Biblia Todo Logo
Bìoball air-loidhne

- Sanasan -




Mik. 6:9 - Yus Papí: Shuarja̱i̱ Yus Yamaram Chicham Najanamu

9-16 Ashí weanmaya̱ antuktarum Uunt Yusa chichame̱ péprunam etsernaktatui. Antsu Nin ashamainia núnaka niṉki uwemtikrattawai. ¿Kijin nekapatai̱ nékaskechu anaṉma kasamtai ainia nunasha péṉkeraiti titiatjak? Núnisaraṉ aents nui̱ matsatainiasha wáitruiniawai. Tuma asakrumin atumí yajauchiri̱ni̱ṉ Wisha nútiksanak yapajkiatniun naṉkamajrume. Yurumeakmesha eje̱e̱machu asam tuke pimpikin pujustatme. Kame Úmpriji̱a̱i̱ Akaap túrawarmia núnisrumek atumsha túrattarme. Túrakrumin emesnakarti tusan Wiki iniaisattajrume.

Faic an caibideil Dèan lethbhreac




Mik. 6:9
43 Iomraidhean Croise  

Tawit akupin pujamunam menaintiú uwí tí tsuka ajasmiayi. Túmakui̱ Tawitkia Uunt Yusan e̱a̱kmiayi. Tura Uunt Yus chicharuk “Saur umitmakmanum jú̱niawai. Warí, ni shuarka ti maṉkartin ásar Kapaunnumia̱ aentsun amukármiayi” tímiayi.


Yusan chicharkun ‘Súmamtikruawaip, nekamtikruata ¿urukamtai wíji̱a̱i̱sha mániam?’ titiatjai.


Ni wakera nuna wiji̱a̱i̱ túrattawai núnisaṉ chíkich túrawartinniasha nuja̱i̱ métek túrawartatui.


Yus enentáimtikrattsa wáitkiasmaja̱i̱ jintintiámun nekapmamna nú aentska shiir enentáimias warasti. Ashí Tujintkiachu Yus chichartamna nu nakitraip.


Yaaksha ju̱na nekáa tura esetas anturak umía nuka Uunt Yusa waitnenkartutairi̱n nekaattawai.


Maa Yusá, nuṉka náṉkatrana tímianaisha Amiin shiir awajsatniuka Ame náarmiji̱a̱i̱ métekete. Ame nekasa nuja̱i̱ métek péṉker túrutaiṉkia Ame untsuurumin piákuiti.


Ame náaram Jiuwayaitmena nuna nekarmawarti. Tura aya Amek ashí nuṉkanam Ashí Naṉkamantuitmena nuna nekarmawarti.


Uunt Yuska nekasa nuja̱i̱ métek sumamtikniun túrama nuna nekaamai núnisaṉ Yusan enentáimtichu ainia nuka ni najanamunmaṉ nemakarmai. (Séraj)


Shuar péṉker enentáimkiaka warí itiurchatan nekáa íkian ajawiti tura péṉker enentáimkiachuka nui̱ wayá̱ yajauch awajmamas wáitniuiti.


Aents péprunam irunar charaatum ajainiamua núnin ántuwawai. Túrasha nuka Uunt Yusa Je̱e̱n túmawai. Kame núnaka Uunt Yus ni nemasri̱n asutíniamu tu ántuwawai.


Túmainiayataṉ Israerka peṉké pachimiascharmiayi tura Úunt Yusnasha peṉké enentáimtuscharmiayi. Tuma asamtai Uunt Yussha nu tsawantai̱k pepru úuntri̱ncha tura Yúsnan etserin armia nunasha nuyá̱ jintinkiartin armia nunasha aentsun awajimtikiainia ásarmatai núnisaraṉ natsancha mitiaikiancha tura waje̱ armia nunasha peṉké waitnentsuk ashí asutiáwartatui.


“Uunt akupin Esekías akupin ajas Jutanam pujumia nu tsawantincha Muresétnumia̱ Mikías Yúsnan etsermiayi. Tura Jutanam ashí aentsnum étsereak jú̱nis tímiayi. ‘Ashí Akupin Uunt Yus chichaak “Seúnnaka kampunniua nútiksar amú amú awajsártatui tura Jerusaréṉka tsai̱ tsai̱ awajnástatui núnisaṉ naint Uunt Yusa Je̱e̱ pujana nu naintia pakarí̱nkia kaya kusha wái̱ṉtatui”’ tu etserkamiayi. Mik. 3:12


antsu nui̱ṉkia Uunt Yusa Je̱e̱nka Sírun itiurkamaj nútikiattajai. Tura ashí nuṉkanam iismasha ju̱ pépruka yajauchiji̱a̱i̱ yumiṉkramu átatui” tawai Uunt Yus’” tímiayi Jirimías.


Maa ¿itiurtsuk tee ajassha eṉkemsat? Warí, Askarúncha tura nayantsa kaanmatkari̱sha weriarta tusa Uunt Yúskechuk akuptúkuit” tímiayi Uunt Yus.


Samarianmaya̱ aentska ni Yusri̱n nakitiáiniak enentáimtuscharu ásar asutniáwartatui. Kame puya̱ja̱i̱ awatiar núnisaṉ uchincha aji̱a̱rar tura nuwa̱ ajamtin ainia nunasha ajape̱ máwartatui.


¿Ya nékait? Nuka ju̱na péṉker antuktatui. Tura ¿ya esetar enentáimniuit? Nuka ju̱na nekaattawai. Warí Uunt Yusa jinti̱nkia nákaiti tura péṉker enentáinniuka nuja̱i̱ wekasartatui tura ántichu ainia nuka nui̱ṉ tukumkar iniarartatui.


Tuma asamtai Jutanka jiji̱a̱i̱ akupniu je̱e̱ Jerusaréṉnum ainia nunasha ekemátrartatjai”.


Seuncha tura Samariasha ashí nuṉká naṉkamantua ímianu enentáimtumatsrumeash. Maa pepru uuntri̱ Seúnnum ti shiir pujuinia nusha tura Samaria naintnium aṉkant matsatji tu enentáimtumainia nui̱ Israer shuar ni yaintmaktatji tusar wena nú uuntka aneararti.


¡Maa aentstinkia, péṉkera núnaka Niṉki paant awajtúrmasuiti! Kame Amincha Uunt Yussha ¿warí itiurkai tusa wakerutma? Áyatik péṉkera túrin tura tuke waitnenkartin nuyá̱ péejchach ajasam ame Yúsrum tuke umirin ai̱ tusa wakerutmawai.


Warí ní chichame̱ncha anturkachuiti tura awajirmatai chicharkamsha nekaachuiti. Núnisan nekas enentáiji̱a̱i̱ Jiuwancha enentáimtuschaiti tura ni Yusri̱ncha weantúkchaiti.


Aneajna nuna chichareajai. Nu asamtai kakaram ajasam tunaarum enentáimpram iniaisata.


Lean sinn:

Sanasan


Sanasan