júukar nuyá̱ juákuri̱sha juu júusar aya jú̱nik awajsamua núnis ajasja tura yuamnia chikichkisha juákchayi. Nu asamtai wikia ikiu neré̱ peṉkeri̱n yaya̱jai.

Mik. 7:1 Iomraidhean Croise

YKan. 120:5

Maj wisha urukawainjiatsuk, warí wikia íraraitjiai Miseknumka tura Ketara jutai̱ je̱e̱ írunmanum wisha nui̱ pujajai.

Neka. 20:6

Untsurí aents ántuiniamunam “péṉker waitnenkartiniaitjiai” tuíniakuisha nekas chichamtinniasha ¿yaki wainkiamniait?

Isa. 17:6

Tura uriwiu neré juwakur juákuri̱ tsakarí̱nkia jímiarchiksha núja̱i̱ṉchuka menaintiuksha júatsuk. Antsu kanawe̱n núkap nerekuka áintiukesh núja̱i̱ṉchuka séṉkuksha juaku e̱a̱kar júuktinia núnis átatui tawai Jiuwá Israera Yusri̱.

Isa. 28:4

Kame kuku̱j shíirmachitiat kaana núnin áiniawai. Núnisaṉ núkap takakainiak páantin enentáimtumaka esatratsa̱i̱ṉ yaaksha araka neré̱ tsamakun wainiak ti yaya̱k wárik yúana nútiknawartatui.

Isa. 6:5

Nuya̱ṉka chichaakun “¡Chuwa jákashtatjak! Warí wikia nekas yajauchin chicháu tunáa túrin áishmaṉkaitiatan tura núnisaṉ yajauchin chicháu matsatainiamunam pujayatan Úunt Akupniun Ashí Akupin Uunt Yusan wainkiajai” tímiajai. Ruk. 5:8

Jrm. 15:10

Tsej ju̱sha, winia nukuru, aya mánitniak pujurin aishmaṉ tura ashí nuṉkanmaya̱ shuarja̱i̱ kajernáin aentsua núnin takursaitme. Kame ikiamtanash ikiamsachu tura ikiattanash ikiattsachu áiniawai túrasha ashí shuar yumiṉkruiniawai.

Jrm. 24:2

Tura emka chaṉkinniumia̱ṉka ikiu tí peṉker eem nerekma tsamana ímiatrus armai tura chíkich chaṉkinniumia̱ṉka ikiu tí yajauch peṉké yúachmin kaushmaku armai.

Jrm. 4:31

Warí nuwa̱ iwia̱i̱ri̱n takustaj tusa jateemá najaimiak ará ará ajana núninian antukjai. Nuka Seuna nawantri̱ jakamnia nekapeak uwejé̱n takuí ‘Maj, wisha urukatjak, winia enentái̱rka maṉkartin ainia nuna wainiak jakamnia nekapeawai’ tusa túmawai” tímiayi.

Jrm. 5:1

Uunt Yus chichaak “Kame Jerusaréṉnum jintia áiniana nu wekaatusrum íisrum nekaatarum. Wats pepru áṉkamuri̱ iisam aents chikichkisha nákaa nuja̱i̱ métek túrak aya nekasa nunak ¿túrasha áwash? Túmaitkiuiṉkia Wisha tsaṉkurattajai.